1Forsothe Isaac wexe eld, and hise iyen dasewiden, and he miyte not se. And he clepide Esau, his more sone, and seide to hym, My sone! Which answerde, Y am present.

stylus

Genesis 48:10, Genesis 48:10, 1 Samuel 3:2, 1 Samuel 3:2, Genesis 25:23

2To whom the fadir seide, Thou seest that Y haue woxun eld, and Y knowe not the dai of my deeth.

stylus

Proverbs 27:1, Mark 13:35, James 4:14, Ecclesiastes 9:10, Proverbs 27:1

3Take thin armeres, `arewe caas, and a bowe, and go out; and whanne thou hast take ony thing bi huntyng,

stylus

Genesis 25:27, Genesis 25:28, Genesis 25:27, Genesis 25:28, Genesis 10:9

4make to me a seew therof, as thou knowist that Y wole, and brynge that Y ete, and my soule blesse thee bifore that Y die.

stylus

Hebrews 11:20, Hebrews 11:20, Genesis 48:9, Genesis 48:9, Genesis 49:28

5And whanne Rebecca hadde herd this thing, and he hadde go in to the feeld to fille the comaundment of the fadir,

stylus

6sche seide to hir sone Jacob, Y herde thi fadir spekynge with Esau, thi brothir, and seiynge to him, Brynge thou me of thin huntyng,

stylus

Genesis 25:28, Genesis 25:28

7and make thow metis, that Y ete, and that Y blesse thee bifor the Lord bifor that Y die.

stylus

Joshua 6:26, Joshua 6:26, 1 Samuel 24:19, Deuteronomy 33:1, 1 Samuel 24:19

8Now therfor, my sone, assent to my counsels,

stylus

Ephesians 6:1, Ephesians 6:1, Genesis 27:13, Genesis 27:13, Genesis 27:43

9and go to the floc, and brynge to me tweyne the beste kidis, that Y make metis of tho to thi fadir, whiche he etith gladli;

stylus

Judges 13:15, Judges 13:15, 1 Samuel 16:20, 1 Samuel 16:20

10and that whanne thow hast brouyt in tho metis, and he hath ete, he blesse thee bifore that he die.

stylus

11To whom Jacob answerde, Thou knowist that Esau my brother is an heeri man, and Y am smethe; if my fadir `touchith and feelith me,

stylus

Genesis 25:25, Genesis 25:25

12Y drede lest he gesse that Y wolde scorne him, and lest he brynge in cursyng on me for blessyng.

stylus

Deuteronomy 27:18, Deuteronomy 27:18, Genesis 25:27, 1 Thessalonians 5:22, Genesis 27:36

13To whom the modir seide, My sone, this cursyng be in me; oonly here thou my vois, and go, and brynge that that Y seide.

stylus

Matthew 27:25, Matthew 27:25, 1 Samuel 25:24, 2 Samuel 14:9, 1 Samuel 25:24

14He yede, and brouyte, and yaf to his modir. Sche made redi metis, as sche knewe that his fadir wolde,

stylus

Genesis 27:31, Genesis 27:4, Psalms 141:4, Genesis 27:9, Luke 21:34

15and sche clothide Jacob in ful goode clothis of Esau, whiche sche hadde at home anentis hir silf.

stylus

Genesis 27:27, Genesis 27:27, Luke 20:46, Luke 20:46, Luke 15:22

16And sche `compasside the hondis with litle skynnys of kiddis, and kyuerede the `nakide thingis of the necke;

stylus

17and sche yaf seew, and bitook the loouys whiche sche hadde bake.

stylus

18And whanne these weren brouyt in, he seide, My fadir! And he answerde, Y here; who art thou, my sone?

stylus

19And Jacob seide, Y am Esau, thi first gendrid sone. Y haue do to thee as thou comaundist to me; rise thou, sitte, and ete of myn huntyng, that thi soule blesse me.

stylus

Matthew 26:70, Matthew 26:74, Isaiah 28:15, Zechariah 13:3, Zechariah 13:4

20Eft Ysaac seide to his sone, My sone, hou miytist thou fynde so soone? Which answerde, It was Goddis wille, that this that Y wolde schulde come soone to me.

stylus

Exodus 20:7, Genesis 24:12, Job 13:7, Exodus 20:7, Genesis 24:12

21And Isaac seide, My sone, come thou hidir, that Y touche thee, and that Y preue wher thou art my sone Esau, ethir nay.

stylus

Isaiah 57:19, James 4:8, Isaiah 57:19, James 4:8, Genesis 27:12

22He neiyede to the fadir; and whanne he hadde feelid hym, Isaac seide, Sotheli the vois is the vois of Jacob, but the hondis ben the hondis of Esau.

stylus

23And Isaac knew not Jacob, for the heery hondis expressiden the licnesse of the more sone.

stylus

Hebrews 11:20, Genesis 27:16, Hebrews 11:20, Genesis 27:16, Romans 9:11

24Therfor Isaac blesside him, and seide, Art thou my sone Esau? Jacob answerde, Y am.

stylus

Colossians 3:9, Colossians 3:9, Ephesians 4:25, Proverbs 12:22, Ephesians 4:25

25And Isaac seide, My sone, brynge thou to me metis of thin huntyng, that my soule blesse thee. And whanne Isaac hadde ete these metis brouyt, Jacob brouyte also wyn to Isaac, and whanne this was drunkun,

stylus

Genesis 27:4, Genesis 27:4

26Isaac seide to him, My sone, come thou hidir, and yyue to me a cos.

