1And Anna worschipide, and seide, Myn herte fulli ioiede in the Lord, and myn horn is reisid in my God; my mouth is alargid on myn enemyes, for Y was glad in thin helthe.

stylus

Luke 1:46, Luke 1:56, Luke 1:46, Luke 1:56, Psalms 13:5

2Noon is hooli as the Lord is; `for noon other is, outakun thee, and noon is strong as oure God.

stylus

2 Samuel 22:32, 2 Samuel 22:32, Isaiah 44:6, Isaiah 44:6, Psalms 86:8

3Nyle ye multiplie to speke hiye thingis, and haue glorie; elde thingis go awey fro youre mouth; for God is Lord of kunnyngis, and thouytis ben maad redi to hym.

stylus

Proverbs 8:13, 1 Kings 8:39, Proverbs 8:13, 1 Kings 8:39, Proverbs 24:12

4The bouwe of strong men is ouercomun, and sijk men ben gird with strengthe.

stylus

Psalms 76:3, Psalms 37:15, Psalms 76:3, Psalms 37:15, Psalms 46:9

5Men fillid bifore settiden hem silf to hire for looues, and hungri men ben fillid; while the bareyn womman childide ful manye, and sche that hadde many sones, was sijke.

stylus

Psalms 113:9, Luke 1:53, Psalms 113:9, Luke 1:53, Jeremiah 15:9

6The Lord sleeth, and quikeneth; he ledith forth to hellis, and bryngith ayen.

stylus

Deuteronomy 32:39, Deuteronomy 32:39, Isaiah 26:19, Isaiah 26:19, 2 Kings 5:7

7The Lord makith pore, and makith riche; he makith low, and reisith.

stylus

Psalms 75:7, Psalms 75:7, Job 5:11, Job 5:11, Deuteronomy 8:17

8He reisith a nedi man fro poudur, and `he reisith a pore man fro dryt, that he sitte with princes, and holde the seete of glorie; for the endis of erthe ben of the Lord, and he hath set the world on tho.

stylus

Psalms 113:7, Psalms 113:8, Psalms 113:7, Psalms 113:8, Daniel 2:48

9He schal kepe `the feet of hise seyntis, and wickid men schulen be stille to gidere in derknessis; for a man schal not be maad strong in his owne strengthe.

stylus

Psalms 121:3, Psalms 121:3, Psalms 33:16, Psalms 33:17, Psalms 91:11

10Aduersaries of the Lord schulen drede hym, and in heuenes he schal thundre on hem; the Lord schal deme the endis of erthe, and he schal yyue lordschip to his kyng, and he schal enhaunse the horn, `that is, power, of his Crist.

stylus

Psalms 2:9, Psalms 2:9, Psalms 89:24, Psalms 89:24, Exodus 15:6

11And Helcana yede in to Ramatha, in to his hows; forsothe the child was seruaunt in the siyt of the Lord bifor the face of Ely the preest.

stylus

1 Samuel 3:1, 1 Samuel 2:18, 1 Samuel 3:1, 1 Samuel 2:18, 1 Samuel 1:28

12Forsothe the sones of Hely weren sones of Belial,

stylus

Romans 1:28, Romans 1:30, Romans 1:28, Romans 1:30, Jeremiah 2:8

13and knewen not the Lord, nether the office of preestis to the puple; but who euer hadde offrid sacrifice, the child of the preest cam, while the fleischis weren in sething, and he hadde a fleischhook with thre teeth in his hond;

stylus

Leviticus 7:29, Leviticus 7:34, Leviticus 7:29, Leviticus 7:34

14and he sente it in to the `grete vessel of stoon, ethir in to the caudrun, ethir in to the pot, ethir in to the panne; and what euer thing the fleischhook reiside, the preest took to hym silf; so thei diden to al Israel of men comynge in to Silo.

stylus

1 Samuel 2:29, Leviticus 7:34, Exodus 29:27, Exodus 29:28, Isaiah 56:11

15Yhe bifor that `the sones of Hely brenten the ynnere fatnesse, the `child of the preest cam, and seyde to the offerere, Yyue `thou fleisch to me, that Y sethe to the preest; for Y schal not take of thee sodun fleisch, but raw.

stylus

Leviticus 3:16, Leviticus 3:16, Leviticus 3:3, Leviticus 3:5, Romans 16:18

16And `the offrere seide to hym, The ynnere fatnesse be brent first to day bi the custom, and take thou to thee hou myche euer thi soule desirith. Whiche answeride, and seide to hym, Nay, for thou schalt yyue now; ellis Y schal take bi violence.

stylus

Leviticus 7:23, Leviticus 7:25, Leviticus 7:23, Leviticus 7:25, Leviticus 3:16

17Therfor the synne of the children was ful greuouse bifor the Lord; for thei withdrowen men fro the `sacrifice of the Lord.

stylus

Malachi 2:7, Malachi 2:9, Malachi 2:7, Malachi 2:9, Malachi 2:13

18`Forsothe Samuel, a child gird with a lynnun clooth, mynystride bifor the face of the Lord.

stylus

Exodus 28:4, 1 Samuel 3:1, Exodus 28:4, 1 Samuel 3:1, 1 Samuel 2:11

19And his moder made to hym a litil coote, which sche brouyte in daies ordeyned, and stiede with hir hosebonde, that he schulde offre a solempne offryng, and his auow.

