1And alle the sones of Israel weren gaderid in Silo, and there thei `settiden faste the tabernacle of witnessing; and the lond was suget to hem.

stylus

Joshua 19:51, Joshua 19:51, Joshua 21:2, 1 Samuel 1:3, Joshua 21:2

2Sotheli seuene linagis of the sones of Israel dwelliden, that hadden not yit takun her possessiouns.

stylus

3To whiche Josue seide, Hou longe faden ye `bi cowardise, `ethir slouthe, and entren not to welde the lond, which the Lord God of youre fadris yaf to you?

stylus

Proverbs 13:4, Judges 18:9, Proverbs 13:4, Judges 18:9, Matthew 20:6

4Chese ye of ech lynage thre men, that Y sende hem, and thei go, and cumpasse the lond; and that thei discryue `the lond bi the noumbre of ech multitude, and brynge to me that, that ye han discriued.

stylus

Joshua 18:9, Joshua 4:2, Joshua 18:6, Joshua 18:3, Numbers 13:2

5Departe ye the lond to you in to seuene partis; Judas be in hise termes at the south coost, and `the hows of Joseph at the north;

stylus

Joshua 19:1, Joshua 19:9, Joshua 16:1, Joshua 16:10, Joshua 15:1

6discryue ye `the myddil lond bitwixe hem in to seuene partis; and thanne ye schulen come to me, that Y sende lot to you here bifor youre Lord God;

stylus

Joshua 14:2, Joshua 14:2, Joshua 18:10, Joshua 18:10, Joshua 18:8

7for the part of Leuytis is not among you, but the preesthod of the Lord, this is the eritage `of hem. Forsothe Gad, and Ruben, and the half lynage of Manasses hadden take now her possessiouns ouer Jordan, at the eest coost, whiche possessiouns Moises, the `seruaunt of the Lord, yaf to hem.

stylus

Joshua 13:33, Joshua 13:33, Numbers 18:20, Joshua 13:8, Joshua 13:31

8And whanne the men hadden rise to go, to discryue the lond, Josue comaundide to hem, and seide, Cumpasse ye the lond, and discryue it, and turne ayen to me, that Y sende lot to you here in Silo, bifore youre Lord God.

stylus

Romans 14:19, Joshua 18:10, Romans 14:19, Joshua 18:10, 1 Samuel 14:41

9And so thei yeden, and cumpassiden that lond, and departiden `in to seuene partis, writynge in a book; and thei turneden ayen to Josue, in to the castels in Silo.

stylus

Acts 13:19, Acts 13:19

10Which Josue sente lottis bifor the Lord God in Silo, and departide the lond to the sones of Israel, in to seuene partis.

stylus

Colossians 1:12, Colossians 1:12, Acts 13:19, Acts 13:19, Joshua 18:6

11And the firste lot of the sones of Beniamyn, bi her meynees, stiede, that thei schulden welde the lond bitwixe the sones of Juda and the sones of Joseph.

stylus

Deuteronomy 13:12, Joshua 15:1, Joshua 15:8, Joshua 16:1, Joshua 16:10

12And the terme of hem was ayens the north fro Jordan, and passide bi the side of Jerico of the north coost; and it stiede fro thennus ayens the west to the hilli places, and it cam to the wildirnesse of Bethauen;

stylus

Joshua 16:1, Joshua 16:1, Joshua 7:2, Joshua 7:2, Joshua 2:1

13and it passide bisidis Luza to the south; thilke is Bethel; and it goith doun in to Astoroth Adar, in to the hil which is at the south of lowere Betheron; and is bowid,

stylus

Genesis 28:19, Genesis 28:19, Joshua 16:2, Joshua 16:3, Joshua 16:2

14and cumpassith ayens the see, at the south of the hil that biholdith Betheron ayens the north; and the outgoyngis therof ben in to Cariathbaal, which is clepid also Cariathiarym, the citee of the sones of Juda; this is the greet coost ayens the see, at the west.

stylus

Joshua 15:9, Joshua 15:9, 2 Samuel 6:2, 1 Samuel 7:1, 1 Samuel 7:2

15Sotheli fro the south, bi the part of Cariathiarym, the terme goith out ayens the see, and cometh til to the wel of watris of Nepthoa;

stylus

Joshua 15:9, Joshua 15:9

16and it goith doun in to the part of the hil that biholdith the valei of the sones of Ennon, and is ayens the north coost, in the laste part of the valey of Raphaym; and Jehennon, that is, the valei of Ennon, goith doun bi the side of Jebusei, at the south, and cometh to the welle of Rogel,

stylus

2 Kings 23:10, 2 Kings 23:10, Joshua 15:7, Joshua 15:8, Joshua 15:7

17and passith to the north, and goith out to Emsemes, that is, the welle of the sunne,

stylus

Joshua 15:6, Joshua 15:6

18and passith to the litle hillis that ben ayens the stiyng of Adomyn; and it goith doun to Taben Boen, that is, the stoon of Boen, sone of Ruben, and passide bi the side of the north to the feeldi places; and it goith doun in to the pleyn,

stylus

Joshua 15:6, Joshua 15:6, Joshua 15:61, Joshua 15:61

19and passith forth ayens the north to Bethagala; and the outgoyngis therof ben ayens the arm of the salteste see, fro the north, in the ende of Jordan at the south coost,

stylus

Genesis 14:3, Joshua 15:2, Genesis 14:3, Joshua 15:2, Numbers 34:3

20which is the terme therof fro the eest. This is the possessioun of the sones of Beniamyn, bi her termes in cumpas, and bi her meynees;

stylus

21and the citees therof weren Jerico, and Bethagla, and the valei of Casis,

stylus

Joshua 18:12, Joshua 18:12, Joshua 6:1, Joshua 18:19, Luke 10:30

22Betharacha, and Samaraym,

stylus

1 Kings 12:29, 1 Kings 12:32, Joshua 15:6, 2 Chronicles 13:4, Joshua 18:18

23and Bethel, and Anym, and Affara,

stylus

1 Samuel 13:17, 1 Samuel 13:17

24and Offira, the toun of Hesmona, and Offym, and Gabee, twelue citees, and `the townes of tho;

stylus

Ezra 2:26, Ezra 2:26, Isaiah 10:29, Nehemiah 7:30, Joshua 21:17

25Gabaon, and Rama,

stylus

Joshua 9:17, Joshua 9:17, Joshua 7:17, 1 Kings 9:2, Isaiah 28:21

26and Beroth, and Mesphe, and Caphera, and Ammosa,

stylus

Judges 10:17, Joshua 9:17, Ezra 2:25, Judges 10:17, Joshua 9:17

27and Recem, Jarephel, and Tharela,

stylus

28and Sela, Heleph, and Jebus, which is Jerusalem, Gabaath, and Cariath, fouretene citees and `the townes of tho; this is the possessioun of the sones of Beniamyn, bi her meynees.

stylus

2 Samuel 21:14, 2 Samuel 21:14, Joshua 15:8, Joshua 15:8, 2 Samuel 5:8