1And whanne Jabyn, kyng of Asor, hadde herd these thingis, he sente to Jobab, kyng of Madian, and to the kyng of Semeron, and to the kyng of Acsaph; forsothe to the kyngis of the north,

stylus

Joshua 11:10, Joshua 11:10, Joshua 10:3, Joshua 10:4, Psalms 2:1

2that dwelliden in the hilli places, and in the pleyn ayens the south of Seneroth, and in the feeldi places, and cuntreis of Dor, bisidis the see,

stylus

Judges 1:27, Joshua 12:3, Judges 1:27, Joshua 12:3, Joshua 17:11

3and `to Cananei fro the eest and west, and to Ammorrey, and Ethei, and Feresei, and Jebusei, in the `hilli places, and to Euey, that dwellide at the rootis of Hermon, in the lond of Maspha.

stylus

Judges 3:3, Judges 3:3, Genesis 31:49, Joshua 18:26, Genesis 31:49

4And alle yeden out with her cumpanyes, a ful myche puple, as the grauel which is in the `brynk of the see, and horsis, and charis, of greet multitude.

stylus

Judges 7:12, Judges 7:12, 1 Samuel 13:5, 1 Samuel 13:5, Genesis 32:12

5And alle these kyngis camen togidere at the watris of Meron, to fiyte ayens Israel.

stylus

Isaiah 8:9, Psalms 3:1, Revelation 16:14, Psalms 118:10, Psalms 118:12

6And the Lord seyde to Josue, Drede thou not hem, for to morewe, in this same our, Y schal bitake alle these men to be woundid in the siyt of Israel; thou schalt hoxe `the horsis of hem, and thou schalt brenne `the charis bi fier.

stylus

Joshua 10:8, Joshua 10:8, 2 Samuel 8:4, 2 Samuel 8:4, Judges 20:28

7And Josue cam, and al his oost with hym, ayens hem sodenli, at the watris of Meron, `and felden on hem.

stylus

Joshua 10:9, Joshua 10:9, 1 Thessalonians 5:2, 1 Thessalonians 5:3, 1 Thessalonians 5:2

8And the Lord bitook hem in to the hondis of Israel; whiche smytiden hem, `that is, the hethen kyngis and her oostes, and pursueden `til to grete Sidon, and the watris of Maserophoth, and to the feeld of Maspha, which is at the eest part therof. Josue smoot so alle men, that he lefte no relikis of hem;

stylus

Joshua 13:6, Joshua 13:6, Joshua 19:28, Joshua 19:28, Genesis 10:15

9and he dide as the Lord comaundide to hym; he hoxide `the horsis of hem, and brente the charis.

stylus

Joshua 11:6, Joshua 11:6, Ezekiel 39:9, Ezekiel 39:10, Ezekiel 39:9

10And he turnede ayen anoon, and took Asor, and `smoot bi swerd the kyng therof; for Asor helde bi eld tyme the prinsehed among alle these rewmes.

stylus

Judges 4:2, Joshua 11:1, Judges 4:2, Joshua 11:1

11And `he smoot alle persoones that dwelliden there, he lefte not ony relikys therynne, but he wastide alle thingis `til to deeth; also he distriede thilke citee bi brennyng.

stylus

Joshua 10:40, Joshua 10:40, Deuteronomy 20:16, Deuteronomy 20:16

12And he took alle `citees bi cumpas, and `the kyngis of hem, and smoot, and dide awei, as Moises, the `seruaunt of the Lord,

stylus

Deuteronomy 7:2, Deuteronomy 20:16, Deuteronomy 20:17, Deuteronomy 7:2, Deuteronomy 20:16

13comaundide to hym, without citees that weren set in the grete hillis, and in litle hillis; and Israel brente the othere citees; flawme wastide oneli o citee, Asor, the strongeste.

stylus

Jeremiah 30:18, Jeremiah 30:18

14And the sones of Israel departiden to hem silf al the prei, and werk beestis of these citees, whanne alle men weren slayn.

stylus

Numbers 31:9, Joshua 11:11, Deuteronomy 6:10, Deuteronomy 6:11, Joshua 10:40

15As the Lord comaundide to his seruaunt Moises, so Moises comaundide to Josue, and `he fillide alle thingis; he passide not of alle comaundementis, `nether o word sotheli, which the Lord comaundide to Moises.

stylus

Joshua 1:7, Joshua 1:7, Deuteronomy 7:2, Exodus 34:11, Exodus 34:13

16And so Josue took al the `lond of the hillis, and of the south, the lond of Gosen, and the pleyn, and the west coost, and the hil of Israel, and the feeldi places therof;

stylus

Joshua 10:41, Joshua 10:41, Joshua 11:21, Joshua 12:8, Joshua 11:21

17and the part of the hil that stieth to Seir `til to Baalgath, bi the pleyn of Liban vndur the hil of Hermon; Josue took, and smoot, and killide alle the kyngis of tho places.

stylus

Deuteronomy 7:24, Deuteronomy 7:24, Joshua 11:3, Joshua 13:5, Joshua 11:3

18Josue fauyt myche tyme ayens these kyngis;

stylus

Joshua 11:23, Joshua 14:7, Joshua 14:10, Joshua 11:23, Joshua 14:7

19`no citee was, which bitook not it silf to the sones of Israel, out takun Euey that dwellide in Gabaon; he took alle bi batel.

stylus

Joshua 9:3, Joshua 9:27, Joshua 9:3, Joshua 9:27

20For it was the sentence of the Lord, that `the hertis of hem schulde be maad hard, and that thei schulden fiyte ayens Israel, and schulden falle, and schulden not disserue ony mercy, and schulden perische, as the Lord comaundide to Moises.

stylus

Romans 9:18, Romans 9:18, Deuteronomy 20:16, Deuteronomy 20:17, Deuteronomy 20:16

21Josue cam in that tyme, and killide Enachym, that is, giauntis, fro the `hilli placis of Ebron, and of Dabir, and of Anab, and fro al the hil of Juda, and of Israel, and dide awei `the citees of hem.

stylus

Deuteronomy 9:2, Deuteronomy 9:2, Joshua 15:13, Joshua 15:14, Numbers 13:22

22He lefte not ony man of the generacioun of Enachim in the lond of the sones of Israel, without the citees of Gasa, and Geth, and Azotus, in whiche aloone thei weren left.

stylus

1 Samuel 17:4, 1 Samuel 17:4, Joshua 15:46, Joshua 15:46, 1 Samuel 5:1

23Therfor Josue took al the lond, as the Lord spak to Moyses, and he yaf it in to possessioun to the sones of Israel, bi her partis and lynagis; and the lond restide fro batels.

stylus

Joshua 21:44, Joshua 21:45, Joshua 21:44, Joshua 21:45, Numbers 26:52