1And whanne Adonysedech, kyng of Jerusalem, hadde herde these thingis, that is, that Josue hadde take Hai, and hadde destried it; for as Josue hadde do to Jerico and to the kyng therof, so he dide to Hay, and to the kyng therof; and that Gabaonytis hadden fled to Israel, and weren boundun in pees with hem,

stylus

Genesis 14:18, Joshua 8:2, Joshua 6:21, Joshua 11:19, Joshua 11:20

2Adonysedech dredde greetli; for Gabaon was a greet citee, and oon of the kyngis citees, and grettere than the citee of Hai, and alle the fiyteris therof weren most stronge.

stylus

Deuteronomy 11:25, Deuteronomy 11:25, Joshua 2:24, Exodus 15:14, Exodus 15:16

3Therfor Adonysedech, kyng of Jerusalem, sente to Ocham, kyng of Ebron, and to Pharam, kyng of Herymoth, and to Japhie, kyng of Lachis, and to Dabir, kyng of Eglon, and seide,

stylus

2 Chronicles 11:9, Micah 1:13, 2 Chronicles 11:9, Micah 1:13, Numbers 13:22

4Stie ye to me, and helpe ye, that we fiyte ayens Gabaon, for it was yoldun to Josue, and to the sones of Israel.

stylus

Joshua 9:15, Joshua 9:15, Joshua 10:1, Joshua 10:1, Revelation 20:8

5Therfor fyue kyngis of Ammorreis, the kyng of Jerusalem, the kyng of Ebron, the kyng of Herymoth, the kyng of Lachis, the kyng of Eglon, weren gaderid, and stieden togidere with her oostis; and settiden tentis ayens Gabaon, and fouyten ayens it.

stylus

Genesis 15:16, Joshua 9:1, Joshua 9:2, Isaiah 8:9, Isaiah 8:10

6Sotheli the dwelleris of the citee of Gabaon, `that weren bisegid, senten to Josue, that dwellide than in tentis at Galgala, and seide to hym, Withdrawe not thin hondis fro the help of thi seruauntis; `stie thou soone, and delyuere vs, and helpe thou; for alle the kyngis of Amorreis, that dwelliden in the hilli places, camen togidere ayens vs.

stylus

Joshua 9:6, Joshua 5:10, Joshua 9:6, Joshua 5:10, Deuteronomy 1:15

7And Josue stiede fro Galgala, and al the oost of fiyters, `the strengeste men, `with hym.

stylus

Joshua 8:1, Joshua 8:1, Isaiah 8:12, Isaiah 8:14, Isaiah 8:12

8And the Lord seide to Josue, Drede thou not hem, for Y yaf hem in to thin hondis; noon of hem schal mow ayenstonde thee.

stylus

Romans 8:31, Romans 8:31, Psalms 27:1, Psalms 27:2, Isaiah 41:10

9Therfor Josue felde sodenli on hem, and stiede in al the nyyt fro Galgala;

stylus

Proverbs 24:11, Proverbs 24:12, Proverbs 22:29, Ecclesiastes 9:10, 2 Timothy 2:3

10and the Lord `disturblide hem fro the face of Israel, and al to-brak with greet veniaunce in Gabaon. And Josue pursuede hem bi the weie of the stiyng of Betheron, and smoot `til to Azecha and Maceda.

stylus

Psalms 18:14, Psalms 18:14, Joshua 16:3, Joshua 16:5, Joshua 16:3

11And whanne thei fledden the sones of Israel, and weren in the goyng doun of Betheron, the Lord sente grete stoonus on hem fro heuene, til to Azecha; and many mo weren deed bi the `stoonys of hail, than thei whiche the sones of Israel `smytiden bi swerd.

stylus

Isaiah 28:2, Isaiah 28:2, Exodus 9:22, Exodus 9:26, Judges 5:20

12Thanne Josue spak to the Lord, in the dai in which he bitook Amorrey in the siyt of the sones of Israel; and Josue seide bifore hem, Sunne, be thou not mouyd ayens Gabaon, and the moone ayens the valei of Hailon.