stylus

1 Samuel 1:3, 1 Samuel 1:3, 1 Samuel 1:21, 1 Samuel 1:21, Exodus 23:14

20And Heli blesside Helcana and his wijf; and Heli seide `to hym, The Lord yelde to thee seed of this womman, for the yifte which thou hast youe to the Lord. And thei yeden in to her place.

stylus

1 Samuel 1:27, 1 Samuel 1:28, 1 Samuel 1:27, 1 Samuel 1:28, Luke 2:34

21Therfor the Lord visitide Anna, and sche conseyuede, and childide thre sones and twei douytris. And the child Samuel was `magnyfied at the Lord.

stylus

Genesis 21:1, Luke 2:40, Genesis 21:1, Luke 2:40, 1 Samuel 3:19

22Forsothe Hely was ful eld, and he herde alle `thingis whiche hise sones diden in al Israel, and hou thei slepten with wymmen, that awaitiden at the dore of the tabernacle.

stylus

Exodus 38:8, Exodus 38:8, 1 Samuel 2:13, 1 Samuel 2:17, 1 Samuel 2:13

23And he seide to hem, Whi doen ye siche thingis, the worste thingis whiche Y here of al the puple?

stylus

Acts 9:4, 1 Kings 1:6, Jeremiah 8:12, Jeremiah 3:3, Acts 14:15

24Nyle ye, my sones; it is not good fame, which Y here, that ye make the `puple of the Lord to do trespas.

stylus

Exodus 32:21, 1 Samuel 2:17, 2 Peter 2:18, Malachi 2:8, 1 Timothy 3:7

25If a man synneth ayens a man, God may be plesid to him; forsothe if a man synneth ayens the Lord, who schal preye for hym? And thei herden not the vois of her fadir, for God wolde sle hem.

stylus

Hebrews 10:26, 1 Samuel 3:14, Joshua 11:20, Hebrews 10:26, 1 Samuel 3:14

26Forsothe the child Samuel profitide, and encreessyde, and pleside bothe God and men.

stylus

Luke 2:52, Luke 2:52, Luke 2:40, Luke 2:40, 1 Samuel 2:21

27Sotheli a man of God cam to Hely, and seide to hym, The Lord seith these thingis, Whether Y was not schewid apertli to the hows of thi fadir, whanne he was in Egipt, in the hows of Farao?

stylus

1 Kings 13:1, Deuteronomy 33:1, Judges 13:6, Exodus 4:14, Exodus 4:16

28And Y chees hym of alle lynagis of Israel `in to preest to me, that he schulde stie to myn auter, and schulde brenne encense to me, and that he schulde bere bifor me preestis cloth; and Y yaf to `the hows of thi fadir alle thingis of the sacrifices of the sones of Israel.

stylus

Exodus 28:1, Exodus 28:1, Leviticus 8:7, Leviticus 8:8, Leviticus 8:7

29Whi hast thou cast awey with the heele my sacrifice, and my yiftis, whiche Y comaundide to be offrid in the temple; and thou onouridst more thi sones than me, that ye eeten the principal partis of ech sacrifice of `Israel, my puple?

stylus

Matthew 10:37, Matthew 10:37, Deuteronomy 32:15, Deuteronomy 32:15, 1 Samuel 2:13

30Therfor the Lord God of Israel seith these thingis, Y spekynge spak, that thin hows and `the hows of thi fadir schulde mynystre in my siyt til in to with outen ende; `now forsothe the Lord seith, Fer be this fro me; but who euere onourith me, Y schal glorifie hym; forsothe thei that dispisen me, schulen be vnnoble.

stylus

John 12:26, John 12:26, Jeremiah 18:9, Jeremiah 18:10, Jeremiah 18:9

31Lo! daies comen, and Y schal kitte awei thin arm, and the arm of the hows of thi fadir, that an eld man be not in thin hows.

stylus

1 Samuel 22:17, 1 Samuel 22:20, 1 Samuel 22:17, 1 Samuel 22:20, 1 Samuel 4:2

32And thou schalt se thin enemy in the temple, in alle prosperitees of Israel; and an eld man schal not be in thin hows in alle daies.

stylus

Zechariah 8:4, Zechariah 8:4, Psalms 78:59, Psalms 78:64, 1 Samuel 4:11

33Netheles Y schal not outerli take awei of thee a man fro myn auter, but that thin iyen faile, and thi soule faile; and greet part of thin hows schal die, whanne it schal come to mannus age.

stylus

1 Kings 2:26, 1 Kings 2:27, 1 Kings 2:26, 1 Kings 2:27, 1 Kings 1:19

34Forsothe this schal be signe, that schal come to thi twei sones Ophym and Fynees, bothe schulen die in o dai.

stylus

1 Samuel 4:11, 1 Kings 13:3, 1 Samuel 4:11, 1 Kings 13:3, 1 Samuel 4:17

35And Y schal reise to me a feithful preest, that schal do bi myn herte and my soule; and Y schal bilde to hym a feithful hows, and he schal go bifore my Crist in alle daies.

stylus

2 Samuel 7:27, 2 Samuel 7:27, 2 Samuel 7:11, 1 Kings 11:38, 2 Samuel 7:11

36Forsothe it schal come, that who euer dwellith in thin hows, he come that `me preie for him, and that he offre a peny of siluer, and a cake of breed, and seie, Y biseche, suffre thou me to o `part of the preest, that Y ete a mussel of breed.

stylus

1 Kings 2:27, 1 Kings 2:27, Malachi 1:13, Ezekiel 44:10, Ezekiel 44:12