1Also he made a brasun auter of twenti cubitis of lengthe, and of twenti cubitis of breede, and of ten cubitis of heiythe;

stylus

1 Kings 8:64, 1 Kings 8:64, Ezekiel 43:13, Ezekiel 43:17, Ezekiel 43:13

2he made also a yotun see of ten cubitis fro brynke til to brynke, round bi cumpas; it hadde fyue cubitis of heiythe; and a coorde of thritti cubitis cumpasside the cumpas therof.

stylus

Exodus 30:18, Exodus 30:21, Titus 3:5, Zechariah 13:1, Revelation 7:14

3And the licnesse of oxis was vndur it, and bi ten cubitis summe grauyngis with outforth cumpassiden the brynke of the see as with tweyne ordris; sotheli the oxis weren yotun.

stylus

Ezekiel 10:14, Revelation 4:7, Ezekiel 1:10, 1 Kings 7:24, 1 Kings 7:26

4And thilke see was set on twelue oxis, of whiche oxis thre bihelden to the north, and othere thre to the west, sotheli thre othere bihelden the south, and thre `that weren residue bihelden the eest, and hadden the see set aboue; but the hyndrere partis of the oxis weren with ynne vndur the see.

stylus

Mark 16:15, Matthew 28:19, Matthew 28:20, Acts 9:15, Ephesians 2:20

5Sotheli the thicknesse therof hadde the mesure of a pawm of the hond, and the brynke therof was as the brynke of a cuppe, ethir of a lilie crokid ayen, and it took thre thousynde metretis of mesure.

stylus

1 Kings 7:26, 1 Kings 7:26

6Also he made ten holowe vessels, and settide fyue at the riytside, and fyue at the leftside, that thei schulden waische in tho alle thingis, whiche thei schulden offre in to brent sacrifice; sotheli the preestis weren waischun in the see.

stylus

1 Kings 7:38, 1 Kings 7:38, Exodus 30:18, Exodus 30:21, Exodus 30:18

7Sotheli he made ten goldun candilstikis bi the licknesse which he hadde comaundid to be maad, and he settide tho in the temple, fyue at the riytside and fyue at the leftsid.

stylus

1 Kings 7:49, Exodus 25:31, Exodus 25:40, 1 Kings 7:49, Exodus 25:31

8And he made also ten boordis, and settide tho in the temple, fyue at the riytside and fyue at the leftside.

stylus

1 Kings 7:48, 1 Kings 7:48, 1 Corinthians 10:21, Malachi 1:12, Zechariah 14:20

9Also he made an hundrid goldun viols. `Also he made a large place of preestis, and a greet hows, and doris in the greet hows, which he hilide with bras.

stylus

1 Kings 6:36, 1 Kings 6:36, 2 Kings 21:5, 2 Kings 21:5, 1 Kings 7:12

10Forsothe he settide the see in the riytsyde ayens the eest at the south.

stylus

1 Kings 7:39, 1 Kings 7:39

11Also Iram made cawdruns, and fleischokis, and viols, and he fillide al the werk of the kyng in the hows of God,

stylus

1 Kings 7:14, 1 Kings 7:40, 1 Kings 7:51, 1 Kings 7:14, 1 Kings 7:40

12that is, twei pilers, and pomels, and heedis, and as summe nettis, that hiliden the heedis aboue the pomels;

stylus

1 Kings 7:41, 1 Kings 7:41, 2 Chronicles 3:15, 2 Chronicles 3:17, 2 Chronicles 3:15

13also he made fourti pumgarnadis, and twei werkis lijk nettis, so that two ordris of pumgarnadis weren ioyned to ech werk like nettis, which hiliden the pomels, and heedis of the pilers.

stylus

1 Kings 7:20, 1 Kings 7:20, Exodus 28:33, Exodus 28:34, Jeremiah 52:23

14He made also foundementis, and holow vessels, whiche he settide on the foundementis;

stylus

1 Kings 7:27, 1 Kings 7:43, 1 Kings 7:27, 1 Kings 7:43

15he made o see, and twelue oxis vndur the see,

stylus

16and caudruns, and fleischookis, and viols. Iram, the fadir of Salomon, made to hym alle vessels in the hows of the Lord of clennest bras.

stylus

2 Chronicles 2:13, 2 Chronicles 2:13, 1 Kings 7:13, 1 Kings 7:14, 1 Chronicles 28:17

17The kyng yetide tho in the cuntrey of Jordan, in cleiy lond bitwixe Socoth and Saredata.

stylus

1 Kings 7:46, 1 Kings 7:46

18Forsothe the multitude of vessels was vnnoumbrable, so that the weiyte of bras was not knowun.

stylus

1 Kings 7:47, 1 Kings 7:47, Jeremiah 52:20, Jeremiah 52:20, 1 Chronicles 22:3

19And Salomon made alle the vessels of Goddis hows, the goldun auter, `and bordis, and loouys of settyng forth on tho;

stylus

Revelation 9:13, Revelation 9:13, 2 Chronicles 26:16, 2 Chronicles 26:18, 1 Kings 7:48

20and candilstikis of purest gold, with her lanternes, that tho schulden schyne bifor Goddis answering place bi the custom;

stylus

2 Chronicles 4:7, Exodus 25:31, Exodus 25:37, 2 Chronicles 4:7, Exodus 25:31

21and he made summe werkis lijk flouris, and lanternes, and goldun tongis; alle thingis weren maad of clennest gold;

stylus

2 Chronicles 4:5, Exodus 37:20, 1 Kings 6:35, 1 Kings 6:29, Exodus 25:31

22also he made pannes for colis to brenne encense, and censeris, and viols, and morters, of pureste gold. And he grauyde doris of the ynnere temple, that is, in the hooli of hooli thingis, and the goldun doris of the temple with out forth; and so al the werk was fillid that Salomon made in the hows of the Lord.

stylus

1 Kings 6:31, 1 Kings 6:32, 2 Kings 12:13, Exodus 37:23, 1 Kings 7:50