1Forsothe Filisteis gaderiden her cumpenyes in to batel, and camen togidere in Socoth of Juda, and settiden tentis bitwixe Socoth and Azecha, in the coostis of Domyn.

stylus

Joshua 15:35, Joshua 15:35, 1 Chronicles 11:13, 1 Samuel 13:5, 2 Chronicles 28:18

2Sotheli Saul and the men of Israel weren gaderid, and camen in to the valey of Terebynte, and dressiden scheltrun to fiyte ayens Filisteis.

stylus

1 Samuel 21:9, 1 Samuel 21:9, 1 Samuel 17:19, 1 Samuel 17:19

3And Filisteis stoden aboue the hil on this part, and Israel stood on the hil on the tother part of the valey, that was bitwixe hem. And a man, `sone of a widewe, whos fadir was vncerteyn, yede out of the `castels of Filisteis, Goliath bi name of Geth, of sixe cubitis heiy and a spanne; and a brasun basynet on his heed;

stylus

5and he was clothid with `an haburioun hokid, ether mailid; forsothe the weiyte of his haburioun was fyue thousynde siclis of bras;

stylus

6and he hadde `bootis of bras in the hipis, and a `scheld of bras hilide hise schuldris.

stylus

1 Samuel 17:45, 1 Samuel 17:45, 2 Chronicles 9:15, 1 Kings 10:16, 2 Chronicles 9:15

7Forsothe `the schaft of his spere was as the beem of webbis; forsothe thilke yrun of his spere hadde sixe hundrid siclis of yrun; and his squier yede bifor hym.

stylus

2 Samuel 21:19, 2 Samuel 21:19, 1 Samuel 17:41, 1 Chronicles 11:23, 1 Samuel 17:41

8And he stood, and cried ayens the cumpenyes of armed men of Israel, and seide to hem, Why camen ye redi to batel? Whether Y am not a Filistei, and ye ben the seruauntis of Saul? Chese ye a man of you, and come he doun to syngulere batel;

stylus

1 Samuel 8:17, 1 Samuel 8:17, 1 Chronicles 21:3, 2 Samuel 11:11, 1 Samuel 17:26

9if he may fiyte with me, and sleeth me, we schulen be `seruauntis to you; forsothe if Y haue the maystry, and sle hym, ye schulen be boonde, and `ye schulen serue vs.

stylus

1 Samuel 11:1, 1 Samuel 11:1

10And `the Filistei seide, Y haue `seyd schenschip to dai to the cumpenyes of Israel; yyue ye a man, and bigynne he `synguler batel with me.

stylus

1 Samuel 17:25, 1 Samuel 17:26, 1 Samuel 17:25, 1 Samuel 17:26, 1 Samuel 17:45

11Sotheli Saul and alle men of Israel herden siche wordis of `the Filistey, and thei weren astonyed, and dredden greetli.

stylus

Joshua 1:9, Deuteronomy 31:8, Joshua 1:9, Deuteronomy 31:8, Isaiah 51:12

12Forsothe Dauid was `the sone of a man of Effrata, of whom it is `biforseid, of Bethleem of Juda, to `which man the name was Isay, which hadde eiyte sones; and `the man was eld in the daies of Saul, and of greet age among men.

stylus

Genesis 35:19, 1 Samuel 16:10, 1 Samuel 16:11, Genesis 35:19, 1 Samuel 16:10

13Sotheli thre grettere sones of Ysai yeden after Saul in to batel; and the names of hise thre sones, that yeden to batel, Heliab, the firste gendryd, and the secounde, Amynadab, and the thridde, Samma.

stylus

1 Chronicles 2:13, 1 Chronicles 2:13, 2 Samuel 21:21, 2 Samuel 13:3, 1 Samuel 17:28

14Forsothe Dauid was the leeste. Therfor while thre grettere sueden Saul, Dauid yede,

stylus

1 Samuel 16:11, 1 Samuel 16:11, Genesis 25:23, Genesis 25:23

15and turnede ayen fro Saul, that he schulde kepe the floc of his fadir in Bethleem.

stylus

1 Samuel 16:11, 1 Samuel 16:11, 1 Samuel 16:19, 1 Samuel 16:23, 1 Samuel 16:19

16Forsothe the Filistey cam forth in the morewtid, and euentid; and stood `bi fourti daies.

