1Forsothe Benadab, kyng of Sirye, gaderide al his oost, and two and thritti kyngis with hym, and horsis, and charis; and he stiede ayens Samarie, and fauyt, and bisegide it.

stylus

1 Kings 15:18, 1 Kings 15:18, 1 Kings 15:20, 1 Kings 22:31, 1 Kings 15:20

2And he sente messangeris to Achab, kyng of Israel, in to the citee,

stylus

Isaiah 37:9, Isaiah 37:10, 2 Kings 19:9, Isaiah 36:2, Isaiah 36:22

3and seide, Benadab seith these thingis, Thi siluer and thi gold is myn, and thi wyues, and thi beste sones ben myn.

stylus

Exodus 15:9, Exodus 15:9, Isaiah 10:13, Isaiah 10:14, Isaiah 10:13

4And the kyng of Israel answeride, Bi thi word, my lord the kyng, Y am thin, and alle my thingis `ben thine.

stylus

Deuteronomy 28:48, Judges 15:11, Judges 15:13, 2 Kings 18:14, 2 Kings 18:16

5And the messangeris turneden ayen, and seiden, Benadab, that sente vs to thee, seith these thingis, Thou schalt yyue to me thi siluer, and thi gold, and thi wyues, and thi sones.

stylus

6Therfor to morewe, in this same our, Y schal sende my seruauntis to thee, and thei schulen seke thin hows, and the hows of thi seruauntis; and thei schulen putte in her hondis, and take awey al thing that schal plese hem.

stylus

Isaiah 44:9, 1 Samuel 13:19, 1 Samuel 13:21, Jeremiah 25:34, 2 Samuel 24:14

7Forsothe the kyng of Israel clepide alle the eldere men of the lond, and seide, Perseyue ye, and se, that he settith tresoun to vs; for he sente to me for my wyues, and sones, and for siluer, and gold, and Y forsook not.

stylus

2 Kings 5:7, 2 Kings 5:7, Proverbs 24:2, Romans 3:13, Romans 3:18

8And alle the gretter men in birthe, and al the puple seiden to hym, Here thou not, nether assente thou to hym.

stylus

9And he answeride to the messangeris of Benadab, Seie ye to my lord the kyng, Y schal do alle thingis, for whiche thou sentist in the bigynnyng to me, thi seruaunt; forsothe Y may not do this thing.

stylus

10And the messangeris turneden ayen, and telden alle thingis to hym. Which sente ayen, and seide, Goddis do these thingis to me, and adde these thingis, if the dust of Samarie schal suffice to the fistis of al the puple that sueth me.

stylus

1 Kings 19:2, 1 Kings 19:2, Exodus 11:8, Exodus 11:8, Isaiah 37:24

11And the kyng of Israel answeride, and seide, Seie ye to hym, A gird man, `that is, he that goith to batel, haue not glorie euenli as a man vngird.

stylus

Proverbs 27:1, Proverbs 27:1, Ecclesiastes 9:11, 1 Samuel 17:44, 1 Samuel 17:47

12Forsothe it was doon, whanne Benadab hadde herd this word, he drank, and the kyngis, in schadewyng places; and he seide to hise seruauntis, Cumpasse ye the citee.

stylus

1 Kings 16:9, 1 Kings 16:9, Proverbs 31:4, Proverbs 31:5, 1 Kings 20:16

13And thei cumpassiden it. And lo! o prophete neiyede to Acab, kyng of Israel, and seide to hym, The Lord God seith these thingis, Certis thou hast seyn al this multitude ful greet; lo! Y schal bitake it in to thin hond to dai, that thou wite that Y am the Lord.

stylus

1 Kings 20:28, 1 Kings 20:28, Ezekiel 20:22, Ezekiel 20:22, Isaiah 37:20

14And Achab seide, Bi whom? And he seide to Achab, The Lord seith these thingis, Bi the squyeris of the princes of prouynces. And Achab seide, Who schal bigynne to fiyte? And the prophete seide, Thou.

stylus

1 Kings 18:44, 1 Samuel 17:50, Genesis 14:14, Genesis 14:16, Judges 7:16

15Therfor he noumbryde the children of the princes of prouynces, and he foond the noumbre of twei hundrid and two and thretti; and aftir hem he noumbride the puple, alle the sones of Israel, seuene thousynde.

stylus

2 Chronicles 14:11, 1 Samuel 14:2, Judges 7:16, 1 Samuel 14:6, Judges 7:7

16And thei yeden out in myddai. Forsothe Benadab drank, and was drunkun in his schadewyng place, and two and thretti kyngis with hym, that camen to the help of hym.

