1In the firste yeer of Darius, the sone of Assuerus, of the seed of Medeis, that was emperour on the rewme of Caldeis,

stylus

Matthew 4:15, Matthew 4:16, Matthew 4:15, Matthew 4:16, 2 Kings 15:29

2in the firste yeer of his rewme, Y, Danyel, vndurstood in bookis the noumbre of yeeris, of which noumbre the word of the Lord was maad to Jeremye, the profete, that seuenti yeer of desolacioun of Jerusalem schulde be fillid.

stylus

Matthew 4:16, Matthew 4:16, Ephesians 5:8, Ephesians 5:8, John 12:46

3And Y settide my face to my Lord God, to preie and to biseche in fastyngis, in sak, and aische.

stylus

Psalms 119:162, Psalms 119:162, Isaiah 26:15, 1 Peter 1:8, Isaiah 26:15

4And Y preiede my Lord God, and Y knoulechide, and seide, Y biseche, thou Lord God, greet and ferdful, kepynge couenaunt and mercy to hem that louen thee, and kepen thi comaundementis.

stylus

Isaiah 14:25, Isaiah 14:25, Isaiah 10:26, Isaiah 10:27, Isaiah 10:26

5We han synned, we han do wickidnesse, we diden unfeithfuli, and yeden awei, and bowiden awei fro thi comaundementis and domes.

stylus

2 Thessalonians 1:8, 2 Thessalonians 1:8, Isaiah 66:15, Isaiah 66:16, Isaiah 66:15

6We obeieden not to thi seruauntis, profetis, that spaken in thi name to oure kyngis, to oure princes, and to oure fadris, and to al the puple of the lond.

stylus

Luke 2:11, Luke 2:11, Matthew 28:18, Matthew 28:18, Jeremiah 23:5

7Lord, riytfulnesse is to thee, forsothe schenschipe of face is to vs, as is to dai to a man of Juda, and to the dwelleris of Jerusalem, and to al Israel, to these men that ben niy, and to these men that ben afer in alle londis, to which thou castidist hem out for the wickidnessis of hem, in whiche, Lord, thei synneden ayens thee.

stylus

Luke 1:32, Luke 1:33, Luke 1:32, Luke 1:33, Daniel 2:44

8Schame of face is to vs, to oure kyngis, to oure princes, and to oure fadris, that synneden;

stylus

Zechariah 1:6, Isaiah 8:4, Isaiah 8:8, Micah 1:1, Micah 1:9

9but merci and benygnytee is to thee, oure Lord God. For we yeden awei fro thee,

stylus

Isaiah 46:12, Isaiah 46:12, 1 Kings 22:25, Malachi 3:13, Ezekiel 30:19

10and herden not the vois of oure Lord God, that we schulden go in the lawe of hym, whiche he settide to vs bi hise seruauntis, profetis.

stylus

Malachi 1:4, Malachi 1:4, 1 Kings 10:27, 1 Kings 10:27, 1 Kings 7:9

11And al Israel braken thi lawe, and bowiden awei, that thei herden not thi vois; and cursyng, and wlatyng, which is writun in the book of Moises, the seruaunt of God, droppide on vs, for we synneden to hym.

stylus

Isaiah 10:9, Isaiah 10:11, 2 Kings 16:9, Isaiah 17:1, Isaiah 17:5

12And he ordeynede hise wordis, whiche he spak on vs, and on oure princes, that demyden vs, that thei schulden brynge in on vs greet yuel, what maner yuel was neuer vndur al heuene, bi that that is doon in Jerusalem,

stylus

2 Chronicles 28:18, Isaiah 5:25, 2 Chronicles 28:18, Isaiah 5:25, 2 Kings 16:6

13as it is writun in the lawe of Moises. Al this yuel cam on vs, and, oure Lord God, we preieden not thi face, that we schulden turne ayen fro oure wickidnessis, and schulden thenke thi treuthe.

stylus

Hosea 7:10, Hosea 7:10, Jeremiah 5:3, Isaiah 31:1, Jeremiah 5:3

14And the Lord wakide on malice, and brouyt it on vs; oure Lord God is iust in alle his werkis whiche he made, for we herden not his vois.

