1Therfor Jacob passide forth, and cam in to the eest lond;

stylus

Judges 6:3, Judges 6:3, Judges 6:33, Judges 6:33, Hosea 12:12

2and seiy a pit in the feeld, and thre flockis of scheep restynge bisidis it, for whi scheep weren watrid therof, and the mouth therof was closid with a greet stoon.

stylus

John 4:6, Isaiah 49:10, John 4:6, Isaiah 49:10, Song of Solomon 1:6

3And the custom was that whanne alle scheep weren gaderid togidere, thei schulden turne awei the stoon, and whanne the flockis weren fillid thei schulden put it eft on the mouth of the pit.

stylus

4And Jacob seide to the scheepherdis, Brithren, of whennus ben ye? Whiche answeriden, Of Aran.

stylus

Genesis 28:10, Genesis 28:10, Genesis 27:43, Genesis 27:43, Acts 7:2

5And he axide hem and seide, Wher ye knowen Laban, the sone of Nachor? Thei seiden, We knowen.

stylus

Genesis 24:29, Genesis 24:24, Genesis 24:29, Genesis 24:24, Genesis 31:53

6Jacob seide, Is he hool? Thei seiden, He is in good staat; and lo! Rachel, his douytir, cometh with his flok.

stylus

1 Samuel 25:5, Exodus 18:7, 2 Samuel 20:9, Genesis 43:27, Genesis 37:14

7And Jacob seide, Yit myche of the dai is to come, and it is not tyme that the flockis be led ayen to the fooldis; sotheli yyue ye drynk to the scheep, and so lede ye hem ayen to mete.

stylus

Ephesians 5:16, Ephesians 5:16, Galatians 6:9, Galatians 6:10, Galatians 6:9

8Whiche answeriden, We moun not til alle scheep be gederid to gidere, and til we remouen the stoon fro the mouth of the pit to watir the flockis.

stylus

Mark 16:3, Luke 24:2, Mark 16:3, Luke 24:2, Genesis 29:3

9Yit thei spaken, and lo! Rachel cam with the scheep of hir fadir.

stylus

Exodus 2:21, Song of Solomon 1:7, Song of Solomon 1:8, Exodus 2:15, Exodus 2:16

10And whanne Jacob seiy hir, and knewe the douytir of his modris brothir, and the scheep of Laban his vncle, he remeuyde the stoon with which the pit was closid;

stylus

Exodus 2:17, Exodus 2:17

11and whanne the flok was watrid, he kisside hir, and he wepte with `vois reisid.

stylus

Genesis 33:4, Genesis 33:4, Genesis 45:2, Genesis 45:14, Genesis 45:15

12And he schewide to hir that he was the brothir of hir fadir, and the sone of Rebecca; and sche hastide, and telde to hir fadir.

stylus

Genesis 24:28, Genesis 24:28, Genesis 13:8, Genesis 13:8, Genesis 14:14

13And whanne he hadde herd, that Jacob, the sone of his sistir, cam, he ran ayens hym, and he biclippide Jacob and kisside hym, and ledde in to his hows. Forsothe whanne the causis of the iurney weren herd,

stylus

Genesis 24:29, Genesis 24:29, Acts 20:37, Exodus 18:7, Exodus 4:27

14Laban answeride, Thou art my boon and my fleisch. And aftir that the daies of o moneth weren fillid, Laban seide to him,

stylus

2 Samuel 19:12, 2 Samuel 19:13, 2 Samuel 19:12, 2 Samuel 19:13, Judges 9:2

15`Whethir for thou art my brothir, thou schalt serue me frely? seie thou what mede thou schalt take.

stylus

Genesis 31:7, Genesis 30:28, Genesis 31:7, Genesis 30:28

16Forsothe Laban hadde twei douytris, the name of the more was Lya, sotheli the lesse was clepid Rachel;

stylus

Genesis 49:31, Ruth 4:11, Genesis 49:31, Ruth 4:11, Genesis 35:23

17but Lya was blere iyed, Rachel was of fair face, and semeli in siyt.

stylus

Genesis 12:11, Genesis 12:11, Genesis 35:19, Genesis 35:20, Genesis 48:7

18And Jacob louede Rachel, and seide, Y schal serue thee seuene yeer for Rachel thi lesse douytir.

