1Forsothe Samuel was deed; and al Israel was gaderid to gidere, and thei biweiliden hym greetly, and birieden hym in his hows in Ramatha. And Dauid roos, and yede doun in to deseert of Faran.

stylus

1 Samuel 28:3, 1 Samuel 28:3, Numbers 20:29, Deuteronomy 34:8, Numbers 20:29

2Forsothe a `man was in Maon, and his possessioun was in Carmele, and thilke man was ful greet, and thre thousynde scheep and a thousynde geet `weren to hym; and it bifelde that his flocke was clippid in Carmele.

stylus

1 Samuel 23:24, Joshua 15:55, 1 Samuel 23:24, Joshua 15:55, Genesis 38:13

3Forsothe the name of that man was Nabal, and the name of his wijf was Abigail; and thilke womman was moost prudent and fair; forsothe hir hosebond was hard and ful wickid and malicious; sotheli he was of the kyn of Caleph.

stylus

Proverbs 14:1, Proverbs 14:1, Proverbs 31:10, Isaiah 32:5, Isaiah 32:7

4Therfor whanne Dauid hadde herde in deseert, that Nabal clippide his floc,

stylus

Genesis 38:13, 2 Samuel 13:23, Genesis 38:13, 2 Samuel 13:23

5he sente ten yonge men, and seide to hem, Stie ye in to Carmele, and ye schulen come to Nabal, and ye schulen grete hym of my name pesibli;

stylus

1 Samuel 17:22, Genesis 43:23, 1 Samuel 17:22, Genesis 43:23

6and ye schulen seie thus, Pees be to my britheren and to thee, and pees be to thin hows, and pees be to alle thingis, `what euer thingis thou hast.

stylus

1 Chronicles 12:18, 1 Chronicles 12:18, Luke 10:5, Luke 10:5, Psalms 122:7

7Y herde that thi scheepherdis, that weren with vs in deseert, clippiden thi flockis; we weren neuere diseseful to hem, nether ony tyme ony thing of the floc failide to hem, in al time in which thei weren with vs in Carmele;

stylus

1 Samuel 25:21, 1 Samuel 25:21, 1 Samuel 25:15, 1 Samuel 25:16, 1 Samuel 25:15

8axe thi children, and thei schulen schewe to thee. Now therfor thi children fynde grace in thin iyen; for in a good dai we camen to thee; what euer thing thin hond fyndith, yyue to thi seruauntis, and to thi sone Dauid.

stylus

Esther 9:19, Esther 9:19, Nehemiah 8:10, Nehemiah 8:12, Nehemiah 8:10

9And whanne the children of Dauid hadden come, thei spaken to Nabal alle these wordis in the name of Dauid, and helden pees.

stylus

2 Chronicles 14:7, Genesis 8:4, 2 Kings 2:15, 2 Chronicles 14:7, Genesis 8:4

10Forsoth Nabal answeride to the children of Dauid, and seide, Who is Dauith? and who is the sone of Isai? To dai seruauntis encreesiden that fleen her lords.

stylus

Judges 9:28, Judges 9:28, 1 Kings 12:16, 1 Samuel 22:2, 2 Samuel 20:1

11Therfor schal Y take my looues and my watris, and the fleischis of beestis, whiche Y haue slayn to my schereris, and schal Y yyue to men, whiche Y knowe not of whennus thei ben?

stylus

Judges 8:6, Judges 8:6, Galatians 6:10, Galatians 6:10, 1 Peter 4:9

12Therfor the children of Dauid yeden ayen bi her weie; and thei turneden ayen, and camen, and telden to hym alle wordis whiche Nabal hadde seid.

stylus

Hebrews 13:17, 2 Samuel 24:13, Isaiah 36:21, Isaiah 36:22, Hebrews 13:17

13Thanne Dauid seide to hise children, Ech man be gird with his swerd. And alle men weren gird with her swerdis, and Dauid also was gird with his swerd; and as foure hundrid men sueden Dauid, forsothe two hundrid leften at the fardels.

stylus

1 Samuel 23:13, 1 Samuel 23:13, Romans 12:19, Romans 12:21, Proverbs 19:2

14Forsothe oon of hise children telde to Abigail, wijf of Nabal, and seide, Lo! Dauid sente messangeris fro deseert, that thei schulden blesse oure lord, and he turnede hem awey;

stylus

Mark 15:29, 1 Samuel 13:10, Mark 15:29, 1 Samuel 13:10

15these men weren good ynow, and not diseseful to vs, and no thing perischide `in ony tyme in al the tyme in which we lyueden with hem in deseert;

stylus

1 Samuel 25:7, 1 Samuel 25:21, 1 Samuel 25:7, 1 Samuel 25:21, Philippians 2:15

16thei weren to vs for a wal, bothe in niyt and in dai, in alle daies in whiche we lesewiden flockis at hem.

