1Forsothe Filisteis token the arke of God, and baren awey it fro the stoon of help in to Azotus.

stylus

1 Samuel 7:12, 1 Samuel 7:12, 1 Samuel 4:1, 1 Samuel 4:1, 1 Samuel 4:22

2And Filisteis tokun the arke of God, and brouyten it to the temple of Dagon, and settiden it bisidis Dagon.

stylus

Judges 16:23, Judges 16:23, 1 Chronicles 10:10, Daniel 5:23, Daniel 5:2

3And whanne men of Azotus hadden rise eerli in the todir dai, lo! Dagon lay low in the erthe bifor the arke of the Lord. And thei token Dagon, and restoriden hym in his place.

stylus

Isaiah 19:1, Isaiah 19:1, Isaiah 46:1, Isaiah 46:2, Isaiah 46:1

4And eft thei risiden eerli in the tothir day, and founden Dagon liggynge on his face on the erthe bifor the arke of the Lord. Forsothe the heed of Dagon, and twei pawmes of his hondis weren kit of on the threisfold;

stylus

Micah 1:7, Micah 1:7, Isaiah 2:18, Isaiah 2:19, Jeremiah 10:11

5certis the stok aloone of Dagon lefte in his place. For this cause the preestis of Dagon, and alle that entren in to his temple, treden not on the threisfold of Dagon in Azotus til in to this dai.

stylus

Zephaniah 1:9, Zephaniah 1:9, Psalms 115:4, Psalms 115:7, Psalms 115:4

6Forsothe the hond of the Lord was maad greuouse on men of Azotus, and he distriede hem, and he smoot Azotus and the coostis therof in the priuyere part of buttokis; and townes and feeldis in the myddis of that cuntrey buyliden out, and myis camen forth; and greet confusioun of deth was maad in the citee.

stylus

1 Samuel 5:11, 1 Samuel 5:11, Deuteronomy 28:27, Exodus 9:3, Psalms 32:4

7Sotheli men of Azotus sien siche a veniaunce, and seiden, The arke of God of Israel dwelle not at vs; for his hond is hard on vs, and on Dagon oure god.

stylus

Exodus 12:33, Exodus 12:33, Jeremiah 46:25, 1 Samuel 4:8, Exodus 8:8

8And thei senten, and gaderiden alle the wise men, `ether princes, of Filisteis `to hem, and seiden, What schulen we do of the arke of God of Israel? And men of Geth answeriden, The arke of God of Israel be led aboute; and thei ledden aboute the arke of God of Israel.

stylus

1 Samuel 17:4, 1 Samuel 5:11, Zechariah 12:3, Amos 6:2, 1 Samuel 17:4

9Forsothe while thei ledden it aboute, the hond of the Lord `of ful greet sleyng was maad on alle citees; and he smoot men of ech citee fro a litil man til to `the more, and the lowere entraylis `of hem wexiden rotun, and camen forth; and men of Geth token counsel, and maden to hem seetis of skynnes, ethir cuyschuns.

stylus

1 Samuel 5:6, 1 Samuel 5:6, 1 Samuel 7:13, Deuteronomy 2:15, 1 Samuel 7:13

10Therfor thei senten the arke of the Lord in to Accoron. And whanne the arke of the Lord hadde come in to Accoron, men of Accoron crieden, and seiden, Thei han brought to vs the arke of God of Israel, that he sle vs and oure puple.

stylus

Amos 1:8, Amos 1:8, Judges 1:18, 2 Kings 1:2, Joshua 15:45

11Therfor thei senten, and gaderiden alle the wise men, `ethir princes, of Filisteis; whiche seiden, Delyuere ye the arke of God of Israel, and turne it ayen in to his place, and sle not vs with oure puple.

stylus

1 Samuel 5:6, 1 Samuel 5:6, Jeremiah 48:42, Jeremiah 48:44, Isaiah 13:7

12For dreed of deeth was maad in alle citees, and the hond of the Lord was `greuouse greetli. Also the men, that weren not deed, weren smytun in the priuy part of buttokis, and the yelling of ech citee stiede in to heuene.

stylus

Exodus 12:30, Exodus 12:30, Amos 5:19, Amos 5:19, Jeremiah 48:3