stylus

Isaiah 19:15, Revelation 18:8, Isaiah 19:15, Revelation 18:8, Hosea 1:6

15And now, Lord God, that leddist thi puple out of the lond of Egipt in strong hond, and madist to thee a name bi this dai, we han synnede,

stylus

Matthew 24:24, Isaiah 29:10, Matthew 24:24, Isaiah 29:10, Isaiah 3:2

16we han do wickidnesse, Lord, ayens thi riytfulnesse. Y biseche, thi wraththe and thi stronge veniaunce be turned awey fro thi citee Jerusalem, and fro thi hooli hil; for whi for oure synnes, and for the wickidnessis of oure fadris, Jerusalem and thi puple ben in schenschipe, to alle men bi oure cumpas.

stylus

Isaiah 3:12, Matthew 15:14, Isaiah 3:12, Matthew 15:14, 1 Kings 8:55

17But now, oure God, here thou the preyer of thi seruaunt, and the bisechyngis of him, and schewe thi face on thi seyntuarie, which is forsakun.

stylus

Jeremiah 18:21, Isaiah 10:6, Isaiah 5:25, Jeremiah 18:21, Isaiah 10:6

18My God, for thi silf boowe doun thin eere, and here; opene thin iyen, and se oure desolacioun, and the citee, on which thi name is clepid to help. For not in oure iustifiyngis we setten forth mekeli preiers bifor thi face, but in thi many merciful doyngis.

stylus

Malachi 4:1, Psalms 83:14, Malachi 4:1, Psalms 83:14, Nahum 1:10

19Lord, here thou; Lord, be thou plesid, perseyue thou, and do; my Lord God, tarie thou not, for thi silf, for thi name is clepid to help on the citee, and on thi puple.

stylus

Micah 7:2, Micah 7:2, Micah 7:6, Micah 7:6, Isaiah 8:22

20And whanne Y spak yit, and preiede, and knoulechide my synnes, and the synnes of my puple Israel, that Y schulde sette forth mekeli my preieris in the siyt of my God, for the hooli hil of my God,

stylus

Isaiah 49:26, Isaiah 49:26, Jeremiah 19:9, Jeremiah 19:9, Lamentations 4:10

21the while Y spak yit in my preyer, lo! the man Gabriel, whom Y hadde seyn in visioun at the bigynnyng, flei soone, and touchide me in the tyme of euentid sacrifice;

stylus

Isaiah 5:25, Isaiah 5:25, Isaiah 9:12, 2 Chronicles 28:6, 2 Chronicles 28:8

22and he tauyt me, and he spak to me, and seide, Danyel, now Y yede out, that Y schulde teche thee, and thou schuldist vndurstonde.

stylus

23Fro the bigynnyng of thi preieris a word yede out. Forsothe Y cam to schewe to thee, for thou art a man of desiris; therfor perseyue thou the word, and vndurstonde thou the visioun.

stylus

24Seuenti woukis of yeeris ben abreggid on thi puple, and on thin hooli citee, that trespassyng be endid, and synne take an ende, and that wickidnesse be doon awei, and euerlastynge riytfulnesse be brouyt, and that the visioun, and prophesie be fillid, and the hooli of seyntis be anoyntid.

stylus

25Therfor wite thou, and perseyue; fro the goyng out of the word, that Jerusalem be bildid eft, til to Crist, the duyk, schulen be seuene woukis of yeeris and two and sixti woukis of yeeris; and eft the street schal be bildid, and wallis, in the angwisch of tymes.

stylus

26And after two and sixti woukis `of yeeris Crist schal be slayn. And it schal not be his puple, that schal denye hym. And the puple with the duyk to comynge schal distrie the citee, and the seyntuarie; and the ende therof schal be distriyng, and after the ende of batel schal be ordeynede desolacioun.

stylus

27Forsothe o wouk `of yeeris schal conferme the couenaunt to many men, and the offryng and sacrifice schal faile in the myddis of the wouke of yeeris; and abhomynacioun of desolacioun schal be in the temple, and the desolacioun schal contynue til to the parformyng and ende.

stylus