1Aftir many daies the word of the Lord was maad to Elie, in the thridde yeer, and seide, Go, and schewe thee to Achab, that Y yyue reyn on the face of erthe.

stylus

Luke 4:25, Luke 4:25, James 5:17, James 5:17, Deuteronomy 28:12

2Therfor Elie yede to schewe hym silf to Achab; forsothe greet hungur was in Samarie.

stylus

2 Kings 6:25, Deuteronomy 28:23, Deuteronomy 28:24, Proverbs 28:1, Joel 1:15

3And Achab clepide Abdie, dispendere, ether stiward, of his hows; forsothe Abdie dredde greetli the Lord God of Israel.

stylus

Nehemiah 7:2, Nehemiah 7:2, Matthew 10:28, 1 Kings 16:9, Matthew 10:28

4For whanne Jezabel killide the prophetis of the Lord, he took an hundrid prophetis, and hidde hem, bi fifties and fifties, in dennes, and fedde hem with breed and watir.

stylus

1 Kings 18:13, 1 Kings 18:13, Matthew 10:40, Matthew 10:42, Matthew 10:40

5Therfor Achab seide to Abdie, Go thou in to the lond, to alle wellis of watris, and in to alle valeis, if in hap we moun fynde gras, and saue horsis and mulis; and werk beestis perische not outirli.

stylus

Jeremiah 14:5, Jeremiah 14:6, Joel 1:18, Jeremiah 14:5, Jeremiah 14:6

6Therfor thei departiden the cuntreis to hem silf, that thei schulden cumpasse tho; Achab yede bi o weye, and Abdie yede bi another weie, `bi hym silf.

stylus

Jeremiah 14:3, Jeremiah 14:3

7And whanne Abdie was in the weie, Elie mette hym; and whanne he hadde knowe Elie, he felde on his face, and seide, Whethir thou art my lord Elie?

stylus

2 Kings 1:6, 2 Kings 1:8, 2 Kings 1:6, 2 Kings 1:8, Isaiah 60:14

8To whom he answeride, Y am. And Elie seide, Go thou, and seie to thi lord, Elie is present.

stylus

1 Kings 18:3, Romans 13:7, 1 Peter 2:17, 1 Peter 2:18, 1 Kings 18:3

9And Abdie seide, What `synnede Y, for thou bitakist me in the hond of Achab, that he sle me?

stylus

Exodus 5:21, 1 Kings 17:18, 1 Kings 18:12, Exodus 5:21, 1 Kings 17:18

10Thi Lord God lyueth, for no folk ethir rewme is, whidur my lord, sekynge thee, sente not; and whanne alle men answeriden, He is not here, he chargide greetli alle rewmes and folkis, for thou were not foundun; and now thou seist to me,

stylus

1 Kings 17:1, 1 Kings 17:1, Psalms 10:2, Psalms 31:20, 1 Kings 1:29

11Go, and seie to thi lord, Elie is present.

stylus

1 Kings 18:8, 1 Kings 18:14, 1 Kings 18:8, 1 Kings 18:14

12And whanne Y schal departe fro thee, the Spirit of the Lord schal bere thee awey in to a place which Y knowe not; and Y schal entre, and `Y schal telle to Achab, and he schal not fynde thee, and he schal sle me; forsothe thi seruaunt dredith the Lord fro his yong childhod.

stylus

Acts 8:39, 2 Kings 2:16, Acts 8:39, 2 Kings 2:16, Ezekiel 8:3

13Whether it is not schewid to thee, my lord, what Y dide, whanne Jesabel killide the prophetis of the Lord, that Y hidde of the prophetis of the Lord an hundrid men, bi fifty and bi fifti, in dennes, and Y fedde hem with breed and watir?

stylus

1 Kings 18:4, 1 Kings 18:4, Matthew 25:35, Matthew 25:35, Acts 20:34

14And now thou seist, Go, and seie to thi lord, Elie is present, that he sle me.

stylus

Matthew 10:28, Matthew 10:28

15And Elie seide, The Lord of oostis lyueth, bifor whos siyt Y stonde, for to dai Y schal appere to hym.

stylus

1 Kings 17:1, 1 Kings 17:1, 1 Kings 18:10, 1 Kings 18:10, Hebrews 6:16

16Therfor Abdie yede in to the metyng of Achab, and schewide to hym; and Achab cam in to the meetyng of Elie.

stylus

17And whanne he hadde seyn Elie, he seide, Whether thou art he, that disturblist Israel?