stylus

Job 1:10, Job 1:10, Exodus 14:22, Exodus 14:22, Zechariah 2:5

17Wherfor biholde thou, and thenke, what thou schalt do; for malice is fillid ayens thin hosebonde, and ayens `thin hows; and he is the sone of Belial, so that no man may speke to him.

stylus

1 Samuel 20:7, Deuteronomy 13:13, 1 Samuel 20:7, Deuteronomy 13:13, 1 Samuel 25:25

18Therfor Abigail hastide, and took two hundrid looues, and two vessels of wyn, and fyue whetheris sodun, and seuene buyschelis and an half of flour, and an hundrid bundles of dried grape, and two hundrid gobetis of dried figus; and puttide on assis,

stylus

2 Samuel 16:1, 2 Samuel 16:1, Proverbs 18:16, Matthew 5:25, Proverbs 18:16

19and seide to hir children, Go ye bifor me; lo! Y schal sue you `aftir the bak. Forsothe sche schewide not to hir hosebonde Nabal.

stylus

Genesis 32:20, Genesis 32:20, Genesis 32:16, Genesis 32:16, Proverbs 31:27

20Therfor whanne sche hadde stied on the asse, and cam doun `at the roote of the hil, and Dauid and hise men camen doun in to the comyng `of hir; whiche also sche mette.

stylus

2 Kings 4:24, 2 Kings 4:24

21And Dauid seide, Verili in veyn Y haue kept alle thingis that weren of this Nabal in the deseert, and no thing perischide of alle thingis that perteyneden to hym, and he hath yolde to me yuel for good.

stylus

Proverbs 17:13, Proverbs 17:13, Ephesians 4:26, Ephesians 4:31, Romans 12:21

22The Lord do these thingis, and adde these thingis to the enemyes of Dauid, if Y schal leeue of alle thingis that perteynen to him til the morewe a pisser to the wal.

stylus

1 Samuel 20:13, 1 Kings 14:10, 1 Samuel 3:17, 1 Samuel 20:13, 1 Kings 14:10

23Sotheli whanne Abigail siy Dauid, sche hastide, and yede doun of the asse; and sche fel doun bifor Dauid on hir face, and worschipide on the erthe.

stylus

1 Samuel 20:41, 1 Samuel 20:41, Judges 1:14, Joshua 15:18, Judges 1:14

24And sche felde doun to hise feet, and seide, My lord the kyng, this wickydnesse be in me; Y biseche, speke thin handmayden in thin eeris, and here thou the wordis of thi seruauntesse;

stylus

Esther 8:3, 2 Samuel 14:9, 1 Samuel 25:28, Esther 8:3, 2 Samuel 14:9

25Y preie, my lord the kyng, sette not his herte on this wickid man Nabal, for bi his name he is a fool, and foli is with hym; but, my lord, Y thin handmayde siy not thi children, whiche thou sentist.

stylus

1 Samuel 25:17, 1 Samuel 25:17, Malachi 2:2, Malachi 2:2, 2 Samuel 13:33

26Now therfor, my lord, the Lord lyueth, and thi soule lyueth, which Lord forbeed thee, lest thou schuldist come in to blood, and he sauede thi soule to thee; and now thin enemyes, and thei that seken yuel to my lord, be maad as Nabal.

stylus

2 Samuel 18:32, 2 Samuel 18:32, Romans 12:19, Romans 12:20, Romans 12:19

27Wherfor resseyue thou this blessyng, which thin handmaide brouyte to thee, my lord, and yyue thou to the children that suen thee, my lord.

stylus

1 Samuel 30:26, Genesis 33:11, 1 Samuel 30:26, Genesis 33:11, 2 Kings 5:15

28Do thou awey the wickidnesse of thi seruauntesse; for the Lord makynge schal make a feithful hows to thee, my lord, for thou, my lord, fiytist the batels of the Lord; therfor malice be not foundun in thee in alle dais of thi lijf.

stylus

2 Samuel 7:11, 1 Samuel 18:17, 2 Samuel 7:11, 1 Samuel 18:17, 1 Chronicles 17:25

29For if a man risith ony tyme, and pursueth thee, and sekith thi lijf, the lijf of my lord schal be kept as in a bundel of lyuynge trees, at thi Lord God; forsothe the soule of thin enemyes schal be hurlid round aboute as in feersnesse, and sercle of a slynge.

