1Forsothe Joab, the sone of Saruye, vndirstood, that the herte of the kyng was turned to Absolon;

stylus

2 Samuel 13:39, 2 Samuel 13:39, 2 Samuel 2:18, 2 Samuel 2:18, 2 Samuel 19:2

2and he sente to Thecua, and took fro thennus a wise womman, and he seide to hir, Feyne thee to morene, and be thou clothid with clooth of duyl, and be thou anoyntid with oile, that thou be as a womman by morenynge `now in ful myche tyme a deed man.

stylus

2 Chronicles 11:6, 2 Chronicles 11:6, Amos 1:1, Ruth 3:3, Amos 1:1

3And thou schalt entre to the kyng, and thou schalt speke to hym siche wordis. Sotheli Joab puttide the wordis in hir mouth.

stylus

2 Samuel 14:19, 2 Samuel 14:19, Exodus 4:15, Exodus 4:15, Deuteronomy 18:18

4Therfor whanne the womman of Thecua hadde entrid to the kyng, sche felde bifor hym on the erthe, and worschipide, and seide, A! kyng, kepe me.

stylus

2 Kings 6:26, 2 Kings 6:28, 2 Samuel 1:2, 1 Samuel 25:23, 2 Kings 6:26

5And the kyng seide to hir, What hast thou of cause? And sche answeride, Alas! Y am a womman widewe, for myn hosebonde is deed;

stylus

Judges 9:8, Judges 9:15, 2 Samuel 12:1, 2 Samuel 12:3, Judges 9:8

6and tweyne sones weren of thin handmayde, whiche debatiden ayens hem silf in the feeld, and `noon was that myyte forbede hem, and oon smoot `the tother, and killide hym.

stylus

Genesis 4:8, Deuteronomy 22:26, Deuteronomy 22:27, Exodus 2:13, Genesis 4:8

7And lo! al the kynrede risith ayens thin handmayde, and seith, Yyue thou hym that killide his brothir, that we sle hym for the lijf of his brother whom he killide, and that we do awei the eir; and thei seken to quenche my sparcle whych is lefte, that name dwelle not to myn hosebonde, and relikis, `ethir remenauntis, be not to him on erthe.

stylus

Numbers 35:19, Numbers 35:19, Matthew 21:38, Matthew 21:38, 2 Samuel 12:17

8And the kyng seide to the womman, Go in to thin hows, and Y schal comaunde for thee.

stylus

Proverbs 18:13, Proverbs 18:13, Job 29:16, 2 Samuel 12:5, 2 Samuel 12:6

9And the womman of Thecua seide to the kyng, My lord the kyng, this wickidnesse be on me, and on the hows of my fadir; forsothe the kyng and his trone be innocent.

stylus

1 Samuel 25:24, 1 Samuel 25:24, 1 Kings 2:33, 1 Kings 2:33, Matthew 27:25

10And the kyng seide, Brynge thou hym to me, that ayenseith thee, and he schal no more adde that he touche thee.

stylus

11And sche seide, The kyng haue mynde on his Lord God, and the nexte men of blood to take veniaunce be not multiplied, and `thei schulen not sle my sone. And the kyng seide, The Lord lyueth, for noon of the heeris of thi sone schal falle on the erthe.

stylus

1 Samuel 14:45, 1 Samuel 14:45, Matthew 10:30, Numbers 35:19, Matthew 10:30

12Therfor the womman seide, Thin handmayde speke a word to my lord the kyng. And the kyng seide, Speke thou.

stylus

Acts 26:1, Genesis 44:18, 1 Samuel 25:24, Jeremiah 12:1, Genesis 18:32

13And the womman seide, Whi `thouytist thou sich a thing ayens the puple of God? and the kyng spak this word, that he do synne, and brynge not ayen his sone cast out?

stylus

2 Samuel 13:37, 2 Samuel 13:38, 2 Samuel 13:37, 2 Samuel 13:38, 2 Samuel 12:7

14Alle we dyen, and as watris that schulen not turne ayen, we sliden in to erthe; and God nyl that a soule perische, but he withdrawith, and thenkith lest he perische outirly, which is cast awey.

stylus

Job 30:23, Job 30:23, Hebrews 9:27, Numbers 35:28, Hebrews 9:27

15Now therfor come thou, that Y speke to my lord the kyng this word, while the puple is present; and thin handmaide seide, Y schal speke to the kyng, if in ony maner the kyng do the word of his handmayde.

stylus

16And the kyng herde the wordis, that he schulde delyuere his handmayde fro the hondis of alle men, that wolden do awei me, and my sone to gidere, fro the eritage of the Lord.

stylus

1 Samuel 26:19, 1 Samuel 26:19

17Therfor thin hand mayde seie, that the word of my lord the kyng be maad as sacrifice, `that is, that the sentence youun of hym be plesaunt to God, as sacrifice plesith God; for as an aungel of the Lord, so is my lord the kyng, that he be not mouyd bi blessyng nether bi cursyng. Wherfor and thi Lord God is with thee.

stylus

1 Samuel 29:9, 2 Samuel 19:27, 1 Samuel 29:9, 2 Samuel 19:27, 2 Samuel 14:20

18And the kyng answeride, and seide to the womman, Hide thou not fro me the word which Y axe thee. And the womman seide to hym, Speke thou, my lord the kyng.

