1The wordis of Neemye, the sone of Helchie. And it was doon in the monethe Casleu, in the twentithe yeer, and Y was in the castel Susis;

stylus

Nehemiah 10:1, Zechariah 7:1, Nehemiah 10:1, Zechariah 7:1, Esther 1:2

2and Ananye, oon of my britheren, cam to me, he and men of Juda; and Y axide hem of the Jewis, that weren left, and weren alyue of the caitifte, and of Jerusalem.

stylus

Nehemiah 7:2, Nehemiah 7:2, Ezekiel 6:9, Ezekiel 6:9, Ezra 9:8

3And thei seiden to me, Thei that `dwelliden, and ben left of the caitifte there in the prouynce, ben in greet turment, and in schenship; and the wal of Jerusalem is destried, and the yatis therof ben brent with fier.

stylus

Nehemiah 2:17, Nehemiah 2:17, 2 Kings 25:10, 2 Kings 25:10, Ezra 5:8

4And whanne Y hadde herd siche wordis, Y sat and wepte, and morenede many daies, and Y fastide, and preiede bifor the face of God of heuene;

stylus

Daniel 9:3, Daniel 9:3, Psalms 137:1, Ezra 10:1, Psalms 137:1

5and Y seide, Y biseche, Lord God of heuene, strong, greet, and ferdful, which kepist couenaunt and merci with hem, that louen thee, and kepen thin heestis;

stylus

Exodus 20:6, Exodus 20:6, Daniel 9:4, Daniel 9:19, Daniel 9:4

6thin eere be maad herknynge, and thin iyen openyd, that thou here the preier of thi seruaunt, bi which Y preie bifor thee `to dai, bi nyyt and dai, for the sones of Israel, thi seruauntis, and `Y knouleche for the synnes of the sones of Israel, bi which thei han synned to thee; bothe Y and the hows of my fadir han synned; we weren disseyued bi vanyte,

stylus

Daniel 9:20, Daniel 9:20, Daniel 9:4, Daniel 9:4, Psalms 34:15

7and we `kepten not `thi comaundement, and cerymonyes, and domes, which thou comaundidist to Moises, thi seruaunt.

stylus

Daniel 9:5, Daniel 9:6, Daniel 9:5, Daniel 9:6, Daniel 9:11

8Haue mynde of the word, which thou comaundidist to thi seruaunt Moises, and seidist, Whanne ye han trespassid, Y schal scatere you in to puplis;

stylus

Deuteronomy 28:64, Deuteronomy 28:64, Deuteronomy 4:25, Deuteronomy 4:27, Deuteronomy 4:25

9and if ye turnen ayen to me, that ye kepe myn heestis, and do tho, yhe, thouy ye ben led awei to the fertheste thingis of heuene, fro thennus Y schal gadere you togidere, and Y schal brynge you in to the place, which Y chees, that my name schulde dwelle there.

stylus

Jeremiah 29:11, Jeremiah 29:14, Jeremiah 29:11, Jeremiah 29:14, Deuteronomy 30:2

10And we ben thi seruauntis, and thi puple, whiche thou `ayen bouytist in thi greet strengthe, and in thi strong hond.

stylus

Deuteronomy 9:29, Deuteronomy 9:29, Exodus 32:11, Daniel 9:15, Daniel 9:27

11Lord, Y biseche, `thin eere be ententif to the preier of thi seruaunt, and to the preier of thi seruauntis, that wolen drede thi name; and dresse thi seruaunt to dai, and yiue thou merci to him bifor this man. For Y was the boteler of the kyng.

stylus

Nehemiah 1:6, Nehemiah 1:6, Nehemiah 2:8, Nehemiah 2:8, Nehemiah 2:1