1And Dauid seide in his herte, Sumtyme Y schal falle in o dai in the hond of Saul; whether it is not betere, that Y fle, and be sauyd in the lond of Filisteis, that Saul dispeire, and cesse to seke me in alle the endis of Israel; therfor fle we hise hondis.

stylus

Isaiah 40:27, Isaiah 40:31, Isaiah 40:27, Isaiah 40:31, 1 Samuel 28:1

2And Dauid roos, and yede, he and sixe hundrid men with hym, to Achis, the sone of Maoth, kyng of Geth.

stylus

1 Samuel 25:13, 1 Samuel 21:10, 1 Samuel 25:13, 1 Samuel 21:10, 1 Kings 2:39

3And Dauid dwellide with Achis in Geth, he, and hise men, and his hows; Dauid, and hise twei wyues, Achynoem of Jezrael, and Abigail, the wijf of Nabal of Carmele.

stylus

1 Samuel 25:42, 1 Samuel 25:43, 1 Samuel 25:42, 1 Samuel 25:43, 1 Samuel 30:3

4And it was teld to Saul, that Dauid fledde in to Geth; and he addide no more `that he schulde seke Dauid.

stylus

1 Samuel 26:21, 1 Samuel 26:21

5Forsothe Dauid seide to Achis, If Y haue founden grace in thin iyen, a place be youun to me in oon of the citees of this cuntrey, that Y dwelle there; for whi dwellith thi seruaunt in the citee of the kyng with thee?

stylus

Genesis 46:34, Genesis 46:34, 2 Corinthians 6:17, 2 Corinthians 6:17

6Therfor Achis yaf to hym Sichelech in that dai, for which cause Sichelech was maad in to the possessioun of the kyngis of Juda `til in to this dai.

stylus

Nehemiah 11:28, Nehemiah 11:28, Joshua 15:31, Joshua 15:31, 1 Chronicles 12:1

7Forsothe the noumbre of daies, in whiche Dauid dwellide in the cuntrei of Filisteis, was of foure monethis.

stylus

1 Samuel 29:3, 1 Samuel 29:3

8And Dauid stiede, and hise men, and token preies of Gethsuri, and of Gethri, and of men of Amalech; for these townes weren enhabitid bi eld tyme in the lond, to men goynge to Sur, `til to the lond of Egipt.

stylus

1 Samuel 15:7, 1 Samuel 15:8, Joshua 13:2, 1 Samuel 15:7, 1 Samuel 15:8

9And Dauid smoot al the lond of hem, and lefte not man `lyuynge and womman; and he took scheep, and oxun, and assis, and camels, and clothis, and turnede ayen, and cam to Achis.

stylus

1 Samuel 15:3, 1 Samuel 15:3, 1 Samuel 15:7, Genesis 25:18, Genesis 16:7

10Sotheli Achis seide to hym, `In to whom `hurliden ye to dai? Dauid answeride, Ayens the south of Juda, and ayens the south of Hiramel, and ayens the south of Ceney.

stylus

Judges 1:16, Judges 1:16, 1 Chronicles 2:25, 1 Chronicles 2:9, 1 Chronicles 2:25

11Dauid left not quik man and womman, nether brouyte `in to Geth, and se ide, Lest perauenture thei speken ayens vs. Dauid dide these thingis, and this was his doom, in alle daies in whiche he dwellide in the cuntrei of Filisteis.

stylus

1 Samuel 22:22, Proverbs 12:19, Proverbs 29:25, 1 Samuel 22:22, Proverbs 12:19

12Therfor Achis bileuyde to Dauid, and seide, Forsothe he wrouyte many yuelis ayens his puple Israel, therfor he schal be euerlastynge seruaunt to me.

stylus

1 Samuel 13:4, Genesis 34:30, 1 Samuel 13:4, Genesis 34:30