stylus

Jeremiah 38:14, Jeremiah 38:25, 1 Samuel 3:17, 1 Samuel 3:18, Jeremiah 38:14

19And the kyng seide, Whether the hond of Joab is with thee in alle these thingis? The womman answeride, and seide, Bi the helthe of thi soule, my lord the kyng, nether to the left side nether to the riyt side is ony thing of alle these thingis, whiche my lord the kyng spak. For thi seruaunt Joab hym silf comaundide to me, and he puttide alle these wordis in to the mouth of thin handmaide,

stylus

2 Samuel 14:3, 2 Samuel 14:3, 1 Samuel 1:26, 1 Samuel 1:26, Luke 21:15

20that Y schulde turne the figure of this word; for thi seruaunt Joab comaundide this thing. Forsothe thou, my lord the kyng, art wijs, as an aungel of God hath wisdom, that thou vnderstonde alle thingis on erthe.

stylus

2 Samuel 14:17, 2 Samuel 14:17, 2 Samuel 19:27, 2 Samuel 19:27, Proverbs 26:28

21And the kyng seide to Joab, Lo! Y am plesid, and Y haue do thi word; therfor go thou, and ayen clepe thou the child Absolon.

stylus

2 Samuel 14:11, 2 Samuel 14:11, 1 Samuel 14:39, Mark 6:26, 1 Samuel 14:39

22And Joab felde on his face to erthe, and worschipide, and blesside the kyng; and Joab seide, Thi seruaunt hath vndirstonde to dai, that Y foond grace in thin iyen, my lord the kyng, for thou hast do the word of thi seruaunt.

stylus

Job 29:11, 1 Samuel 20:3, Job 31:20, Nehemiah 11:2, Genesis 6:8

23Therfor Joab roos, and yede in to Gessur, and brouyte Absolon in to Jerusalem.

stylus

2 Samuel 13:37, 2 Samuel 13:38, 2 Samuel 3:3, 2 Samuel 13:37, 2 Samuel 13:38

24Forsothe the kyng seide, Turne he ayen in to his hows, and se not he my face.

stylus

Revelation 22:4, Revelation 22:4, Genesis 43:3, 2 Samuel 14:28, Exodus 10:28

25Therfor Absolon turnede ayen in to his hows, and siy not the face of the kyng. Sotheli no man in al Israel was so fair as Absolon, and ful comeli; fro the step of the foot `til to the top, `no wem was in hym;

stylus

Isaiah 1:6, Isaiah 1:6, Deuteronomy 28:35, Job 2:7, Deuteronomy 28:35

26and in as myche as `he clippide more the heeris, bi so myche thei wexiden more; forsothe he was clippid onys in the yeer, for the heer greuede him. And whanne he clippide the heeris, he weiyide `the heeris of his heed bi twei hundrid siclis with comyn weiyte.

stylus

Ezekiel 44:20, Ezekiel 44:20, 2 Samuel 18:9, 1 Corinthians 11:14, 2 Samuel 18:9

27Forsothe thre sones, and a douyter, Thamar bi name, of `excellent forme weren borun to Absolon.

stylus

2 Samuel 18:18, 2 Samuel 18:18, 2 Samuel 13:1, 2 Samuel 13:1, Jeremiah 22:30

28And Absolon dwellide in Jerusalem twei yeer, and he siy not the face of the kyng.

stylus

29Therfor he sente to Joab, that he schulde sende hym to the kyng; which Joab nolde come to hym. And whanne he hadde sent the secounde tyme, and Joab nolde come,

stylus

2 Samuel 14:30, 2 Samuel 14:31, Matthew 22:3, Esther 1:12, 2 Samuel 14:30

30Absolon seide to hise seruauntis, Ye knowen the feeld of Joab bisidis my feeld hauynge ripe barli; therfor go ye, and brenne ye it with fier. Therfor the seruauntis of Absolon brenten the corn with fier. And the seruauntis of Joab camen with her clothis to-rent, and seiden, The seruauntis

stylus

Judges 15:4, Judges 15:5, Judges 15:4, Judges 15:5, 1 Kings 21:9

31of Absolon han brent the part of feeld bi fier. And Joab roos, and cam to Absolon in to his hows, and seide, Whi

stylus

32han thi seruauntis brent my corn bi fier? And Absolon answeride to Joab, Y sente to thee, and bisouyte that thou schuldist come to me, and that Y schulde sende thee to the kyng, that thou schuldist seie to hym, Whi cam Y fro Gessur? It was betere to me to be there; therfor Y biseche, that Y se the face of the kyng, that if he is myndeful of my wickidnesse, sle he me.

stylus

1 Samuel 20:8, Exodus 14:12, Proverbs 28:13, 1 Samuel 20:8, Exodus 14:12

33Joab entride to the kyng, and telde to hym. And Absolon was clepid, and entryde to the kyng, and worschipide on the face of erthe bifor hym, and the kyng kisside Absolon.

stylus

Luke 15:20, Genesis 33:4, Luke 15:20, Genesis 33:4, Genesis 45:15