1Forsothe it was doon aftir these thingis, that Amon, the sone of Dauid, louyde the faireste sistir, Thamar bi name, of Absolon, sone of Dauid.

stylus

2 Samuel 3:2, 2 Samuel 3:3, 1 Chronicles 3:9, 2 Samuel 3:2, 2 Samuel 3:3

2And Amon perischide greetli for hir, so that he was sijk for `the loue of hir. For whanne she was a virgyn, it semyde hard to hym, that he schulde do ony thing vnonestli with hir.

stylus

2 Corinthians 7:10, 1 Kings 21:4, Song of Solomon 5:8, 2 Corinthians 7:10, 1 Kings 21:4

3Forsothe a freend, Jonadab bi name, sone of Semmaa, brother of Dauid, `was to Amon; Jonadab was a ful prudent man.

stylus

1 Samuel 16:9, 1 Samuel 16:9, 1 Corinthians 3:19, 1 Corinthians 3:19, Genesis 38:20

4Which seide to Amon, Sone of the kyng, whi art thou maad feble so bi leenesse bi alle daies? whi schewist thou not to me? And Amon seide to him, Y loue Thamar, the sister of my brother Absolon.

stylus

Esther 5:13, Esther 5:14, Luke 12:32, Jeremiah 8:12, Leviticus 20:17

5And Jonadab answeride to hym, Li thou on thi bed, and feyne thou sikenesse; and whanne thi fadir cometh, that he visyte thee, seie thou to hym, Y preye, come Thamar, my sister, that sche yyue mete to me, and make a seew, that Y ete of hir hond.

stylus

Mark 6:24, Mark 6:25, Mark 6:24, Mark 6:25, 2 Samuel 16:21

6Therfor Amon lay doun, and `bigan as to be sijk. And whanne the kyng hadde come to visite him, Amon seide to the kyng, Y biseche, come Thamar, my sistir, that sche make twei soupyngis bifor my iyen, and that Y take of hir hond meete maad redi.

stylus

Genesis 18:6, Genesis 18:6, Matthew 13:33, Matthew 13:33

7Therfor Dauid sente to the hows of Thamar, and seide, Come thou in to the hows of Amon, thi brother, and make thou seew to hym.

stylus

8And Thamar cam in to the hows of Amon, hir brother. Sotheli he lai; and sche took mele, and medlide, and made moist bifor hise iyen, and sethide soupyngis;

stylus

9and sche took that, that sche hadde sode, and helde out, and settide byfor hym, and he nolde ete. And Amon seide, Putte ye out alle men fro me. And whanne thei hadden put out alle men,

stylus

Genesis 45:1, Genesis 45:1, Judges 3:19, John 3:20, Judges 3:19

10Amon seide to Thamar, Bere the mete in to the closet, that Y ete of thin hond. Therfor Thamar took the soupingis whiche sche hadde maad, and brouyte in to Amon, hir brother, in the closet.

stylus

11And whanne sche hadde proferid mete to hym, he took hir, and seide, Come thou, my sistir, li thou with me.

stylus

Genesis 39:11, Genesis 39:12, Genesis 39:11, Genesis 39:12

12And sche answeride to hym, My brother, nyle thou, nyle thou oppresse me, for this is not leueful in Israel; nyle thou do this foli.

stylus

Judges 19:23, Judges 20:6, Leviticus 20:17, Judges 19:23, Judges 20:6

13For Y schal not mow bere my schenschip, and thou schalt be as oon of the vnwise men in Israel; but rather speke thou to the kyng, and he schal not denye me to thee.

stylus

Genesis 19:8, Judges 19:24, Genesis 20:12, Genesis 19:8, Judges 19:24

14Sotheli he nolde assente to hir preieris; but he was strengere in myytis, and oppresside hir, and lay with hir.

stylus

2 Samuel 12:11, 2 Samuel 12:11, Judges 20:5, Deuteronomy 22:25, Deuteronomy 22:27

15And `Amon hadde hir hateful bi ful grete haterede, so that the hatrede was gretter, bi which he hatide hir, than the loue bi which he louyde hir bifor. And Amon seide to hir, Rise thou, and go.

stylus

Ezekiel 23:17, Ezekiel 23:17

16And sche answeride to hym, This yuel is more which thou doist now ayens me, and puttist me out, than that, that thou didist bifore. And he nolde here hir; but whanne the child was clepide,

stylus

17that mynystride to hym, he seide, Putte thou out this womman fro me, and close thou the dore aftir hir.

stylus

18And sche was clothid with a coote doun to the heele; for the kyngis douytris virgyns vsiden siche clothis. Therfor the mynystre of Amon puttide hir out, and closide the dore aftir hir.

stylus

Judges 5:30, Genesis 37:3, Judges 5:30, Genesis 37:3, Genesis 37:32

19And sche spreynte aische to hir heed, whanne the coote to `the heele was to-rent, and whanne the hondis weren put on hir heed, and sche yede entrynge and criynge.

stylus

Jeremiah 2:37, Joshua 7:6, Jeremiah 2:37, Joshua 7:6, 2 Samuel 1:11

20Forsothe Absolon, hir brother, seide to hir, Whether Amon, thi brothir, hath leyn with thee? But `now, sister, be stille; he is thi brother, and turmente not thin herte for this thing. Therfor Thamar dwellide morenynge in the hows of Absolon, hir brothir.

stylus

Genesis 34:2, Genesis 46:15, Romans 12:19, Proverbs 26:24, Genesis 34:2

21Forsothe whanne `kyng Dauid hadde herd these wordis, he was ful sori, and he nolde make sore the spyrit of Amon, his sone; for he louyde Amon, for he was the firste gendrid `to hym.