stylus

Hosea 12:12, Hosea 12:12, Exodus 22:16, Exodus 22:17, Exodus 22:16

19Laban answeride, It is betere that Y yyue hir to thee than to anothir man; dwelle thou at me.

stylus

Isaiah 6:11, Isaiah 6:5, Isaiah 6:11, Isaiah 6:5, Psalms 12:2

20Therfor Jacob seruyde seuene yeer for Rachel; and the daies semyden fewe to hym for the greetnesse of loue.

stylus

1 Corinthians 13:7, 1 Corinthians 13:7, Ephesians 5:2, Ephesians 5:2, Hosea 12:12

21And he seide to Laban, Yyue thou my wijf to me, for the tyme is fillid that Y entre to hir.

stylus

Judges 15:1, Judges 15:1, Genesis 38:16, Genesis 29:20, Genesis 4:1

22And whanne many cumpenyes of freendis weren clepid to the feeste, he made weddyngis,

stylus

Revelation 19:9, Revelation 19:9, Ruth 4:10, Ruth 4:13, Judges 14:10

23and in the euentid Laban brouyte in to hym Lya his douytir,

stylus

Micah 7:5, Micah 7:5, Genesis 24:65, Genesis 38:14, Genesis 38:15

24and yaf an handmaide, Selfa bi name, to the douyter. And whanne Jacob hadde entrid to hir bi custom, whanne the morewtid was maad, he seiy Lya,

stylus

Genesis 16:1, Genesis 30:9, Genesis 30:12, Genesis 16:1, Genesis 30:9

25and seide to his wyues fadir, What is it that thou woldist do? wher Y seruede not thee for Rachel? whi hast thou disseyued me ?

stylus

Matthew 7:2, Matthew 7:2, Proverbs 11:31, Proverbs 11:31, Genesis 27:35

26Laban answerde, It is not custom in oure place that we yyue first the `lesse douytris to weddyngis;

stylus

27fille thou the wouke of daies of this couplyng, and Y schal yyue to thee also this Rachel, for the werk in which thou schalt serue me bi othere seuene yeer.

stylus

Judges 14:12, Judges 14:12, Leviticus 18:18, Leviticus 18:18, Genesis 2:2

28Jacob assentide to the couenaunt, and whanne the wouke was passid,

stylus

29he weddide Rachel, to whom the fadir hadde youe Bala seruauntesse.

stylus

Genesis 35:22, Genesis 30:3, Genesis 30:8, Genesis 29:24, Genesis 35:22

30And at the laste he vside the weddyngis desirid, and settide the loue of the `wijf suynge bifore the former; and he seruede at Laban seuene othere yeer.

stylus

Genesis 31:41, Genesis 31:41, Genesis 29:18, Genesis 29:20, Matthew 10:37

31Forsothe the Lord seiy that he dispiside Lya , and openyde hir wombe while the sistir dwellide bareyn.

stylus

1 Samuel 2:21, Matthew 10:37, 1 Samuel 2:21, Matthew 10:37, Deuteronomy 21:15

32And Lia childide a sone conseyued, and clepide his name Ruben, and seide, The Lord seiy my mekenesse; now myn hosebonde schal loue me.

stylus

Exodus 4:31, Deuteronomy 26:7, Exodus 3:7, Exodus 4:31, Deuteronomy 26:7

33And eft sche conseyuede, `and childide a sone, and seide, For the Lord seiy that Y was dispisid, he yaf also this sone to me; and sche clepide his name Symeon.

stylus

Genesis 34:25, Genesis 34:25, Genesis 30:20, Genesis 34:30, Genesis 49:5

34And sche conseyuede the thridde tyme, and childide anothir sone, and she seide also, Now myn hosebonde schal be couplid to me, for Y childide thre sones to him; and therfor sche clepide his name Leuy.

stylus

Genesis 49:5, Genesis 49:7, Exodus 32:26, Exodus 32:29, Genesis 49:5

35The fourthe tyme sche conseyuede, and childide a sone, and seide, Now I schal knouleche to the Lord; and herfor she clepide his name Judas; and ceesside to childe.

stylus

1 Chronicles 5:2, Genesis 49:8, Genesis 49:12, Matthew 1:2, 1 Chronicles 5:2