1Forsothe lot felde in to the lynage of Manasse, for he is the firste gendrid sone of Joseph; lot felde to Machir, the firste gendrid sone of Manasses, to the fadir of Galaad, that was a werriour, and he hadde possessioun Galaad and Basan.

stylus

Genesis 41:51, Numbers 26:29, Genesis 41:51, Numbers 26:29, Genesis 50:23

2And lot felde to the othere of the sones of Manasses, bi her meynees; to the sones of Abiezer, and to the sones of Heleth, and to the sones of Hesriel, and to the sones of Sichen, and to the sones of Epher, and to the sones of Semyda; these ben the sones of Manasse, sone of Joseph, the male children, bi her meynees.

stylus

1 Chronicles 7:18, Numbers 26:29, Numbers 26:32, 1 Chronicles 7:18, Numbers 26:29

3Sotheli to Salphaat, the sone of Epher, sone of Galaad, sone of Machir, sone of Manasses, weren not sones, but douytris aloone; of whiche these ben the names, Maala, and Noa, and Eegla, and Melcha, and Thersa.

stylus

Numbers 26:33, Numbers 27:1, Numbers 26:33, Numbers 27:1, Numbers 36:2

4And thei camen in the siyt of Eleazar, preest, and of Josue, sone of Nun, and of the princes, and seiden, The Lord comaundide bi the hond of Moises, that possessioun should be youun to vs in the myddis of oure britheren. And Josue yaf to hem possessioun, bi comaundement of the Lord, in the myddis of the britheren of her fadir.

stylus

Galatians 3:28, Numbers 27:5, Numbers 27:7, Joshua 14:1, Galatians 3:28

5And ten cordis, `that is, londis mesurid bi ten cordis, felden to Manasses, without the lond of Galaad and of Basan biyende Jordan;

stylus

Joshua 17:14, Numbers 32:30, Numbers 32:42, Joshua 13:29, Joshua 13:31

6for the douytris of Manasses weldiden eritage in the myddis of the sones of hym. Sotheli the lond of Galaad felde in to the part of the sones of Manasses, that weren residue.

stylus

7And the terme of Manasses was fro Azer Machynathath, that biholdeth Sichem, and goith out to the riyt side, bisidis the dwelleris of the welle Taphue;

stylus

Joshua 21:21, Joshua 21:21, Genesis 34:2, 1 Chronicles 6:67, Joshua 16:6

8for the lond of Thaphue, which is bisidis the terme of Manasses, and of the sones of Effraym, felde in the lot of Manasses.

stylus

Joshua 16:8, Joshua 16:8, Joshua 15:34, Joshua 12:17, Joshua 15:53

9And the terme of the valey of place of rehedis goith doun in the south of the stronde of the citees of Effraym, that ben in the myddis of the citees of Manasses. The terme of Manasses is fro the north of the stronde, and the goyng out therof goith to the see;

stylus

Joshua 16:8, Joshua 16:9, Joshua 19:29, Joshua 16:3, Joshua 16:8

10so that the possessioun of Effraym is fro the south, and the possessioun of Manasses fro the north, and the see closith euer either; and tho ben ioyned to hem silf in the linage of Aser fro the north, and in the lynage of Isachar fro the eest.

stylus

11And the eritage of Manasses was in Isachar and in Aser, Bersan, and the townes therof, and Jeblaan, with hise townes, and the dwellers of Dor, with her citees; and the dwelleris of Endor, with her townes, and also the dwelleris of Thanath, with her townes, and the dwelleris of Maiedo, with her townes, and the thridde part of the citee Nophet.

stylus

1 Chronicles 7:29, 1 Chronicles 7:29, Judges 5:19, Judges 1:27, 2 Kings 9:27

12And the sones of Manasses miyten not distrie these citees, but Cananei bigan to dwelle in this lond.

stylus

Exodus 23:29, Exodus 23:33, Judges 1:27, Judges 1:28, Exodus 23:29

13Sotheli aftir that the sones of Israel weren stronge, thei maden suget Cananeis, and maden tributaries to hem silf, and killiden not Cananeis.

stylus

Joshua 16:10, Joshua 16:10, Philippians 4:13, Philippians 4:13, 2 Samuel 3:1

14And the sones of Joseph spaken to Josue, and seiden, Whi hast thou youe to me lond in to possessioun of o lot and part, sithen Y am of so greet multitude, and the Lord hath blesside me, `that is, hath alargid me in children?

stylus

Genesis 48:19, Genesis 48:22, Numbers 26:34, Numbers 26:37, Genesis 48:19

15To whiche Josue seide, If thou art myche puple, stie thou into the wode, and kitte doun to thee spaces in the lond of Feresei, and of Raphaym, for the possessioun of the hil of Effraym is streiyt to thee.

stylus

Genesis 14:5, Genesis 13:7, Genesis 14:5, Genesis 13:7, Ezra 9:1

16To whom the sones of Joseph answerden, We moun not stie to the hilli places, sithen Cananeis, that dwellen in the `lond of the feeld, vsen ironne charis; in which lond Bersan, with hise townes, and Jesrael, weldynge the myddil valey, ben set.

stylus

Judges 4:3, 1 Kings 4:12, Judges 1:19, Judges 4:3, 1 Kings 4:12

17And Josue seide to the hows of Joseph, and of Effraym, and of Manasses, Thou art myche puple, and of greet strengthe; thou schalt not haue o lot,

stylus

18but thou schalt passe to the hil, and thou schalt kitte doun to thee; and thou schalt clense spaces to dwelle. And thou schalt mow go forth ferthere, whanne thou hast distried Cananei, whom thou seist to haue irone charis, and to be moost strong.

stylus

Hebrews 13:6, Hebrews 13:6, Romans 8:31, Romans 8:31, Numbers 14:6