stylus

Matthew 4:2, Luke 4:2, Matthew 4:2, Luke 4:2

17Sotheli Ysai seide to Dauid his sone, Take thou to thi britheren meete maad of meele, the mesure of ephi, and these ten looues, and renne thou in to the castels to thi britheren;

stylus

1 Samuel 25:18, 1 Samuel 25:18, Ruth 2:14, Matthew 7:11, Luke 11:13

18and thou schalt bere to the tribune these ten `litil formes of chese; and thou schalt visite thi britheren, whether thei doon riytli, and lurne thou, with whiche men thei ben ordeyned.

stylus

Genesis 37:14, Genesis 37:14, 1 Samuel 16:20, 1 Samuel 16:20, Job 10:10

19Forsothe Saul, and thei, and alle the sones of Israel in the valei of Terebynte fouyten ayens Filisteis.

stylus

20Therfor Dauid roos eerli, and bitook the floc to the kepere, and he yede chargid, as Ysai `hadde comaundid to hym; and he cam to the place Magala, and to the oost, which oost yede out to the batel, and criede in `the batel.

stylus

1 Samuel 26:5, Luke 19:43, 1 Samuel 26:5, Luke 19:43, 1 Samuel 17:28

21For Israel hadde dressid scheltrun; `but also Filisteis weren maad redi `euen ayens.

stylus

22Therfor Dauid lefte the vessels, whiche he hadde brouyt, vndur the hond of a kepere `at the fardels, and he ran to the place of batel, and he axyde, if alle thingis weren `doon riytli anentis hise britheren.

stylus

Luke 10:5, Luke 10:6, Genesis 37:14, Matthew 10:12, Matthew 10:13

23And whanne he spak yit to hem, thilke bastard apperide, Goliath bi name, a Filistei of Geth, and stiede fro the castels of Filisteis; and `while he spak these same wordis, Dauid herde.

stylus

1 Samuel 17:8, 1 Samuel 17:10, 1 Samuel 17:8, 1 Samuel 17:10

24And whanne alle men of Israel hadden seyn `the man, thei fledden fro his face, and dredden hym greetli.

stylus

Numbers 13:33, 1 Samuel 17:11, Deuteronomy 32:30, Leviticus 26:36, Isaiah 7:2

25And ech man of Israel seide, Whether thou hast seyn this man that stiede? for he stiede to seie schenship to Israel; therfor the kyng schal make riche with greet richessis `the man that sleeth thilke Filistei; and the kyng schal yyue his douyter to that man, and schal make the hows of his fader with out `tribut in Israel.

stylus

Joshua 15:16, Joshua 15:16, Revelation 3:12, Revelation 2:7, Revelation 3:12

26And Dauyd spak to the men that stoden with hym, and seide, What schal be youun to the man that sleeth this Filistei, and doith awei schenschip fro Israel? for who is this Filistei vncircumcidid, that dispiside the scheltruns of God lyuynge?

stylus

1 Samuel 11:2, 1 Samuel 11:2, Deuteronomy 5:26, Deuteronomy 5:26, 1 Samuel 17:10

27Forsothe the puple tolde to hym the same word, and seide, These thingis schulen be youun to the man that sleeth hym.

stylus

1 Samuel 17:25, 1 Samuel 17:25

28And whanne Heliab, `his more brother, had herd this, while he spak with othere men, he was wrooth ayens Dauid, and seide, Whi camest thou, and whi `leftist thou tho fewe scheep in deseert? Y knowe thi pride, and the wewardnesse of thin herte; for thou camest doun to se the batel.

stylus

Matthew 10:36, Matthew 10:36, Genesis 37:11, Genesis 37:8, Genesis 37:4

29And Dauid seide, What haue Y do? Whether it is not a word?

stylus

1 Peter 3:9, 1 Peter 3:9, Acts 11:2, Acts 11:4, Proverbs 15:1

30And Dauid bowide a litil fro hym to another man; and Dauid seide the same word, and the puple answeride to hym al word as bifore.

stylus

1 Samuel 17:26, 1 Samuel 17:27, 1 Samuel 17:26, 1 Samuel 17:27

31Forsothe these wordis weren herd, whiche Dauid spak, and weren teld `in the siyt of Saul.