stylus

27Jacob neiyede, and kisside hym; and anoon as Isaac feelide the odour of hise clothis, he blesside him, and seide, Lo! the odour of my sone as the odour of a `feeld ful which the Lord hath blessid.

stylus

Hebrews 6:7, Hebrews 6:7, Psalms 65:10, Psalms 65:10, Genesis 26:12

28God yyue to thee of the dewe of heuene, and of the fatnesse of erthe, aboundaunce of whete, and of wyn, and of oile;

stylus

Deuteronomy 33:28, Deuteronomy 33:28, Deuteronomy 33:13, Deuteronomy 33:13, Psalms 133:3

29and puplis serue thee, and lynagis worschipe thee; be thou lord of thi britheren, and the sones of thi modir be bowid bifor thee; be he cursid that cursith thee, and he that blessith thee, be fillid with blessyngis.

stylus

Genesis 12:3, Numbers 24:9, Genesis 12:3, Numbers 24:9, Isaiah 49:23

30Vnnethis Isaac hadde fillid the word, and whanne Jacob was gon out,

stylus

31Esau cam, and brouyte in metis sodun of the huntyng to the fadir, and seide, My fadir, rise thou, and ete of the huntyng of thi sone, that thi soule blesse me.

stylus

Genesis 27:4, Genesis 27:4

32And Isaac seide, Who forsothe art thou? Which answerde, Y am Esau, thi firste gendrid sone.

stylus

Genesis 27:18, Genesis 27:18

33Isaac dredde bi a greet astonying; and he wondride more, than it mai be bileued, and seide, Who therfor is he which a while ago brouyte to me huntyng takun, and Y eet of alle thingis bifor that thou camest; and Y blesside him? and he schal be blessid.

stylus

Genesis 28:3, Genesis 28:4, Genesis 28:3, Genesis 28:4, Romans 11:29

34Whanne the wordis of the fadir weren herd, Esau rorid with a greet cry, and was astonyed, and seide, My fadir, blesse thou also me.

stylus

Hebrews 12:17, Hebrews 12:17, Proverbs 1:31, Proverbs 1:31, 1 Samuel 30:4

35Which seide, Thy brother cam prudentli, and took thi blessyng.

stylus

1 Thessalonians 4:6, 1 Thessalonians 4:6, 2 Kings 10:19, Romans 3:7, Romans 3:8

36And Esau addide, Justli his name is clepid Jacob, for lo! he supplauntide me another tyme; bifor he took awei `my firste gendride thingis, and now the secounde tyme he rauyschide priueli my blessyng. And eft he seide to the fadir, Wher thou hast not reserued a blessyng also to me?

stylus

Genesis 25:26, Genesis 25:26, John 1:47, Genesis 32:28, Genesis 25:31

37Ysaac answeride, Y haue maad him thi lord, and Y haue maad suget alle hise britheren to his seruage; Y haue stablischid him in whete, and wyn, and oile; and, my sone, what schal Y do to thee aftir these thingis?

stylus

Romans 9:10, Romans 9:12, Genesis 27:28, Genesis 27:29, 2 Samuel 8:14

38To whom Esau saide, Fadir, wher thou hast oneli o blessyng? Y biseche that also thou blesse me. And whanne Esau wepte with greet yellyng,

stylus

Hebrews 12:17, Hebrews 12:17, Genesis 27:34, Genesis 27:34, Proverbs 1:24

39Isaac was stirid, and seide to hym, Thi blessyng schal be in the fatnesse of erthe, and in the dew of heuene fro aboue;

stylus

Genesis 27:28, Genesis 27:28, Hebrews 11:20, Hebrews 11:20, Genesis 36:6

40thou schalt lyue bi swerd, and thou schalt serue thi brothir, and tyme schal come whanne thou schalt shake awei, and vnbynde his yok fro thi nollis.

stylus

2 Kings 8:20, 2 Kings 8:22, 2 Kings 8:20, 2 Kings 8:22, Genesis 25:23

41Therfor Esau hatide euer Jacob for the blessyng bi which the fadir hadde blessid hym; and Esau seide in his herte, The daies of morenyng of my fadir schulen come, and Y schal sle Jacob, my brothir.

stylus

Genesis 37:4, 1 John 3:12, 1 John 3:15, Genesis 37:4, 1 John 3:12

42These thingis weren teld to Rebecca, and sche sente, and clepide hir sone Jacob, and seide to hym, Lo ! Esau, thi brothir, manaasith to sle thee;

stylus

Genesis 42:21, Genesis 42:22, Proverbs 4:16, Proverbs 4:17, Genesis 37:18

43now therfor, my sone, here thou my vois, and rise thou, and fle to Laban, my brother, in Aran;

stylus

Genesis 27:8, Genesis 11:31, Genesis 27:8, Genesis 11:31, Genesis 27:13

44and thou schalt dwelle with hym a fewe daies, til the woodnesse of thi brother reste,

stylus

Genesis 31:38, Genesis 31:38, Genesis 31:41, Genesis 31:41

45and his indignacioun ceesse, and til he foryite tho thingis whiche thou hast don ayens hym. Aftirward Y schal sende, and Y schal brynge thee fro thennus hidir. Whi schal Y be maad soneles of euer eithir sone in o dai?

stylus

James 4:13, James 4:15, Proverbs 19:21, 2 Samuel 14:6, 2 Samuel 14:7

46And Rebecca seide to Isaac, It anoieth me of my lijf for the douytris of Heth; if Jacob takith a wijf of the kynrede of this lond, Y nyle lyue.

stylus

Genesis 26:34, Genesis 26:35, Genesis 24:3, Genesis 26:34, Genesis 26:35