stylus

Joshua 7:25, Joshua 7:25, 1 Kings 21:20, 1 Kings 21:20, Acts 17:6

18And he seide, Not Y disturble Israel, but thou, and the hows of thi fadir, whiche han forsake the comaundementis of the Lord, and sueden Baalym, `disturbliden Israel.

stylus

2 Chronicles 15:2, 2 Chronicles 15:2, 1 Kings 9:9, 1 Kings 9:9, Jeremiah 2:19

19Netheles now sende thou, and gadere to me al Israel, in the hil of Carmele, and foure hundrid and fifti prophetis of Baal, and foure hundrid prophetis of woodis, that eten of the table of Jezabel.

stylus

Joshua 19:26, 1 Kings 16:33, Joshua 19:26, 1 Kings 16:33, 2 Kings 2:25

20Achab sente to alle the sones of Israel, and gaderide prophetis in the hil of Carmele.

stylus

1 Kings 22:9, 1 Kings 22:9

21Forsothe Elie neiyede to al the puple of Israel, and seide, Hou long halten ye in to twey partis? If the Lord is God, sue ye hym; forsothe if Baal is God, sue ye hym. And the puple answeride not o word to hym.

stylus

Matthew 6:24, Matthew 6:24, Joshua 24:15, Joshua 24:15, 1 Corinthians 10:21

22And Elie seide eft to the puple, Y dwellide aloone a prophete of the Lord; sotheli the prophetis of Baal ben foure hundrid and fifti, and the prophetis of woodis ben foure hundrid men.

stylus

1 Kings 19:10, 1 Kings 19:10, 1 Kings 19:14, 1 Kings 19:14, 1 Kings 20:38

23Tweyne oxis be youun to us; and chese thei oon oxe, and thei schulen kitte in to gobetis, and schulen putte on trees, but putte thei not fier vndur; and Y schal make the tother oxe in to sacrifice, and Y schal putte on the trees, and Y schal not putte fier vnder.

stylus

24Clepe ye the name of youre goddis, and Y schal clepe the name of my God; and the God that herith bi fier, be he God. And al the puple answeride, and seide, The resoun is best, `which resoun Elie spak.

stylus

1 Kings 18:38, 1 Kings 18:38, 1 Chronicles 21:26, 1 Chronicles 21:26, 2 Chronicles 7:3

25Therfor Elie seide to the prophetis of Baal, Chese ye oon oxe to you, and make ye first, for ye ben the mo; and clepe ye the names of youre goddis, and putte ye not fier vnder.

stylus

26And whanne thei hadden take the oxe, whom Elie yaf to hem, thei maden sacrifice, and clepiden the name of Baal, fro the morewtid `til to myddai, and seiden, Baal, here vs! And no vois was, nether ony that answerd; and thei skippiden ouer the auter, which thei hadden maad.

stylus

Jeremiah 10:5, Jeremiah 10:5, Matthew 6:7, 1 Corinthians 8:4, 1 Corinthians 12:2

27And whanne it was thanne myddai, Elie scornede hem, and seide, Crie ye with gretter vois, for Baal is youre god, and in hap he spekith with an other, ethir he is in a herborgerie, ether in weie, ether certis he slepith, that he be reisid.

stylus

Psalms 78:65, Psalms 78:66, Isaiah 41:23, Psalms 78:65, Psalms 78:66

28Therfor thei crieden with greet vois, and thei kerueden hem silf with knyues and launcetis, bi her custom, til thei weren bisched with blood.

stylus

Leviticus 19:28, Leviticus 19:28, Deuteronomy 14:1, Deuteronomy 14:1, Mark 5:5

29Sotheli after that mydday passide, and while thei prophesieden, the tyme cam, in which the sacrifice is wont to be offrid, nether vois was herd `of her goddis, nether ony answeride, nether perceyuede hem preiynge.

stylus

Galatians 4:8, 1 Kings 22:12, Exodus 29:41, 1 Samuel 18:10, 1 Corinthians 11:4

30Elie seide to al the puple, Come ye to me. And whanne the puple cam to him, he arrayede the auter of the Lord, that was distried.

stylus

2 Chronicles 33:16, 2 Chronicles 33:16, 1 Kings 19:14, 1 Kings 19:14, 1 Kings 19:10

31And he took twelue stonys, bi the noumbre of lynagis of sones of Jacob, to which Jacob the word of the Lord was maad, and seide, Israel schal be thi name.

stylus

2 Kings 17:34, 2 Kings 17:34, Genesis 32:28, Genesis 35:10, Genesis 32:28

32And he bildide an auter of stonys, in the name of the Lord, and he made a ledyng to of watir, `ether a dich, as bi twei litle dichis in the cumpas of the auter.