stylus

Habakkuk 3:11, Habakkuk 3:11, Isaiah 38:8, Isaiah 38:8, Isaiah 60:20

13And the sunne and the moone stoden, til the folc of God vengide it silf of hise enemyes. Whether this is not writun in the book of iust men? And so the sunne stood in the myddis of heuene, and hastide not to go doun in the space of o dai; so long a dai was not bifore and aftirward;

stylus

Habakkuk 3:11, Habakkuk 3:11, Isaiah 38:8, Isaiah 38:8, Joshua 10:14

14for the Lord obeiede to the vois of man, and fauyt for Israel.

stylus

Deuteronomy 1:30, Deuteronomy 1:30, Exodus 14:14, Exodus 14:14, Joshua 10:42

15And Josue turnede ayen, with al Israel, in to the tentis of Galgala.

stylus

Joshua 10:43, Joshua 10:43, Joshua 10:6, Joshua 10:6

16Forsothe fyue kyngis fledden, and hidden hem silf in the denne of the citee of Maceda.

stylus

Micah 7:17, 1 Samuel 13:6, Revelation 6:15, Isaiah 2:10, Isaiah 2:12

17And it was teld to Josue, that fyue kyngis weren foundun hid in the denne of the citee of Maceda.

stylus

18Which Josue comaundide to felowis, and seide, Walewe ye grete stoonus to the `mouth of the denne, and putte ye witti men, that schulen kepe the closid kyngis; sotheli nyle ye stonde,

stylus

Matthew 27:66, Matthew 27:66, Job 21:30, Amos 9:1, Amos 5:19

19but pursue ye the enemyes, and slee ye alle the laste of fleeris; and suffre ye not hem entre in to the strengthis of her citees, whiche enemyes youre Lord God bitook in to youre hondis.

stylus

Psalms 18:37, Psalms 18:41, Psalms 18:37, Psalms 18:41, Jeremiah 48:10

20Therfor whanne the aduersaries weren betun with greet veniaunce, and weren almost wastid `til to deeth, thei that myyten fle Israel, entriden in to the strengthid citees.

stylus

Joshua 8:24, Joshua 8:24, Jeremiah 8:14, 2 Samuel 20:6, Deuteronomy 20:16

21And al the oost turnede ayen hoole, and in hoole noumbre to Josue, in to Maceda, where the tentis weren thanne; and no man was hardi to grutche, `ether to make priuy noise, ayens the sones of Israel.

stylus

Exodus 11:7, Exodus 11:7, Isaiah 57:4, Isaiah 54:17, Isaiah 57:4

22And Josue comaundide, and seide, Opene ye the `mouth of the denne, and brynge forth to me the fyue kyngis that ben hid therynne.

stylus

1 Samuel 15:32, 1 Samuel 15:32

23And the mynystris diden, as it was comaundid to hem; and thei brouyten forth to Josue fyue kyngis fro the denne; the kyng of Jerusalem, the kyng of Ebron, the kyng of Herymoth, the kyng of Lachis, the kyng of Eglon.

stylus

Joshua 10:3, Joshua 10:5, Joshua 10:1, Joshua 10:3, Joshua 10:5

24And whanne thei weren led out to Josue, he clepide alle the men of Israel, and seide to the princes of the oost, that weren with hym, Go ye, and sette youre feet on the neckis of these kyngis. And whanne thei hadden go, and trediden the neckis of `the kyngis suget `to her feet,

stylus

Revelation 2:26, Revelation 2:27, Malachi 4:3, Romans 16:20, Revelation 2:26

25eft Josue seide to hem, Nyle ye drede, nethir `drede ye with ynne, be ye coumfortid, and be ye stronge; for the Lord schal do so to alle youre enemyes, ayens whiche ye schulen fiyte.

stylus

Joshua 1:9, 2 Corinthians 1:10, Joshua 1:9, 2 Corinthians 1:10, Ephesians 6:10

26And Josue smoot, and killide hem, and hangide on fyue trees; and thei weren hangid `til to euentid.

stylus

Joshua 8:29, Joshua 8:29, Numbers 25:4, 2 Samuel 21:9, Esther 2:23

27And whanne the sunne yede doun, he comaundide to felowis, that thei schulden put hem doun fro the iebatis; and whanne thei weren put doun, thei `castiden forth hem in to the denne, in which thei weren hid; and thei puttiden grete stoonus on the mouth therof, whiche stoonus dwellen `til to present tyme.

