1And Salomon bigan to bilde the hows of the Lord in Jerusalem, in the hil of Moria, that was schewid to Dauid, his fadir, in the place which Dauid hadde maad redi in the corn floor of Ornam Jebusei.

stylus

Genesis 22:14, 1 Chronicles 21:18, Genesis 22:14, 1 Chronicles 21:18, Genesis 22:2

2Forsothe he bigan to bilde in the secounde monethe, in the fourthe yeer of his rewme.

stylus

1 Kings 6:1, 1 Kings 6:1

3And these weren the foundementis, whiche Salomon settide, that he schulde bilde the hous of God; sixti cubitis of lengthe in the firste mesure, twenti cubitis of breede.

stylus

1 Chronicles 28:11, 1 Chronicles 28:19, 1 Kings 6:2, 1 Kings 6:3, 1 Chronicles 28:11

4Forsothe he bildide a porche bifor the frount, that was stretchid forth along bisidis the mesure of the breede of the hows, of twenti cubitis, sotheli the hiynesse was of an hundrid and twenti cubitis; and he ouergilde it with inne with clennest gold.

stylus

John 10:23, Acts 5:12, Acts 3:11, John 10:23, Acts 5:12

5Also he hilide the gretter hows with tablis of beech, and he fastnede platis of gold of beste colour al aboute; and he grauyde therynne palmtrees, and as smale chaynes biclipynge hem silf togidere.

stylus

1 Kings 6:21, 1 Kings 6:22, 1 Kings 6:15, 1 Kings 6:17, 1 Kings 6:21

6And he arayede the pawment of the temple with most preciouse marble, in myche fairenesse.

stylus

Revelation 21:18, Revelation 21:21, 1 Chronicles 29:2, Isaiah 54:11, Isaiah 54:12

7Forsothe the gold was moost preued, of whose platis he hilide the hows, and the beemys therof, and the postis, and the wallis, and the doris; and he grauyde cherubyns in the wallis.

stylus

1 Kings 6:20, 1 Kings 6:22, 1 Kings 6:20, 1 Kings 6:22, 1 Kings 6:29

8Also he made an hows to the holi of holi thingis, in lengthe bi the breede of the hows, of twenti cubitis, and the breed also of twenti cubitis; and he hilide it with goldun platis, as with sixe hundrid talentis.

stylus

Exodus 26:33, Exodus 26:33, Hebrews 9:9, 1 Kings 6:19, 1 Kings 6:20

9But also he made goldun nailis, so that ech nail peiside fifti siclis; and he hilide the solers with gold.

stylus

1 Chronicles 28:11, 1 Chronicles 28:11

10Also he made in the hows of the hooli of hooli thingis twei cherubyns bi the werk of an ymage makere, and hilide hem with gold.

stylus

1 Kings 6:23, 1 Kings 6:28, 1 Kings 6:23, 1 Kings 6:28, Exodus 25:18

11The wyngis of cherubyns weren holdun forth bi twenti cubitis, so that o wynge hadde fyue cubitis, and touchide the wal of the hows; and the tother wynge hadde fyue cubitis, and touchide the wynge of the tother cherub.

stylus

12In lijk maner the wynge of the tother cherub hadde fyue cubitis, and touchide the wal, and the tother wynge therof of fyue cubitis touchide the wynge of the tothir cherub.

stylus

13Therfor the wyngis of euer eithir cherub weren spred abrood, and weren holdun forth bi twenti cubitis; sotheli thilke cherubyns stoden on the feet reisid, and her faces weren turned to the outermere hows.

stylus

Exodus 25:20, Exodus 25:20

14Also he made a veil of iacynct and purpur, of reed seelk and bijs; and weuyde cherubyns therynne.

stylus

Hebrews 9:3, Hebrews 9:3, Exodus 26:31, Exodus 26:35, Matthew 27:51

15Also bifor the yate of the temple he made twei pilers, that hadden fyue and thretti cubitis of heiythe; forsothe the heedis of tho weren of fyue cubitis.

stylus

1 Kings 7:15, 1 Kings 7:24, Jeremiah 52:20, Jeremiah 52:23, 1 Kings 7:15

16Also he made and as litle chaynes in Goddis answeryng place, and puttide tho on the heedis of the pilers; also he made an hundrid pumgarnadis, whiche he settide bitwixe the litle chaynes.

stylus

1 Kings 7:20, 1 Kings 7:20, 1 Kings 6:21, 1 Kings 6:21

17And he settide tho pilers in the porche of the temple, oon at the riytside, and the tother at the leftside; he clepide that that was at the riytside Jachym, and that that was at the leftside he clepide Booz.

stylus

1 Kings 7:21, 1 Kings 7:21