1Forsothe Achab telde to Jezabel alle thingis whiche Elie hadde do, and how he hadde slayn by swerd alle the prophetis of Baal.

stylus

1 Kings 18:40, 1 Kings 18:40, 1 Kings 21:5, 1 Kings 21:7, 1 Kings 21:25

2And Jezabel sente a messanger to Elie, and seide, Goddis do these thingis to me, and adde these thingis, no but to morewe in this our Y schal putte thi lijf as the lijf of oon of hem.

stylus

2 Kings 6:31, 1 Kings 20:10, Ruth 1:17, 2 Kings 6:31, 1 Kings 20:10

3Therfor Elie dredde, and roos, and yede whidur euer wille bar hym; and he cam in to Bersabe of Juda, and he lefte there his child;

stylus

Genesis 21:31, Genesis 21:31, Matthew 26:56, Matthew 26:70, Matthew 26:74

4and yede in to deseert, the weie of o dai. And whanne he cam, and sat vndir o iunypere tre, he axide to his soule, that he schulde die; and he seide, Lord, it suffisith to me, take my soule; for Y am not betere than my fadris.

stylus

Jonah 4:3, Jonah 4:3, Numbers 11:15, Numbers 11:15, Jonah 4:8

5And he castide forth hym silf, and slepte in the schadewe of the iunypere tree. And lo! the aungel of the Lord touchide hym, and seide to hym, Rise thou, and ete.

stylus

Hebrews 13:5, Hebrews 13:5, Daniel 9:21, Psalms 34:10, Acts 12:7

6He bihelde, and, lo! at his heed was a loof bakun vndur aischis, and a vessel of watir. Therfor he ete, and drank, and slepte eft.

stylus

Matthew 4:11, 1 Kings 17:6, Matthew 4:11, 1 Kings 17:6, Isaiah 33:16

7And the aungel of the Lord turnede ayen the secounde tyme, and touchide hym; and `the aungel seide to hym, Rise thou, and ete; for a greet weie is to thee.

stylus

Psalms 103:13, Psalms 103:14, Psalms 103:13, Psalms 103:14, Deuteronomy 33:25

8And whanne he hadde rise, he ete, and drank; and he yede in the strengthe of that mete bi fourti dayes and fourti nyytis, `til to Oreb, the hil of God.

stylus

Exodus 34:28, Exodus 34:28, Exodus 3:1, Matthew 4:2, Deuteronomy 9:18

9And whanne he hadde come thidur, he dwellide in a denne; and lo! the word of the Lord `was maad to him, and seide to hym, Elie, what doist thou here?

stylus

1 Kings 19:13, 1 Kings 19:13, Jeremiah 2:18, Genesis 16:8, Exodus 33:21

10And he answeride, Bi feruent loue Y louede feruentli, for the Lord God of oostis; for the sones of Israel forsoken the couenaunt of the Lord; thei destrieden thin auters, and killiden bi swerd thi prophetis; and Y am left aloone, and thei seken my lijf, that thei do it awei.

stylus

1 Kings 18:4, 1 Kings 18:4, 1 Kings 18:22, Exodus 34:14, Exodus 20:5

11And he seide to Elie, Go thou out, and stonde in the hil, bifor the Lord. And lo! the Lord passith, and a greet wynde, and strong, turnynge vpsodoun hillis, and al to brekinge stonys bifor the Lord; not in the wynde ys the Lord. And aftir the wynd is a stirynge; not in the stiryng is the Lord.

stylus

Ezekiel 1:4, Ezekiel 1:4, Psalms 50:3, Psalms 50:3, Job 38:1

12And aftir the stiryng is fier; not in the fier is the Lord. And aftir the fier is the issyng of thinne wynd; there is the Lord.

stylus

Job 4:16, Job 4:16, Zechariah 4:6, Zechariah 4:6, Deuteronomy 4:33

13And whanne Elie hadde herd this, he hilide his face with a mentil, and he yede out, and stood in the dore of the denne. And a vois spak to hym, and seide, Elie, what doist thou here?

stylus

1 Kings 19:9, 1 Kings 19:9, Exodus 33:23, Isaiah 6:5, Isaiah 6:2

14And he answeride, Bi feruent loue Y louede feruentli, for the Lord God of oostis; for the sones of Israel forsoken thi couenaunt; thei distrieden thin auteris, and thei killiden bi swerd thi prophetis; and Y am left aloone, and thei seken my lijf, that thei do it awey.

stylus

Deuteronomy 29:25, Psalms 78:37, Hosea 6:7, Deuteronomy 31:20, Isaiah 62:1

15And the Lord seide to hym, Go, and turne ayen in to thi weie, bi the deseert, in to Damask; and whanne thou schalt come thidur, thou schalt anoynte Asahel kyng on Sirie;

stylus

Isaiah 45:1, Jeremiah 1:10, Isaiah 45:1, Jeremiah 1:10, 2 Kings 8:7

16and thou schalt anoynte kyng on Israel Hieu, the sone of Namsi; sotheli thou schalt anoynte prophete for thee, Elise, sone of Saphat, which is of Abelmeula.

stylus

2 Kings 9:1, 2 Kings 9:14, 1 Kings 19:19, 1 Kings 19:21, 2 Kings 9:1

17And it schal be, who euer schal fle the swerd of Asahel, Hieu schal sle hym; and who euer schal fle the swerd of Hieu, Elise schal sle hym.

stylus

2 Kings 13:22, 2 Kings 13:3, 2 Kings 8:12, 2 Kings 13:22, 2 Kings 13:3

18And Y schal leeue to me in Israel seuene thousynde of men, of whiche the knees ben not bowid bifor Baal, and ech mouth that worschipide not hym, and kisside hond.

stylus

Romans 11:4, Romans 11:5, Romans 11:4, Romans 11:5, Isaiah 1:9

19Therfor Elie yede forth fro thennus, and foond Elise, sone of Saphat, erynge in twelue yockis of oxis; and he was oon in the twelue yockis of oxys, erynge. And whanne Elie hadde come to hym, Elie castide his mentil on hym.

stylus

2 Kings 2:8, 2 Kings 2:8, 2 Kings 2:13, 2 Kings 2:14, 2 Kings 2:13

20Which ran anoon after Elie, whanne the oxis weren left, and seide, Y preie thee, kysse Y my fadir and my modir, and so Y schal sue thee. And Elie seide to hym, Go thou, and turne ayen, for Y haue do to thee that that was myn.

stylus

Matthew 8:21, Matthew 8:22, Matthew 8:21, Matthew 8:22, Luke 9:61

21`Sotheli he turnede ayen fro Elie, and took tweine oxis, and killide hem; and with the plow of oxis he sethide the fleischis, and yaf to the puple, and thei eeten; and he roos, and yede, and suede Elie, and `mynystride to hym.

stylus

2 Samuel 24:22, 2 Samuel 24:22, Luke 5:28, Luke 5:29, Exodus 24:13