1Therfor the Lord sente Nathan to Dauid; and whanne he hadde come to Dauid, he seide to Dauid, Answere thou doom to me; twei men weren in o citee; o man was riche, and the tother was pore.

stylus

Psalms 51:1, Psalms 51:19, 1 Kings 20:35, 1 Kings 20:41, Psalms 51:1

2The riche man hadde ful many scheep, and oxun;

stylus

Job 1:3, 2 Samuel 3:2, 2 Samuel 3:5, 2 Samuel 12:8, 2 Samuel 15:16

3sotheli the pore man hadde vttirli no thing, outakun o litil scheep, which he hadde bouyt, and nurschid, and which `hadde wexid at hym with hise sones, and eet togidere of his breed, and drank of his cuppe, and slepte in his bosum; and it was as a douyter to hym.

stylus

2 Samuel 11:3, Micah 7:5, 2 Samuel 11:3, Micah 7:5, Deuteronomy 13:6

4Forsothe whanne a pilgrym `hadde come to the riche man, he sparide to take of hise scheep and oxun, that he schulde make a feeste to that pilgrym, that cam to hym; and he took the scheep of the pore man, and `made redi metis to the man that cam to hym.

stylus

James 1:14, James 1:14, 2 Samuel 11:3, 2 Samuel 11:4, 2 Samuel 11:3

5Forsothe Dauid was ful wrooth with indignacioun ayens that man, and seide to Nathan, The Lord lyueth, for the man that dide this is the sone of deeth;

stylus

Luke 6:41, Luke 6:42, Luke 6:41, Luke 6:42, Genesis 38:24

6he schal yelde the scheep in to foure folde, for he dide this word, and sparide not.

stylus

Exodus 22:1, Exodus 22:1, Proverbs 6:31, Luke 19:8, Proverbs 6:31

7Forsothe Nathan seide to Dauid, Thou art thilke man, that hast do this thing. The Lord God of Israel seith these thingis, Y anoyntide thee `in to kyng on Israel, and Y delyuerede thee fro the hond of Saul,

stylus

Matthew 14:14, Matthew 14:14, 1 Samuel 16:13, 1 Samuel 16:13, 2 Samuel 22:1

8and Y yaf to thee the hows of thi lord, and the wyues of thi lord in thi bosum, and Y yaf to thee the hows of Israel, and of Juda; and if these thingis ben litil, Y schal adde to thee myche grettere thingis.

stylus

Psalms 84:11, Psalms 84:11, Romans 8:32, 2 Samuel 9:7, Romans 8:32

9Whi therfor hast thou dispisid the word of the Lord, that thou didist yuels in my siyt? Thou hast smyte by swerd Vrye Ethei, and thou hast take his wijf in to wijf to thee, and thou hast slayn hym with the swerd of the sones of Amon.

stylus

1 Samuel 15:19, 1 Samuel 15:19, Jeremiah 18:10, Amos 2:4, Psalms 139:1

10Wherfor swerd schal not go awey fro thin hows til in to with outen ende; for thou dispysidist me, and tokist the wijf of Vrye Ethei, that sche schulde be thi wijf.

stylus

Romans 2:4, 2 Samuel 18:14, 2 Samuel 18:15, Matthew 26:52, Romans 2:4

11Therfor the Lord seith these thingis, Lo! Y schal reise on thee yuel of thin hows, and Y schal take thi wyues in `thin iyen, and Y schal yyue to thi neiybore, and he schal slepe with thi wyues in the iyen of this sunne, `that is, opynli bifor alle men, as in xv. chapitre.

stylus

2 Samuel 16:21, 2 Samuel 16:22, 2 Samuel 16:21, 2 Samuel 16:22, Deuteronomy 28:30

12For thou hast do priueli; forsothe Y schal do this word in the siyt of al Israel, and in the siyt of this sunne.

stylus

2 Samuel 16:22, 2 Samuel 16:22, 1 Corinthians 4:5, Luke 12:1, Luke 12:2

13And Dauid seide to Nathan, Y haue synned to the Lord. And Nathan seide to Dauid, Also the Lord hath turned awei thi synne; thou schalt not die.

stylus

Psalms 51:4, 2 Samuel 24:10, Proverbs 28:13, Psalms 51:4, 2 Samuel 24:10

14Netheles for thou madist enemyes to blasfeme the name of the Lord, for this word the child which is borun to thee schal die bi deeth.

stylus

Romans 2:24, Romans 2:24, Isaiah 52:5, Isaiah 52:5, Hebrews 12:6

15And Nathan turnede ayen in to his hows. And the Lord smoot the litil child, whom the wijf of Vrye childide to Dauid, and he dispeiride.

