1And it was doon in tho daies Filisteis camen to gidere in to batel; for Israel yede out ayens Filisteis in to batel, and settiden tentis bisidis the stoon of help. Forsothe Filisteis camen in to Aphet,

stylus

1 Samuel 29:1, 1 Samuel 29:1, 1 Samuel 7:12, 1 Samuel 7:12, 1 Samuel 5:1

2and maden redi scheltrun ayens Israel. Sotheli whanne the batel was bigunnun, Israel turned backis to Filisteis; and as foure thousynde of men weren slayn in that batel `euery where bi feeldis; and the puple of Israel turnede ayen to tentis. And the grettere men in birthe of Israel seiden, Whi hath the Lord smyte vs to dai bifore Filisteis? Brynge we to vs fro Silo the arke of boond of pees of the Lord, and come it in to the myddis of vs, that it saue vs fro the hond of oure enemyes.

stylus

Lamentations 3:40, Lamentations 3:40, Psalms 44:9, Psalms 44:10, 1 Samuel 17:8

4Therfor the puple sente in to Silo, and thei token fro thennus the arke of boond of pees of the Lord of oostis, `that sat on cherubyn. And Ophym and Fynees, twei sones of Heli, weren with the arke of boond of pees of the Lord.

stylus

2 Samuel 6:2, 2 Samuel 6:2, Psalms 80:1, Numbers 7:89, Psalms 80:1

5And whanne the arke of boond of pees of the Lord hadde come in to the castels, al Israel criede with grete cry, and the erthe sownede.

stylus

Joshua 6:5, Joshua 6:5, Job 20:5, Joshua 6:20, Jeremiah 7:4

6And Filisteis herden the vois of cry, and seiden, What is this vois of greet cry in the castels of Ebrews? And thei knewen, that the arke of boond of pees of the Lord hadde come in to castels.

stylus

Exodus 32:17, Exodus 32:18, Exodus 32:17, Exodus 32:18

7And Filisteis dredden, and seiden, God is come in to `the castels; and thei weiliden, and seiden, Wo to vs!

stylus

Exodus 14:25, Deuteronomy 32:30, Exodus 15:14, Exodus 15:16, Exodus 14:25

8for so greet ful ioiyng was not yistirdai, and the thridde day passid; wo to vs! who schal kepe vs fro the hond of `these hiye goddis? these ben the goddis, that smytiden Egipt with al veniaunce in deseert.

stylus

Exodus 7:5, Psalms 78:43, Psalms 78:51, Exodus 9:14, Exodus 7:5

9Filisteis, be ye coumfortid, and be ye men, serue ye not Ebrews, as thei serueden vs; be ye coumfortid, and fiyte ye.

stylus

1 Corinthians 16:13, Judges 13:1, 1 Corinthians 16:13, Judges 13:1, 2 Samuel 10:12

10Therfor Filisteis fouyten, and Israel was slayn, and ech man flei in to his tabernacle; and a ful greet veniaunce was maad, and thretti thousynde of foot men of Israel felden doun.

stylus

Deuteronomy 28:25, 1 Samuel 4:2, 2 Kings 14:12, Leviticus 26:17, Deuteronomy 28:25

11And the arke of God was takun; and, twei sones of Heli, Ophym and Fynees, weren deed.

stylus

1 Samuel 2:34, 1 Samuel 2:34, Psalms 78:64, Psalms 78:64, Isaiah 3:11

12Sotheli a man of Beniamyn ran fro the scheltrun, and cam in to Silo in that dai, with his cloth torent and his heed bispreynt with dust; and whanne he was comen,

stylus

Joshua 7:6, Joshua 7:6, 2 Samuel 15:32, Nehemiah 9:1, 2 Samuel 1:2

13Heli sat `on an hiye seete, `and bihelde ayens the weie; for his herte was dredyng for the arke of the Lord. Sotheli aftir that thilke man entride, he telde to the citee, and al the citee yellide.

stylus

1 Samuel 1:9, 1 Samuel 1:9, 1 Samuel 4:18, 1 Samuel 4:18, Psalms 79:1

14And Heli herde the soun of cry, and seide, What is this sown of this noise? And he hastide, and cam, and telde to Heli.

stylus

15Forsothe Heli was of foure score yeer and eiytene, and hise iyen dasiwiden, and he myyte not se.

stylus

1 Samuel 3:2, 1 Samuel 3:2, Genesis 27:1, 1 Kings 14:4, Psalms 90:10

16And he seide to Heli, Y am that cam fro batel, and Y am that flei to dai fro the scheltrun. To whom Ely seide, My sone, what is doon?

stylus

2 Samuel 1:4, 2 Samuel 1:4, Joshua 7:19, 1 Samuel 3:6, Joshua 7:19

17Forsothe he that telde answeride, and seide, Israel flei bifor Filisteis, and a greet fal is maad in the puple; ferthermore and thi twey sones, Ophym and Fynees, ben deed, and the arke of God is takun.

stylus

1 Samuel 3:11, 1 Samuel 4:10, 1 Samuel 4:11, 1 Samuel 3:11, 1 Samuel 4:10

18And whanne he hadde nemyd the arke of God, Hely felde fro `the hiye seete bacward bisidis the dore, and `was deed; for the nollis weren brokun. For he was an eld man, and of greet age; and he demyde Israel bi fourti yeer.

stylus

1 Samuel 4:21, 1 Samuel 4:22, 1 Samuel 4:21, 1 Samuel 4:22, 1 Peter 4:17

19Forsothe his douyter in lawe, `the wijf of Finees, was with childe, and niy the child bering; and whanne `the message was herd that the arke of God was takun, and that hir fadir in lawe was deed, and hir hosebonde, sche bowide hir silf, and childide; for sodeyn sorewis felden in to hir.

stylus

20Sotheli in that moment of hir deeth, wymmen that stoden aboute hir, seiden to hir, Drede thou not, for thou hast childid a sone. And sche answeride not to hem, for nether `sche perseyuede.

stylus

John 16:21, Psalms 77:2, Genesis 35:17, Genesis 35:18, John 16:21

21And sche clepide the child Ichaboth, and seide, The glorie of the Lord is translatid fro Israel, for the arke of God is takun; and for hir fadir in lawe and for hir hosebonde sche seide,

stylus

Psalms 26:8, Psalms 26:8, Psalms 78:61, Psalms 78:61, Jeremiah 2:11

22The glorie of God is translatid fro Israel, for the arke of God is takun.

stylus

John 2:17, Psalms 137:5, Psalms 137:6, John 2:17, Psalms 137:5