stylus

Proverbs 22:29, Proverbs 22:29

32And whanne Dauyd was brouyt to Saul, Dauyd spak to hym, The herte of ony man falle not doun for `that Filistei, Y thi seruaunt schal go, and `Y schal fiyte ayens the Filistei.

stylus

1 Samuel 16:18, 1 Samuel 16:18, Deuteronomy 20:1, Deuteronomy 20:3, Deuteronomy 20:1

33And Saul seide to Dauid, Thou maist not ayenstonde this Filistei, nether fiyte ayens hym, for thou art a child; forsothe this man is a werriour fro his yong wexynge age.

stylus

Numbers 13:31, Numbers 13:31, Deuteronomy 9:2, Revelation 13:4, Deuteronomy 9:2

34And Dauid seide to Saul, Thi seruaunt kepte `the floc of his fadir, and a lioun cam, ether a bere, and took awei a ram fro the myddis of the floc;

stylus

35Y pursuede, and killide hem, and rauyschide fro `the mouth of hem; and thei risiden ayens me, and I took the nether chaule `of hem, and Y stranglide, and killide hem.

stylus

2 Timothy 4:17, 2 Timothy 4:18, Amos 3:12, 2 Timothy 4:17, 2 Timothy 4:18

36For Y thi seruaunt killide bothe a lioun and a bere; therfor and this Filistei vncircumcidid schal be as oon of hem. Now Y schal go, and Y schal do awey the schenschip of the puple; for who is this Filistei vncircumcidid, that was hardi to curse the oost of God lyuynge?

stylus

1 Samuel 17:10, 1 Samuel 17:10, Isaiah 37:22, Isaiah 37:23, Acts 12:22

37And Dauid seide, The Lord that delyuerede me fro the `mouth of the lioun, and fro the `hond, that is, power, of the bere, he schal delyuere me fro the hond of this Filistei. Forsothe Saul seide to Dauid, Go thou, and the Lord be with thee.

stylus

2 Timothy 4:17, 2 Timothy 4:18, 2 Timothy 4:17, 2 Timothy 4:18, Psalms 138:7

38And Saul clothide Dauid with hise clothis, and puttide a brasun basynet on his heed, and clothide hym with an haburioun.

stylus

39Therfor Dauid was gird with his swerd on his cloth, and bigan to asaie if he myyte go armed; for he hadde not custom. And Dauid seide to Saul, Y may not go so, for Y haue not vss. And Dauid puttide awei tho,

stylus

Zechariah 4:6, 2 Corinthians 10:4, 2 Corinthians 10:5, Hosea 1:7, Zechariah 4:6

40and he took his staaf, which he hadde euere in the hondis. And he chees to hym fyue clereste stonys, that is, harde, pleyn, and rounde, of the stronde; and he sente tho in to the schepherdis scrippe, which he hadde with hym; and he took the slynge in the hond, and yede forth ayens the Filistei.

stylus

1 Corinthians 1:27, 1 Corinthians 1:29, 1 Corinthians 1:27, 1 Corinthians 1:29, Judges 20:16

41Sotheli the Filistei yede, `goynge and neiyyng ayens Dauid; and his squyer yede bifor hym.

stylus

42And whanne `the Filistei hadde biholde Dauid, and hadde seyn hym, he dispiside Dauid; forsothe Dauid was a yong wexynge man, rodi, and feir in siyt.

stylus

1 Samuel 16:12, 1 Samuel 16:12, 1 Samuel 17:33, Psalms 123:3, Psalms 123:4

43And `the Filistei, seide to Dauid, Whether Y am a dogge, for thou comest to me with a staf? And `the Filistei curside Dauid in hise goddis; and he seide to Dauid,

stylus

2 Samuel 3:8, 2 Samuel 9:8, 1 Samuel 24:14, 2 Samuel 3:8, 2 Samuel 9:8

44Come thou to me, and Y schal yyue thi fleischis to the `volatilis of heuene, and to the beestis of erthe.

stylus

Ezekiel 28:9, Ezekiel 28:10, Proverbs 18:12, 1 Kings 20:10, 1 Kings 20:11

45Sotheli Dauid seide to `the Filistei, Thou comest to me with swerd, and spere, and scheeld; but Y come to thee in the name of the Lord God of oostis, of God of the cumpanyes of Israel, to whiche thou seidist schenschip to dai.

