1And eft the sones of Israel diden yuel in the `siyt of the Lord, which bitook hem in to the hondis of Filisteis fourti yeer.

stylus

1 Samuel 12:9, Judges 6:1, 1 Samuel 12:9, Judges 6:1, Romans 2:6

2Forsothe a man was of Saraa, and of the kynrede of Dan, `Manue bi name, and he hadde a bareyn wijf.

stylus

Joshua 19:41, Joshua 19:41, Genesis 25:21, Luke 1:7, Joshua 15:33

3To `which wijf an aungel of the Lord apperide, and seide to hir, Thou art bareyn, and with out fre children; but thou schalt conseyue, and schalt bere a sone.

stylus

Luke 1:13, Luke 1:13, Luke 1:11, Luke 1:11, Judges 13:8

4Therfor be thou war, lest thou drynke wyn, and sydur, nethir ete thou ony vnclene thing;

stylus

Luke 1:15, Luke 1:15, Judges 13:14, Judges 13:14, Numbers 6:2

5for thou schalt conceyue and schalt bere a sone, whos heed a rasour schal not towche; for he schal be a Nazarei of God fro his yong age, and fro the modris wombe; and he schal bigynne to delyuere Israel fro the hond of Filisteis.

stylus

Numbers 6:5, Numbers 6:5, 1 Samuel 1:11, 1 Samuel 1:11, Numbers 6:2

6And whanne sche hadde come to hir hosebonde, sche seide to hym, The man of God cam to me, and hadde an aungel cheer, and he was ful ferdful, `that is, worschipful `and reuerent; and whanne Y hadde axide hym, who he was, and fro whannus he cam, and bi what name he was clepid, he nolde seie to me;

stylus

Judges 13:17, Judges 13:18, Judges 13:17, Judges 13:18, 1 Samuel 9:6

7but he answeride this, Lo! thou schalt conseyue, and schalt bere a sone; be thou war, that thou drynke not wyn ne sidur, nether ete ony vncleene thing; for the child schal be a Nazarey, `that is, hooli of the Lord, fro his yonge age and fro the modris wombe `til to the dai of his deeth.

stylus

Judges 13:4, Judges 13:4

8Therfor Manue preide the Lord, and seide, Lord, Y biseche, that the man of God, whom thou sentist, come eft, and teche vs, what we owen to do of the child, that schal be borun.

stylus

Acts 9:6, Acts 9:6, Job 34:32, Job 34:32, Proverbs 3:5

9And the Lord herde Manue preiynge; and the aungel of the Lord apperide eft to his wijf sittynge in the feeld; forsothe Manue, hir hosebonde, was not with hir. And whanne sche hadde seyn the aungel,

stylus

Psalms 65:2, Psalms 65:2, Matthew 7:7, Matthew 7:11, Matthew 7:7

10sche hastide, and ran to hir hosebonde, and telde to hym, and seide, Lo! the man whom Y siy bifore, apperide to me.

stylus

John 1:41, John 1:42, John 4:28, John 4:29, John 1:41

11Which roos, and suede his wijf; and he cam to the man, and seide to hym, Art thou he, that hast spoke to the womman? And he answeride, Y am.

stylus

12To whom Manue seide, Whanne thi word schal be fillid, what wolt thou, that the child do, ethir fro what thing schal he kepe hym silf?

stylus

Ephesians 6:4, Genesis 18:19, Proverbs 4:4, Proverbs 22:6, Ephesians 6:4

13And the `aungel of the Lord seide to Manue, Absteyne he hym silf fro alle thingis which Y spak to thi wijf.

stylus

14And ete he not what euer thing cometh forth of the vyner, drynke he not wyn, and sidur, ete he not ony vncleene thing and fille he; and kepe that, that Y comaundide to hym.

stylus

John 2:5, John 2:5, Deuteronomy 12:32, Judges 13:4, 2 Thessalonians 3:4

15Therfor Manue seide to the `aungel of the Lord, Y biseche, that thou assente to my preieris, and we aray to thee a `kide of the geet.

stylus

Judges 6:18, Judges 6:19, Judges 13:3, Genesis 18:3, Genesis 18:5

16To whom the aungel of the Lord answeride, Thouy thou constreynest me, Y schal not ete thi looues; forsothe if thou wolt make brent sacrifice, offre thou it to the Lord. And Manue wiste not, that it was `an aungel of the Lord.

stylus

Judges 6:26, Judges 6:20, Judges 13:23, Judges 6:26, Judges 6:20

17And Manue seide to hym, What name is to thee, that if thi word be fillid, we onoure thee?

stylus

Genesis 32:29, Genesis 32:29

18To whom he answeride, Whi axist thou my name, which is wondurful?

stylus

Genesis 32:29, Genesis 32:29, Isaiah 9:6, Isaiah 9:6, Judges 13:6

19Therfor Manue took a `kide of the geet, and fletynge sacrifices, and puttide on the stoon, and offryde to the Lord that doith wondirful thingis. Forsothe he and his wijf bihelden.

stylus

Judges 6:19, Judges 6:21, Judges 6:19, Judges 6:21, 1 Kings 18:30

20And whanne the flawme of the auter stiede in to heuene, the aungel of the Lord stiede togidere in the flawme. And whanne Manue and his wijf hadden seyn this, thei felden lowe to erthe.

stylus

Leviticus 9:24, Leviticus 9:24, 1 Chronicles 21:16, 2 Kings 2:11, 1 Chronicles 21:16

21And the aungel of the Lord apperide no more to hem. And anoon Manue vndurstood, that he was an aungel of the Lord.

stylus

Judges 6:22, Judges 6:22, Judges 13:16, Hosea 12:4, Hosea 12:5

22And he seide to his wijf, We schulen die bi deeth, for we sien the Lord.

stylus

Genesis 32:30, Deuteronomy 5:26, Genesis 32:30, Deuteronomy 5:26, John 1:18

23To whom the womman answeride, If the Lord wolde sle vs, he schulde not haue take of oure hondis brent sacrifices, and moiste sacrifices, but nether he schulde haue schewid alle thingis to vs, nether `he schulde haue seid tho thingis, that schulen come.

stylus

Psalms 25:14, 1 Corinthians 12:21, Psalms 25:14, 1 Corinthians 12:21, Psalms 86:17

24Therfor sche childide a sone, and clepide his name Sampson; and the child encreesside, and the Lord blesside hym.

stylus

Luke 1:80, Luke 1:80, 1 Samuel 3:19, 1 Samuel 3:19, Hebrews 11:32

25And the spirit of the Lord bigan to be with hym in the castels of Dan, bitwixe Saraa and Escahol.

stylus

Judges 3:10, Judges 3:10, Joshua 15:33, Joshua 15:33, John 3:34