1Forsothe Salomon demyde to bilde an hows to the name of the Lord, and a paleis to hym silf.

stylus

1 Kings 5:5, 1 Kings 5:5, 1 Chronicles 22:10, 1 Chronicles 22:10, 1 Kings 9:1

2And he noumbride seuenti thousynde of men berynge in schuldris, and fourescore thousynde that schulden kitte stoonys in hillis; and the souereyns of hem thre thousynde and sixe hundrid.

stylus

2 Chronicles 2:18, 2 Chronicles 2:18, 1 Kings 5:15, 1 Kings 5:16, 1 Kings 5:15

3And he sente to Iram, kyng of Tire, and seide, As thou didist with my fadir Dauid, and sentist to hym trees of cedre, that he schulde bilde to hym an hows, in which also he dwellide;

stylus

1 Chronicles 14:1, 1 Chronicles 14:1, 2 Samuel 5:11, 2 Samuel 5:11, 1 Kings 5:1

4so do thou with me, that Y bilde an hows to the name of `my Lord God, and that Y halewe it, to brenne encense bifor hym, and to make odour of swete smellynge spiceries, and to euerlastynge settynge forth of looues, and to brent sacrifices in the morewtid and euentid, and in sabatis, and neomenyes, and solempnytees of `oure Lord God in to with outen ende, that ben comaundid to Israel.

stylus

Exodus 30:7, Exodus 30:7, Exodus 25:30, Exodus 25:30, Exodus 29:38

5For the hows which Y coueyte to bilde is greet; for `oure Lord God is greet ouer alle goddis.

stylus

1 Chronicles 16:25, 1 Chronicles 16:25, Psalms 135:5, Exodus 15:11, Psalms 135:5

6Who therfor may haue myyt to bilde a worthi hows to hym? For if heuene and the heuenes of heuenes moun not take hym, hou greet am Y, that Y may bilde `an hows to hym, but to this thing oonli, that encense be brent bifor hym?

stylus

1 Kings 8:27, 2 Chronicles 6:18, Isaiah 66:1, 1 Kings 8:27, 2 Chronicles 6:18

7Therfor sende thou to me a lernd man, that can worche in gold, and siluer, bras, and yrun, purpur, rede silke, and iacynct; and that can graue in grauyng with these crafti men, which Y haue with me in Judee and Jerusalem, whiche Dauid, my fadir, made redi.

stylus

2 Chronicles 2:13, 2 Chronicles 2:14, Exodus 31:3, Exodus 31:5, 1 Chronicles 22:15

8But also sende thou to me cedre trees, and pyne trees, and thyne trees of the Liban; for Y woot, that thi seruauntis kunnen kitte trees of the Liban; and my seruauntis schulen be with thi seruauntis,

stylus

1 Kings 5:6, 1 Kings 5:6, 1 Kings 10:11, 2 Chronicles 9:10, 2 Chronicles 9:11

9that ful many trees be maad redi to me; for the hows which Y coueyte to bilde is ful greet and noble.

stylus

1 Kings 9:8, 2 Chronicles 2:5, 2 Chronicles 7:21, 1 Kings 9:8, 2 Chronicles 2:5

10Ferthermore to thi seruauntis, werk men that schulen kitte trees, Y schal yyue in to meetis twenti thousynde chorus of whete, and so many chorus of barli, and twenti thousynde mesuris of oile, that ben clepid sata.

stylus

1 Kings 5:11, 1 Kings 5:11, 1 Kings 7:26, Luke 10:7, Ezra 7:22

11Forsothe Iram, king of Tire, seide bi lettris whiche he sente to Salomon, For the Lord louyde his puple, therfor he made thee to regne on it.

stylus

2 Chronicles 9:8, 1 Kings 10:9, 2 Chronicles 9:8, 1 Kings 10:9, Psalms 72:17

12And he addide, seiynge, Blessid be the Lord God of Israel, that made heuene and erthe, which yaf to `Dauid the kyng a wijs sone, and lernd, and witti, and prudent, that he schulde bilde an hows to the Lord, and a paleis to hym silf.

stylus

Psalms 33:6, Psalms 33:6, 1 Peter 1:3, Revelation 4:11, 1 Peter 1:3

13Therfor Y sente to thee a prudent man and moost kunnynge, Iram,

stylus

2 Chronicles 4:16, 2 Chronicles 4:16

14my fadir, the sone of a womman of the lynage of Dan, whos fadir was a man of Tire; whiche Iram can worche in gold, and siluer, bras, and irun, and marble, and trees, also in purpur, and iacynct, and bijs, and rede silke; and which Iram can graue al grauyng, and fynde prudentli, what euer thing is nedeful in werk with thi crafti men, and with the crafti men of my lord Dauid, thi fadir.

stylus

2 Chronicles 2:7, 2 Chronicles 2:7, 1 Kings 7:13, 1 Kings 7:14, Exodus 31:3

15Therfor, my lord, sende thou to thi seruauntis the whete, and barli, and oyle, and wyn, whiche thou bihiytist.

stylus

2 Chronicles 2:10, 2 Chronicles 2:10, 1 Kings 5:11, 1 Kings 5:11

16Sotheli we schulen kitte trees of the Liban, how many euere thou hast nedeful; and we schulen brynge tho in schippis bi the see in to Joppe; forsothe it schal be thin to lede tho ouer in to Jerusalem.

stylus

Joshua 19:46, Joshua 19:46, 1 Kings 5:8, 1 Kings 5:9, 1 Kings 5:8

17Therfor Salomon noumbride alle men conuertid fro hethenesse, that weren in the lond of Israel, aftir the noumbryng which Dauid, his fadir, noumbride; and an hundrid thousynde and thre and fifti thousynde and sixe hundrid weren foundun.

stylus

1 Chronicles 22:2, 1 Chronicles 22:2, 2 Chronicles 8:7, 2 Chronicles 8:8, 2 Chronicles 2:2

18And he made of hem seuenti thousynde, that schulden bere birthuns in schuldris, and `foure score thousynde, that schulden kitte stonys in hillis; sotheli he made thre thousynde and sixe hundrid souereyns of werkis of the puple.

stylus

2 Chronicles 2:2, 2 Chronicles 2:2