stylus

Matthew 10:29, Matthew 10:30, John 17:21, Malachi 3:17, Matthew 10:29

30Therfor whanne the Lord hath do to thee, my lord, alle these goode thingis, whiche he spak of thee, and hath ordeyned thee duyk on Israel,

stylus

1 Samuel 13:14, 1 Samuel 13:14, 1 Samuel 15:28, Psalms 89:20, 1 Samuel 23:17

31this schal not be in to siyyng and in to doute of herte to thee, my lord, that thou hast sched out giltles blood, ether that thou hast vengid thee. And whanne the Lord hath do wel to thee, my lord, thou schalt haue mynde on thin handmaide, and thou schalt do wel to hir.

stylus

Genesis 40:14, Genesis 40:14, Romans 12:19, Romans 12:19, 2 Corinthians 1:12

32And Dauid seide to Abigail, Blessid be the Lord God of Israel, that sente thee to dai in to my comyng, and blessid be thi speche;

stylus

Luke 1:68, Luke 1:68, Psalms 72:18, Exodus 18:10, Genesis 24:27

33and blessid be thou, that hast forbede me, lest Y yede to blood, and vengide me with myn hond;

stylus

1 Samuel 25:26, 1 Samuel 25:26, Proverbs 9:9, Proverbs 27:21, Proverbs 25:12

34ellis the Lord God of Israel lyueth, which forbeed me, `lest Y dide yuel to thee, if thou haddist not soone come in to `metyng to me, a pissere to the wal schulde not haue left to Nabal til to the morewe liyt.

stylus

1 Samuel 25:26, 1 Samuel 11:11, 1 Samuel 25:18, Joshua 10:6, Joshua 10:9

35Therfor Dauid resseyuede of hir hond alle thingis whiche sche hadde brouyt to hym; and he seide to hir, Go thou in pees in to thin hows; lo! Y herde thi vois, and Y onouride thi face.

stylus

Genesis 19:21, 2 Kings 5:19, 1 Samuel 20:42, Genesis 19:21, 2 Kings 5:19

36Forsothe Abigail cam to Nabal; and, lo! a feeste was to him in his hows, as the feeste of a kyng; and the herte of Nabal was iocounde, for he was `drunkun greetli; and sche schewide not to hym a word litil ether greet til the morewe.

stylus

2 Samuel 13:28, Proverbs 20:1, 1 Thessalonians 5:7, 1 Thessalonians 5:8, 1 Samuel 25:19

37Forsothe in the morewtid, whanne Nabal hadde defied the wiyn, his wijf schewide to hym alle these wordis; and his herte was almest deed with ynne, and he was maad as a stoon.

stylus

Job 15:21, Job 15:22, Deuteronomy 28:28, 1 Samuel 25:22, Proverbs 23:29

38And whanne ten daies hadden passid, the Lord smoot Nabal, and he was deed.

stylus

1 Samuel 26:10, 1 Samuel 26:10, 1 Samuel 6:9, 2 Kings 19:35, Acts 12:23

39Which thing whanne Dauid hadde herd, Nabal deed, he seide, Blessid be the Lord God, that vengide the cause of my schenschip of the hond of Nabal, and kepte his seruaunt fro yuel, and the Lord yeldide the malice of Nabal in to the heed of hym. Therfor Dauid sente, and spak to Abigail, that he wolde take hir wijf to hym.

stylus

Proverbs 22:23, 1 Samuel 25:34, 1 Samuel 25:26, Proverbs 22:23, 1 Samuel 25:34

40And the children of Dauid camen to Abigail in to Carmele, and spaken to hir, and seiden, Dauid sente vs to thee, that he take thee in to wijf to hym.

stylus

Genesis 24:51, Genesis 24:51, Genesis 24:37, Genesis 24:38, Genesis 24:37

41And sche roos, and worschipide lowe to erthe, and seide, Lo! thi seruauntesse be in to an handmayde, that sche waische the feet of the seruauntis of my lord.

stylus

1 Timothy 5:10, 1 Timothy 5:10, Ruth 2:10, John 13:3, John 13:5

42And Abigail hastide, and roos, and stiede on an asse; and fyue damesels, sueris of hir feet, yeden with hir, and sche suede the messangeris of Dauid, and was maad wijf to hym.

stylus

Genesis 24:61, Genesis 24:67, Genesis 24:61, Genesis 24:67, Psalms 45:10

43But also Dauid took Achynoem of Jezrael, and euer eithir was wijf to hym;

stylus

1 Samuel 30:5, Joshua 15:56, 1 Samuel 27:3, 1 Samuel 30:5, Joshua 15:56

44forsothe Saul yaf Mycol his douytir, wijf of Dauid, to Phalti, the sone of Lais, that was of Gallym.

stylus

2 Samuel 3:14, 1 Samuel 18:27, 2 Samuel 3:14, 1 Samuel 18:27, 1 Samuel 18:20