stylus

Joshua 8:29, Joshua 8:29, Joshua 7:26, 2 Samuel 18:17, Deuteronomy 21:22

28In the same dai Josue took also Maceda, and smoot bi the scharpnesse of swerd, and killide the kyng therof, and alle the dwelleris therof; he lefte not therynne, nameli, litle relikis; and he dide to the kyng of Maceda as he hadde do to the kyng of Jerico.

stylus

Joshua 6:21, Joshua 6:21, Deuteronomy 7:2, Psalms 21:8, Psalms 21:9

29Forsothe Josue passide with al Israel fro Maceda in to Lempna, and fauyt ayens it,

stylus

Joshua 21:13, Joshua 21:13, Joshua 15:42, Joshua 15:42, Joshua 6:21

30which the Lord bitook, with the kyng therof, in the hond of Israel; and thei smytiden the citee bi the scharpnesse of swerd, and alle the dwelleris therof, and leften not ony relikis therynne; and thei diden to the kyng of Lempna as thei hadden do to the kyng of Jerico.

stylus

31Fro Lempna he passide with al Israel in to Lachis; and whanne the oost was disposid bi cumpas, he fauyt ayens it.

stylus

Joshua 10:3, Joshua 10:3, 2 Kings 19:8, 2 Chronicles 11:9, Joshua 15:39

32And the Lord bitook Lachis in the hond of the sones of Israel; and he took it in the tothir dai, and smoot bi the scharpnesse of swerd, and ech man, that was therynne, as he hadde do to Lempna.

stylus

33In that time Yram, kyng of Gazar, stiede to helpe Lachis; whom Josue smoot, with al his puple, til to deeth.

stylus

Joshua 16:10, Judges 1:29, Joshua 16:10, Judges 1:29, Joshua 16:3

34And he passide fro Lachis in to Eglon,

stylus

Joshua 10:3, Joshua 10:3, Joshua 15:39, Joshua 12:12, Joshua 15:39

35and cumpasside, and ouercam it in the same dai; and he smoot bi the scharpnesse of swerd alle men that weren therynne, bi alle thingis whiche he hadde do to Lachis.

stylus

Leviticus 26:44, Joshua 10:37, Job 19:10, Leviticus 26:44, Joshua 10:37

36Also he stiede with al Israel fro Eglon in to Ebron, and fauyt ayens it,

stylus

Judges 1:10, Judges 1:10, Joshua 15:13, Joshua 15:13, Joshua 14:13

37and took, and smoot bi the scharpnesse of swerd; and the kyng therof, and alle citees of that cuntrey, and alle men that dwelliden therynne; he lefte not ony relikis therynne; as he hadde do to Eglon so he dide also to Ebron, and wastide bi swerd alle thingis that weren therynne.

stylus

38Fro thennus he turnyde in to Dabir, and took it, and wastide;

stylus

Joshua 15:15, Joshua 15:15, Joshua 21:15, Judges 1:11, Judges 1:15

39and he smoot bi the scharpnesse of swerd the kyng therof, and alle tounnes `bi cumpas; he lefte not ony relikis therynne; as he hadde do to Ebron, and to Lempna, and to `the kyngis of tho, so he dide to Dabir, and to the kyng therof.

stylus

Joshua 10:37, Deuteronomy 3:3, Joshua 11:8, 2 Kings 10:11, Obadiah 1:18

40And so Josue smoot al the `lond of the hillis, and of the south, and `of the feeld, and Asedoch with her kyngis; he lefte not therynne ony relikis, but he killide al thing that myyte brethe, as the Lord God of Israel comaundide to hym;

stylus

Deuteronomy 7:2, Deuteronomy 7:16, Deuteronomy 7:2, Deuteronomy 7:16, Joshua 9:24

41fro Cades Barne `til to Gazan, and al the lond of Jesson, `til to Gabaon Josue took,

stylus

Joshua 11:16, Joshua 11:16, Joshua 15:51, Joshua 15:51, Genesis 10:19

42and wastide with o fersnesse alle the kyngis, and `cuntreis of hem; for the Lord God of Israel fauyt for hym.

stylus

Joshua 10:14, Joshua 10:14, Psalms 46:7, Psalms 46:7, Psalms 80:3

43And he turnede ayen with al Israel to the place of tentis in Galgala.

stylus

Joshua 10:15, Joshua 10:15, 1 Samuel 11:14, Joshua 4:19, 1 Samuel 11:14