1And so Isaac clepide Jacob, and blesside hym, and comaundide to hym, and seide, Nyle thou take a wijf of the kyn of Canaan; but go thou,

stylus

Genesis 24:3, Genesis 24:3, Genesis 28:3, Genesis 28:4, Genesis 27:46

2and walke forth in to Mesopotanye of Sirie, to the hows of Batuel, fadir of thi modir, and take to thee of thennus a wijf of the douytris of Laban, thin vncle.

stylus

Genesis 25:20, Genesis 25:20, Hosea 12:12, Hosea 12:12, Genesis 35:9

3Sotheli Almyyti God blesse thee, and make thee to encreesse, and multiplie thee, that thou be in to cumpanyes of puplis;

stylus

Genesis 48:3, Genesis 48:3, Genesis 35:11, Genesis 35:11, Genesis 9:1

4and God yyue to thee the blessyngis of Abraham, and to thi seed aftir thee, that thou welde the lond of thi pilgrymage, which he bihiyte to thi grauntsir.

stylus

Galatians 3:14, Galatians 3:14, Genesis 12:7, Genesis 12:7, Ephesians 1:3

5And whanne Ysaac hadde left hym, he yede forth, and cam in to Mesopotanye of Sirie, to Laban, the sone of Batuel of Sirie, the brother of Rebecca, his modir.

stylus

6Forsothe Esau seiy that his fadir hadde blessid Jacob, and hadde sent him in to Mesopotanye of Sirie, that he schulde wedde a wijf of thennus, and that aftir the blessyng he comaundide to Jacob, and seide, Thou schalt not take a wijf of the douytris of Canaan;

stylus

Genesis 27:33, Genesis 28:1, Genesis 27:33, Genesis 28:1

7and that Jacob obeiede to his fadir `and modir, and yede in to Sirie;

stylus

Proverbs 30:17, Ephesians 6:3, Colossians 3:20, Leviticus 19:3, Exodus 20:12

8also Esau preuyde that his fadir bihelde not gladli the douytris of Canaan.

stylus

Genesis 24:3, Genesis 24:3, Genesis 26:34, Genesis 26:35, Genesis 26:34

9And he yede to Ismael, and weddide a wijf, with out these whiche he hadde bifore, Melech, the douyter of Ismael, sone of Abraham, the sistir of Nabaioth.

stylus

Genesis 36:3, Genesis 36:3, Genesis 25:13, Genesis 25:17, Genesis 36:13

10Therfor Jacob yede out of Bersabee, and yede to Aran.

stylus

Genesis 11:31, Genesis 32:10, Acts 7:2, Genesis 11:31, Genesis 32:10

11And whanne he hadde come to sum place, and wolde reste ther inne aftir the goynge doun of the sunne, he took of the stoonus that laien ther, and he puttide vndur his heed, and slepte in the same place.

stylus

Genesis 28:18, 2 Corinthians 1:5, Matthew 8:20, Genesis 28:18, 2 Corinthians 1:5

12And he seiye in sleep a laddir stondynge on the erthe, and the cop ther of touchinge heuene; and he seiy Goddis aungels stiynge vp and goynge doun ther bi,

stylus

John 1:51, John 1:51, Genesis 32:1, Genesis 32:2, Numbers 12:6

13and the Lord fastned to the laddir, seiynge to hym, Y am the Lord God of Abraham, thi fadir, and God of Isaac; Y schal yyue to thee and to thi seed the lond in which thou slepist.

stylus

Genesis 13:15, Genesis 13:15, Genesis 35:12, Genesis 48:3, Genesis 35:12

14And thi seed schal be as the dust of erthe, thou schalt be alargid to the eest, and west, and north, and south; and alle lynagis of erthe schulen be blessid in thee and in thi seed.

stylus

Genesis 12:3, Genesis 12:3, Genesis 26:4, Genesis 26:4, Genesis 22:18

15And Y schal be thi kepere, whidur euer thou schalt go; and Y schal lede thee ayen in to this lond, and Y schal not leeue no but Y schal fil alle thingis whiche Y seide.

stylus

Joshua 1:5, Joshua 1:5, Isaiah 41:10, Isaiah 41:10, Deuteronomy 31:6

16And whanne Jacob hadde wakyd of sleep, he seide, Verili the Lord is in this place, and Y wiste not.

stylus

Joshua 5:15, Joshua 5:15, Exodus 15:11, Exodus 3:5, Exodus 15:11

17And he seide dredynge, Hou worschipful is this place! Here is noon other thing no but the hows of God, and the yate of heuene.

stylus

1 Timothy 3:15, 1 Timothy 3:15, Genesis 35:1, Genesis 35:13, Exodus 3:6

18Therfor Jacob roos eerli, and took the stoon which he hadde put vndur his heed, and reiside in to a title, and helde oile aboue.

stylus

Genesis 35:14, Genesis 35:14, Genesis 31:45, Leviticus 8:10, Leviticus 8:12

19And he clepide the name of that citee Bethel, which was clepid Lusa bifore.

stylus

Hosea 12:4, Hosea 12:5, Hosea 12:4, Hosea 12:5, Genesis 35:1

20Also he auowide a vow, and seide, If God is with me, and kepith me in the weie in which Y go, and yyueth to me looues to ete, and clothis to be clothid,

stylus

1 Timothy 6:8, 1 Timothy 6:8, 2 Samuel 15:8, 2 Samuel 15:8, Psalms 66:13

21and Y turne ayen in prosperite to the hows of my fadir, the Lord schal be in to God to me.

stylus

Judges 11:31, Judges 11:31, Deuteronomy 26:17, Deuteronomy 26:17, 2 Samuel 19:24

22And this stoon, which Y reiside in to a title, schal be clepid the hows of God, and Y schal offre tithis to thee of alle thingis whiche thou schalt yyue to me.

stylus

Genesis 35:7, Genesis 35:7, Genesis 14:20, Genesis 14:20, Deuteronomy 14:22