stylus

Genesis 34:7, Genesis 34:7, 1 Samuel 2:29, 1 Samuel 2:22, 1 Samuel 2:25

22Forsothe Absolon spak not to Amon, nether yuel nether good; for Absolon hatide Amon, for he hadde defoulid Thamar, his sistir.

stylus

Leviticus 19:17, Leviticus 19:18, Genesis 31:24, Leviticus 19:17, Leviticus 19:18

23Forsothe it was doon aftir the tyme of twei yeer, that the scheep of Absolon weren shorun in Baalasor, which is bisidis Effraym. And Absolon clepide alle the sones of the kyng.

stylus

Genesis 38:12, Genesis 38:13, 1 Samuel 25:4, Genesis 38:12, Genesis 38:13

24And he cam to the kyng, and seide to hym, Lo! the scheep of thi seruaunt ben schorun; Y preye, come the king with hise seruauntis to his seruaunt.

stylus

Jeremiah 41:6, Jeremiah 41:7, 2 Samuel 11:8, 2 Samuel 11:15, Psalms 12:2

25And the kyng seide to Absolon, Nyle thou, my sone, nyle thou preye, that alle we come, and greeue thee. Forsothe whanne he constreynede Dauid, and he nolde go, he blesside Absolon.

stylus

Genesis 19:2, Genesis 19:3, Luke 14:23, Luke 24:29, Judges 19:7

26And Absolon seide to Dauid, If thou nylt come, Y byseche, come nameli Amon, my brother, with vs. And the kyng seide to hym, It is no nede, that he go with thee.

stylus

2 Samuel 20:9, Psalms 55:21, 2 Samuel 11:13, 2 Samuel 11:15, 2 Samuel 3:27

27Therfor Absolon constreynede hym; and he delyuerede with him Amon, and alle the sones of the kyng. And Absolon hadde maad a feeste as the feeste of a kyng.

stylus

Proverbs 26:24, Proverbs 26:26, Proverbs 26:24, Proverbs 26:26

28Sotheli Absolon comaundide to hise children, and seide, Aspie ye, whanne Amon is drunkun of wyn, and Y seie to you, Smyte ye, and sle hym. Nyle ye drede, for Y am that comaunde to you; be ye strengthid, and be ye stronge men.

stylus

Judges 19:6, Judges 19:6, Judges 19:9, Judges 19:22, Judges 19:9

29Therfor the children of Absolon diden ayens Amon, as Absolon hadde comaundide to hem; and alle the sones of the kyng risiden, and stieden ech on his mule, and fledden.

stylus

1 Kings 1:33, 2 Samuel 18:9, 1 Kings 1:33, 2 Samuel 18:9, Genesis 36:24

30And whanne thei yeden yit in the weie, fame cam to the kyng, and seide, Absolon hath kild alle the sones of the king, and `nameli not oon lefte of hem.

stylus

31Therfor the kyng roos, and to-rente hise clothis, and felde doun on the erthe; and alle hise seruauntis that stoden nyy to hym, to-renten her clothis.

stylus

2 Samuel 12:16, 2 Samuel 1:11, 2 Samuel 12:16, 2 Samuel 1:11, Joshua 7:6

32Sotheli Jonadab, sone of Semmaa, brother of Dauid, answeride and seide, My lord the kyng, gesse not, that alle the children, and sones of the kyng, ben slayn; Amon aloone is deed, for he was set in hatrede to Absolon, fro the day in which he oppresside Thamar, his sistir.

stylus

Psalms 7:14, Genesis 27:41, 2 Samuel 13:3, 1 Samuel 16:9, Proverbs 24:11

33Now therfor, my lord the kyng, set not this word on his herte, and seie, Alle the sones of the kyng ben slayn; for Amon aloone is deed.

stylus

2 Samuel 19:19, 2 Samuel 19:19

34Forsothe Absolon fledde. And a child aspiere reiside hise iyen, and bihelde, and lo! myche puple cam bi a weye out of the comyn weie bi the side of the hil.

stylus

2 Samuel 13:37, 2 Samuel 13:38, Genesis 4:8, Genesis 4:14, Amos 5:19

35And Jonadab seide to the kyng, Lo! the sones of the kyng comen; bi the word of thi seruaunt, so it is doon.

stylus

36And whanne he hadde ceessid to speke, also the sones of the kyng apperiden; and thei entriden, and reisiden her vois, and wepten; but also the kyng and alle his seruauntis wepten bi ful greet wepyng.

stylus

2 Samuel 13:15, 2 Samuel 18:33, 2 Samuel 12:21, 2 Samuel 13:15, 2 Samuel 18:33

37Forsothe Absolon fledde, and yede to Tholmai, sone of Amyur, the kyng of Gessur. Therfor Dauid biweilide his sone Amon in many daies.

stylus

2 Samuel 3:3, 2 Samuel 3:3, 2 Samuel 14:32, 1 Chronicles 3:2, 2 Samuel 13:34

38Forsothe Absolon, whanne he hadde fled, and hadde come in to Gessur, was there thre yeer.

stylus

2 Samuel 14:23, 2 Samuel 14:32, 2 Samuel 15:8, 2 Samuel 14:23, 2 Samuel 14:32

39And Dauid ceesside to pursue Absolon, for he was coumfortid on the deeth of Amon.

stylus

Genesis 24:67, Genesis 24:67, Genesis 37:35, Genesis 38:12, Genesis 37:35