stylus

Colossians 3:17, Colossians 3:17, Exodus 20:24, Exodus 20:25, Exodus 20:24

33And he dresside trees, and he departide the oxe bi membris, and puttide on the trees,

stylus

Genesis 22:9, Genesis 22:9, Leviticus 1:6, Leviticus 1:8, Judges 6:20

34and seide, Fille ye foure pottis with watir, and schede ye on the brent sacrifice, and on the trees. And eft he seide, Also the secounde tyme do ye this. `And thei diden the secounde tyme. And he seide, Do ye the same thing the thridde tyme; and thei diden the thridde tyme.

stylus

2 Corinthians 8:21, 2 Corinthians 4:2, 2 Corinthians 8:21, 2 Corinthians 4:2

35And the watris runnen aboute the auter, and the dich of ledyng to `of watir was fillid.

stylus

1 Kings 18:38, 1 Kings 18:32, 1 Kings 18:38, 1 Kings 18:32

36And whanne the tyme was thanne, that the brent sacrifice schulde be offrid, Elye the prophete neiyede, and seide, Lord God of Abraham, of Isaac, and of Israel, schewe thou to dai that thou art God of Israel, and that Y am thi seruaunt, and haue do alle these wordis bi thi comaundement.

stylus

1 Kings 18:29, 1 Kings 18:29, 2 Kings 19:19, Exodus 3:6, 2 Kings 19:19

37Lord, here thou me; Lord, here thou me; that this puple lerne, that thou art the Lord God, and that thou hast conuertid eft the herte of hem.

stylus

Daniel 9:17, Daniel 9:19, Daniel 9:17, Daniel 9:19, Luke 1:16

38Sotheli fier of the Lord felde doun, and deuouride brent sacrifice, and trees, and stonus, and lickide vp also the poudre, and the water that was in the `leding of water.

stylus

Leviticus 9:24, Leviticus 9:24, 1 Chronicles 21:26, 1 Chronicles 21:26, 2 Chronicles 7:1

39And whanne al the puple hadde seyn this, it felde in to his face, and seide, The Lord he is God; the Lord he is God.

stylus

1 Kings 18:24, 1 Kings 18:24, 2 Chronicles 7:3, 2 Chronicles 7:3, 1 Kings 18:21

40And Elie seide to hem, Take ye the prophetis of Baal; not oon sotheli ascape of hem. And whanne thei hadden take hem, Elie ledde hem to the stronde of Cison, and killide hem there.

stylus

Deuteronomy 18:20, Judges 4:7, Deuteronomy 18:20, Judges 4:7, Deuteronomy 13:5

41And Elie seide to Achab, Stie thou, ete, and drynke, for the sown of myche reyn is.

stylus

1 Kings 18:1, 1 Kings 18:1, Ecclesiastes 9:7, 1 Kings 17:1, Ecclesiastes 9:7

42Achab stiede to ete and drynke; forsothe Elie stiede in to the hil of Carmele, and he settide lowli his face to the erthe, bitwixe hise knees;

stylus

Luke 6:12, Joshua 7:6, Genesis 24:52, Isaiah 38:2, Daniel 9:3

43and seide to his child, Stie thou, and biholde ayens the see. And whanne he hadde stied, and hadde biholde, he seide, No thing is. And eft Elie seide to hym, Turne thou ayen bi seuene tymes.

stylus

Habakkuk 2:3, Habakkuk 2:3, Hebrews 10:36, Hebrews 10:37, Ephesians 6:18

44Sotheli in the seuenthe tyme, lo! a litil cloude as the step of a man stiede fro the see. And Elie seide, Stie thou, and seie to Achab, Ioyne thi chare, and go doun, lest the reyn byfor ocupie thee.

stylus

Luke 12:54, Luke 12:54, Job 8:7, Job 8:7, Micah 1:13

45And whanne thei turneden hem hidur and thidur, lo! heuenes weren maad derk, and cloud, and wynd, and greet reyn was maad. Therfor Achab stiede, and yede in to Jezrael;

stylus

1 Kings 21:23, Joshua 19:18, Joshua 17:16, 1 Kings 21:1, 2 Kings 9:16

46and the hond of the Lord was maad on Elie, and whanne the leendis weren gird, he ran bifor Achab, til he cam in to Jezrael.

stylus

Ezekiel 1:3, Ezekiel 3:14, Ezekiel 1:3, Ezekiel 3:14, 2 Kings 3:15