stylus

2 Corinthians 10:4, 2 Corinthians 10:4, 2 Chronicles 32:8, 2 Chronicles 32:8, 2 Corinthians 3:5

46And the Lord schal yyue thee in myn hond, and Y schal sle thee, and Y schal take awey thin heed fro thee; and I schal yyue the deed bodies of the castels of Filisteis `to day to the volatils of heuene, and to the beestis of erthe; that al the erthe wite, that the Lord God is in Israel,

stylus

Isaiah 52:10, Isaiah 52:10, Joshua 4:24, Joshua 4:24, 2 Kings 19:19

47and that al this chirche knowe, that the Lord saueth not in swerd nether in spere; for the batel is his, and he schal bitake you in to oure hondis.

stylus

Psalms 44:6, Psalms 44:7, Psalms 44:6, Psalms 44:7, Zechariah 4:6

48Therfor whanne the Filistei hadde rise, and cam, and neiyede ayens Dauid, Dauid hastide, and ran to batel ayens `the Filistei.

stylus

Proverbs 28:1, Psalms 27:1, Proverbs 28:1, Psalms 27:1

49And Dauid putte his hond `in to his scrippe, and he took o stoon, and he castide with the slynge, `and ledde aboute, and smoot `the Filistei in the forheed; and the stoon was fastned in his forheed, and he felde doun in to his face on the erthe.

stylus

1 Corinthians 1:27, 1 Corinthians 1:28, 1 Corinthians 1:27, 1 Corinthians 1:28, 1 Kings 22:34

50And Dauid hadde the maistrie ayens `the Filistei `in a slyng and stoon, and he killide `the Filistei smytun. And whanne Dauid hadde no swerd in the hond,

stylus

Judges 15:15, Judges 15:15, 1 Samuel 21:9, 1 Samuel 23:21, 1 Samuel 17:39

51he ran, and stood on `the Filistei, and took his swerd; and Dauid drow out the swerd of his schethe, and `killide him, and kittide awei his heed. Forsothe the Filisteis sien, that the strongeste of hem was deed, and thei fledden.

stylus

Hebrews 11:34, 1 Samuel 21:9, Hebrews 11:34, 1 Samuel 21:9, 2 Samuel 23:21

52And the sones of Israel and of Juda risiden to gidere, and crieden, and pursueden Filisteis, `til the while thei camen in to the valei, and `til to the yate of Accaron. And woundid men of Filisteis felden in the weye of Sarym, and `til to Geth, and `til to Accaron.

stylus

Joshua 15:11, Joshua 15:11, 2 Samuel 23:10, 1 Samuel 14:21, 1 Samuel 14:22

53And the sones of Israel turneden ayen, aftir that thei hadden pursuede Filisteis, and thei assailiden `the tentis of hem.

stylus

Jeremiah 4:20, Jeremiah 30:16, 2 Kings 7:7, 2 Kings 7:16, Jeremiah 4:20

54Forsothe Dauid took the heed of `the Filistei, and brouyte it in to Jerusalem; sotheli he puttide hise armeris in the `tabernacle of the Lord.

stylus

Joshua 4:7, Joshua 4:8, Exodus 16:33, Joshua 4:7, Joshua 4:8

55Forsothe in that tyme in which Saul siy Dauid goynge out ayens `the Filistei, he seide to Abner, prince of his chiualrie, Abner, of what generacioun `cam forth this yong waxynge man? And Abner seide, Kyng, thi soule lyueth, I knowe not.

stylus

1 Samuel 16:21, 1 Samuel 16:22, 1 Samuel 16:21, 1 Samuel 16:22, 1 Samuel 17:58

56And the kyng seide, Axe thou, whos sone this child is.

stylus

57And whanne Dauid hadde come ayen, whanne `the Filistei was slayn, Abner took Dauid, and brouyte hym in, hauynge in the hond the heed of `the Filistei, `bifor Saul.

stylus

1 Samuel 17:54, 1 Samuel 17:54

58And Saul seide to hym, Of what generacioun art thou, yong waxynge man? And Dauid seide, Y am the sone of thi seruaunt, Isai of Bethleem.

stylus

1 Samuel 17:12, 1 Samuel 17:12, 1 Samuel 16:18, 1 Samuel 16:19, 1 Samuel 16:18