stylus

1 Samuel 25:38, 1 Samuel 25:38, Psalms 104:29, Psalms 104:29, 1 Samuel 26:10

16And Dauid preiede the Lord for the litil child; and Dauid fastide bi fastyng, and entride asidis half, and lai on the erthe.

stylus

2 Samuel 13:31, 2 Samuel 13:31, Acts 9:9, Acts 9:9, 2 Samuel 12:22

17Sotheli the eldere men of his hows camen, and constreyneden hym `bi meke preieris, that he schulde rise fro the erthe; and he nolde, nethir he eet mete with hem.

stylus

2 Samuel 3:35, 2 Samuel 3:35, 1 Samuel 28:23, 1 Samuel 28:23

18Forsothe it bifelde in the seuenthe dai, that the yong child diede; and the seruauntis of Dauid dredde to telle to hym, that the litil child was deed; for thei seiden, Lo! whanne the litil child lyuede yit, we spaken to hym, and he herde not oure vois; hou myche more, if we seien the child is deed, he schal turment himsilf?

stylus

Numbers 20:15, Numbers 20:15

19Therfore whanne Dauid hadde herd his seruauntis spekynge priueli, `ether moterynge, he understood that the yong child was deed; `and he seyde to his seruauntis, Whether the child is deed? Whiche answeriden to hym, He is deed.

stylus

20Therfor Dauid roos fro the erthe, and was waischid, and anoyntid; and whanne he hadde chaungid cloth, he entride in to the hows of the Lord, and worschipide, and cam in to his hows; and he axide, that thei schulden sette breed to hym, and he eet.

stylus

Job 1:20, Job 1:20, Ruth 3:3, Ruth 3:3, Lamentations 3:39

21Sothely his seruauntis seiden to hym, What is the word which thou hast do? Thou fastidist, and weptist for the yong child, whanne he lyuede yit; sotheli whanne the child was deed, thou risidist and etist breed?

stylus

1 Corinthians 2:15, 1 Corinthians 2:15

22And Dauid seide, Y fastide and wepte for the yong child, whanne he lyuyde yit; for Y seide, Who woot, if perauenture the Lord yyue hym to me, and the yong child lyue?

stylus

Isaiah 38:5, Isaiah 38:1, Isaiah 38:3, Isaiah 38:5, Isaiah 38:1

23`Now forsothe for he is deed, whi `fast Y? whether Y schal mow ayen clepe hym more? Y schal `go more to hym, but he schal not turne ayen to me.

stylus

Genesis 37:35, Genesis 37:35, Job 30:23, Luke 23:43, Job 30:23

24And Dauid coumfortid Bersabee, his wijf; and he entride to hir, and slepte with hir. And sche gendride a sone, and Dauid clepide his name Salomon; and the Lord louyde hym.

stylus

Matthew 1:6, Matthew 1:6, 1 Chronicles 28:5, 1 Chronicles 28:6, 1 Chronicles 28:5

25And he sente Salomon in the hond of Nathan, the prophete; and he clepide his name Amyable to the Lord, for the Lord louyde hym.

stylus

2 Samuel 7:4, Nehemiah 13:26, 2 Samuel 7:4, Nehemiah 13:26, 1 Kings 1:11

26Therfor Joab fauyt ayens Rabath, of the sones of Amon, and he fauyt ayens the `kyngis citee.

stylus

1 Chronicles 20:1, 1 Chronicles 20:3, 1 Chronicles 20:1, 1 Chronicles 20:3, Deuteronomy 3:11

27And Joab sente messangeris to Dauid, and seide, Y fauyte ayens Rabath, and the citee of watris schal be takun.

stylus

2 Samuel 11:1, Deuteronomy 3:11, Ezekiel 21:20, 2 Samuel 11:1, Deuteronomy 3:11

28Now therfor gadere thou the tother part of the puple, and bisege thou the citee, and take thou it, lest whanne the citee is wastid of me, the victorie be arettid to my name.

stylus

John 7:18, John 7:18

29Therfor Dauid gaderide al the puple, and he yede forth ayens Rabath; and whanne he hadde fouyte, he took it.

stylus

30And he took the diademe of the kyng of hem fro his heed, bi weiyte a talent of gold, hauynge preciouseste peerlis; and it was put on the heed of Dauid, `that is, aftir that it was weldid and purgid bi fier; but also Dauid bar awey ful myche prey of the citee.

stylus

1 Chronicles 20:2, 1 Chronicles 20:2

31Also he ledde forth the puple therof, and sawide, and `dide aboute hem `yrun instrumentis of turment, and departide with knyues, and `ledde ouer bi the licnesse of tijl stoonus; so he dide to alle the citees of the sones of Amon. And Dauid turnede ayen, and al his oost, in to Jerusalem.

stylus

1 Chronicles 20:3, 1 Chronicles 20:3, 2 Samuel 8:2, Psalms 21:8, Psalms 21:9