stylus

Hosea 4:11, 1 Kings 16:7, 1 Kings 16:9, 1 Kings 20:11, 1 Kings 20:12

17Sotheli the children of princes of prouynces yeden out in the firste frount. Therfor Benadab sente men, whiche telden to hym, and seide, Men yeden out of Samarie.

stylus

1 Kings 20:14, 1 Kings 20:15, 1 Kings 20:19, 1 Kings 20:14, 1 Kings 20:15

18And he seide, Whether thei comen for pees, take ye hem quyke; whether to fiyte, take ye hem quyke.

stylus

2 Kings 14:8, 2 Kings 14:12, 2 Kings 14:8, 2 Kings 14:12, 1 Samuel 17:44

19Therfor the children of prynces of prouynces yeden out,

stylus

20and the residue oost suede; and ech smoot the man that cam ayens hym. And men of Sirie fledden, and Israel pursuede hem; also Benadab, kyng of Sirie, fledde on an hors with his kniytis.

stylus

Judges 7:20, Judges 7:22, 1 Samuel 30:16, 1 Samuel 30:17, Psalms 46:6

21Also the king of Israel yede out, and smoot horsis and charis, and he smoot Sirie with a ful greet veniaunce.

stylus

Judges 7:23, Judges 7:25, 2 Kings 3:18, 1 Samuel 17:52, Judges 3:28

22Forsothe a prophete neiyede to the kyng of Israel, and seide, Go thou, and be coumfortid, and wyte, and se, what thou schalt do; for the kyng of Sirie schal stie ayens thee in the yeer suynge.

stylus

1 Kings 20:26, 2 Samuel 11:1, 1 Kings 20:26, 2 Samuel 11:1, 1 Kings 20:13

23Sotheli the seruauntis of the kyng of Sirie seiden to hym, The Goddis of hillis ben the Goddis of the sones of Israel, therfor thei ouercamen vs; but it is betere that we fiyte ayens hem in feeldi placis, and we schulen geet hem.

stylus

1 Kings 14:23, 1 Kings 14:23, 2 Kings 19:12, 1 Kings 20:28, Psalms 50:21

24Therfor do thou this word; remoue thou alle kyngis fro thin oost, and sette thou princis for hem;

stylus

1 Kings 22:31, Proverbs 21:30, 1 Kings 22:31, Proverbs 21:30, 1 Kings 20:1

25and restore thou the noumbre of knyytis, that felden of thine, and horsis bi the formere horsis, and restore thou charis, bi the charis whiche thou haddist bifore; and we schulen fiyte ayens hem in feeldy places, and thou schalt se, that we schulen gete hem. He bileuyde to the counsel of hem, and dide so.

stylus

Psalms 10:3, Psalms 10:3

26Therfor after that the yeer hadde passid, Benadab noumbride men of Sirie, and he stiede in to Affech, to fiyte ayens Israel.

stylus

2 Kings 13:17, 2 Kings 13:17, 1 Kings 20:22, 1 Kings 20:22, 1 Kings 20:30

27Forsothe the sones of Israel weren noumbrid; and whanne meetis weren takun, thei yeden forth euene ayens, and thei, as twey litle flockis of geet, settiden tentis ayens men of Sirie. Forsothe men of Sirie filliden the erthe.

stylus

Judges 6:5, 1 Samuel 13:5, 1 Samuel 13:8, Judges 6:5, 1 Samuel 13:5

28And o prophete of God neiyede, and seide to the kyng of Israel, The Lord God seith these thingis, For men of Sirie seiden, God of hillis is the Lord of hem, and he is not God of valeis, Y schal yyue al this greet multitude in thin hond, and ye schulen wite that Y am the Lord.

stylus

1 Kings 20:13, 1 Kings 20:13, 1 Kings 17:18, 1 Kings 17:18, Ezekiel 36:21

29In seuene daies these and thei dressiden scheltruns euene ayens; forsothe in the seuenthe dai the batel was joyned togidere, and the sones of Israel smytiden of men of Syrie an hundrid thousynde of foot men in o dai.

