1Israel, nyle thou be glad, nyle thou make ful out ioie as puplis; for thou hast do fornicacioun fro thi God. Thou louedist meede on alle the cornflooris of wheete.

stylus

Jeremiah 8:21, Jeremiah 8:22, Jeremiah 13:17, Isaiah 22:4, Jeremiah 8:21

2The cornfloor and pressour schal not feede hem, and wyn schal lie to hem.

stylus

Jeremiah 5:7, Jeremiah 5:8, Jeremiah 23:10, Jeremiah 5:7, Jeremiah 5:8

3Thei schulen not dwelle in the lond of the Lord. Effraym turnede ayen in to Egipt, and eet defoulid thing among Assiriens.

stylus

Jeremiah 9:8, Jeremiah 9:8, Jeremiah 4:22, Judges 2:10, Romans 3:13

4Thei schulen not offre wyn to the Lord, and thei schulen not plese hym. The sacrificis of hem ben as breed of mourneris; alle that schulen ete it schulen be defoulid. For the breed of hem is to the lijf of hem; thei schulen not entre in to the hous of the Lord.

stylus

Micah 7:5, Micah 7:6, Micah 7:5, Micah 7:6, Jeremiah 6:28

5What schulen ye do in the solempne dai, in the dai of the feeste of the Lord?

stylus

Micah 6:12, Isaiah 57:10, Job 15:5, Habakkuk 2:13, Isaiah 59:13

6For lo! thei ben goon out fro distriyng. Egipt schal gadere hem togidere, Memphis schal birie hem. A nettle schal enherite the desirable siluer of hem, a clote schal be in the tabernaclis of hem.

stylus

Jeremiah 13:10, Jeremiah 13:10, Romans 1:28, Jeremiah 20:10, Job 21:14

7Daies of visitacioun ben comun, daies of yeldyng ben comun. Knowe ye, that Israel is a fool, a wood profete, a spiritual man, for the multitude of thi wickidnesse is also the multitude of woodnesse.

stylus

Isaiah 1:25, Isaiah 1:25, Jeremiah 6:27, Malachi 3:3, Isaiah 48:10

8The biholdere of Effraym with my God is a profete; a snare of fallyng is maad now on alle the weies of hym, woodnesse is in the hous of his God.

stylus

Psalms 28:3, Psalms 28:3, Proverbs 26:24, Proverbs 26:26, Proverbs 26:24

9Thei synneden deepli, as in the daies of Gabaa. The Lord schal haue mynde on the wickidnesse of hem, and schal visite the synnes of hem.

stylus

Jeremiah 5:9, Jeremiah 5:29, Jeremiah 5:9, Jeremiah 5:29, Isaiah 1:24

10Y foond Israel as grapis in desert, Y siy the fadris of hem as the firste applis of a fige tree, in the cop therof; but thei entriden to Belfegor, and weren alienyd in confusioun, and thei weren maad abhomynable as tho thingis whiche thei louyden.

stylus

Jeremiah 12:4, Jeremiah 12:4, Hosea 4:3, Hosea 4:3, Jeremiah 7:29

11Effraym as a brid fley awei; the glorye of hem is of childberyng, and of the wombe, and of conseyuyng.

stylus

Isaiah 25:2, Isaiah 25:2, Jeremiah 10:22, Jeremiah 51:37, Isaiah 13:22

12That if thei nurschen her sones, Y schal make hem with out children among men. But also wo to hem, whanne Y schal go awei fro hem.

stylus

Hosea 14:9, Hosea 14:9, Psalms 107:43, Psalms 107:43, Deuteronomy 32:29

13Y siy that Effraym was as Tire, foundid in fairnesse; and Effraym schal lede out hise sones to the sleere.

stylus

2 Chronicles 7:19, 2 Chronicles 7:19, Jeremiah 22:9, Jeremiah 22:9, Ezra 9:10

14Lord, yyue thou to hem; what schalt thou yyue to hem? yyue thou to hem a wombe with out children, and drie tetis.

stylus

Jeremiah 7:24, Jeremiah 3:17, Jeremiah 7:24, Jeremiah 3:17, 1 Peter 1:18

15Alle the wickidnessis of hem ben in Galgal, for there Y hadde hem hateful; for the malice of her fyndyngis. Y schal caste hem out of myn hous; Y schal not leie to, that Y loue hem. Alle the princes of hem goen awei.

stylus

Jeremiah 8:14, Jeremiah 8:14, Psalms 80:5, Lamentations 3:15, Psalms 80:5

16Effraym is smyten, the roote of hem is dried vp; thei schulen not make fruyt. That thouy thei gendren, Y schal sle the moost louyd thingis of her wombe.

stylus

Deuteronomy 28:64, Leviticus 26:33, Ezekiel 5:2, Ezekiel 5:12, Deuteronomy 28:64

17My God schal caste hem awey, for thei herden not hym; and thei schulen be of vnstable dwellyng among naciouns.

stylus

Amos 5:16, Amos 5:17, Amos 5:16, Amos 5:17, Ecclesiastes 12:5