stylus

Psalms 10:16, Isaiah 37:36, Joshua 6:15, 1 Samuel 17:16, 2 Chronicles 13:17

30Forsothe thei that leften fledden in to the citee of Affech, and the wal felde doun on seuene and twenti thousynde of men that leften. Forsothe Benadab fledde, and entride in to the citee, in to a closet that was with ynne a closet;

stylus

2 Chronicles 18:24, 1 Kings 22:25, 2 Chronicles 18:24, 1 Kings 22:25, 1 Kings 20:26

31and hise seruauntis seiden to him, We herden that the kyngis of the hows of Israel ben merciful, therfor putte we sackis in oure leendis, and cordis in oure heedis, and go we out to the kyng of Israel; in hap he schal saue oure lyues.

stylus

Genesis 37:34, 2 Samuel 3:31, Genesis 37:34, 2 Samuel 3:31, 1 Kings 20:23

32Thei girdiden her leendis with sackis, and puttiden coordis in her heedis, and thei camen to the kyng of Israel, and seiden to hym, Thi seruaunt Benadab seith, Y preye thee, lete `my soule lyue. And he seide, If Benadab lyueth yit, he is my brother.

stylus

1 Kings 20:3, 1 Kings 20:6, 1 Kings 20:3, 1 Kings 20:6, Obadiah 1:3

33Which thing the men of Sirie token for a graciouse word, and rauyschiden hastily the word of his mouth, and seiden, Thi brother Benadab lyueth. And Achab seide to hem, Go ye, and brynge ye hym to me. Therfor Benadab yede out to hym, and he reiside Benadab in to his chare.

stylus

Luke 16:8, Proverbs 25:13, Acts 8:31, 2 Kings 10:15, Luke 16:8

34`Which Benadab seide to hym, Y schal yelde the citees whiche my fadir took fro thi fadir, and make thou stretis to thee in Damask, as my fadir made in Samarie; and Y schal be boundun to pees, and Y schal departe fro thee. Therfor he made boond of pees, and delyuerede hym.

stylus

1 Kings 15:20, 1 Kings 15:20, Isaiah 26:10, 1 Kings 20:42, Isaiah 26:10

35Thanne sum man of the sones of prophetis seide to his felowe, in the word of the Lord, Smyte thou me. And he nolde smyte.

stylus

2 Kings 2:15, 1 Kings 13:17, 1 Kings 13:18, 2 Kings 2:15, 1 Kings 13:17

36To `whiche felowe he seide, For thou noldist here the vois of the Lord, lo! thou schalt go fro me, and a lioun schal smyte thee. And whanne he hadde go a litil fro hym, a lioun foond hym, and slowy hym.

stylus

1 Kings 13:21, 1 Kings 13:24, 1 Kings 13:26, 1 Samuel 15:22, 1 Samuel 15:23

37But also the prophete foond another man, and he seide to that man, Smyte thou me. Which smoot him, and woundide him.

stylus

1 Kings 20:35, Exodus 21:12, 1 Kings 20:35, Exodus 21:12

38Therfor the prophete yede, and mette the kyng in the weie; and he chaungide his mouth and iyen, by sprynging of dust.

stylus

1 Kings 14:2, 1 Kings 14:2, 2 Samuel 14:2, Matthew 6:16, 1 Kings 22:30

39And whanne the kyng hadde passid, he criede to the kyng, and seide, Thi seruaunt yede out to fiyte anoon, and whanne o man hadde fledde, sum man brouyte hym to me, and seide, Kepe thou this man; and if he aschapith, thi lijf schal be for his lijf, ether thou schalt paye a talent of siluere.

stylus

2 Kings 10:24, 2 Kings 10:24, Proverbs 13:8, Proverbs 6:35, 1 Kings 20:42

40Sotheli while Y was troblid, and turnede me hidur and thidur, sodeynly he apperide not. And the kyng of Israel seide to hym, This is thi doom which thou hast demed.

stylus

Job 15:6, Matthew 25:24, Matthew 25:27, Luke 19:22, 2 Samuel 12:5

41And anoon he wipide awey the dust fro his face, and the kyng of Israel knew him, that he was of the prophetis.

stylus

1 Kings 20:38, Job 2:8, 2 Samuel 13:19, Jeremiah 6:26, 1 Kings 20:38

42Which seide to the kyng, The Lord seith these thingis, For thou deliueridist fro thin hond a man worthi the deeth, thi lijf schal be for his lijf, and thi puple `schal be for his puple.

stylus

1 Kings 22:31, 1 Kings 22:37, 1 Kings 22:31, 1 Kings 22:37, 2 Chronicles 18:33

43Therfor the kyng of Israel turnede ayen in to his hows, and dispiside to here, and cam wod in to Samarie.

stylus

1 Kings 21:4, 1 Kings 21:4, Esther 5:13, Esther 6:12, Esther 6:13