1In the thridde yeer of the rewme of Sirus, kyng of Perseis, a word was schewid to Danyel, Balthasar bi name; and a trewe word, and greet strengthe, and he vndurstood the word; for whi vndurstondyng is nedeful in visioun.

stylus

Luke 11:52, Luke 11:52, Micah 3:1, Micah 3:4, Micah 3:1

2In tho daies Y, Danyel, mourenyde bi the daies of thre woukis;

stylus

Malachi 3:5, Malachi 3:5, Isaiah 3:14, Isaiah 3:14, Isaiah 29:21

3Y eet not desirable breed, and fleisch, and wyn entride not into my mouth, but nethir Y was anoynted with oynement, til the daies of thre woukis weren fillid.

stylus

Hosea 9:7, Luke 19:44, Hosea 9:7, Luke 19:44, Job 31:14

4Forsothe in the foure and twentithe dai of the firste monethe, Y was bisidis the greet flood, which is Tigris.

stylus

Isaiah 5:25, Isaiah 5:25, Isaiah 9:12, Deuteronomy 32:30, Jeremiah 37:10

5And Y reiside myn iyen, and Y siy, and lo! o man was clothid with lynun clothis, and hise reynes weren gird with schynynge gold;

stylus

Jeremiah 51:20, Jeremiah 51:24, Zephaniah 2:13, Isaiah 10:15, Isaiah 14:25

6and his bodi was as crisolitus, and his face was as the licnesse of leit, and hise iyen weren as a brennynge laumpe, and hise armes and tho thingis that weren bynethe til to the feet weren as the licnesse of bras beynge whijt, and the vois of hise wordis was as the vois of multitude.

stylus

Isaiah 9:17, Isaiah 9:17, Jeremiah 34:22, Isaiah 19:17, Jeremiah 47:6

7Forsothe Y, Danyel, aloone siy the visioun; certis the men that weren with me, sien not, but ful greet ferdfulnesse felle yn on hem, and thei fledden in to an hid place.

stylus

Genesis 50:20, Genesis 50:20, Micah 4:11, Micah 4:12, Acts 2:23

8But Y was left aloone, and Y siy this greet visioun, and strengthe dwellide not in me; but also my licnesse was chaungid in me, and Y was stark, and Y hadde not in me ony thing of strengthis.

stylus

2 Kings 18:24, 2 Kings 18:24, 2 Kings 19:10, 2 Kings 19:10, Ezekiel 26:7

9And Y herde the vois of hise wordis, and Y herde, and lay astonyed on my face, and my face cleuyde to the erthe.

stylus

2 Chronicles 35:20, 2 Kings 16:9, 2 Chronicles 35:20, 2 Kings 16:9, Jeremiah 46:2

10And lo! an hond touchide me, and reiside me on my knees, and on the toes of my feet.

stylus

2 Kings 19:12, 2 Kings 19:13, 2 Kings 18:33, 2 Kings 18:35, 2 Chronicles 32:19

11And he seide to me, Thou, Danyel, a man of desiris, vndurstonde the wordis whiche Y speke to thee, and stonde in thi degree; for now Y am sent to thee. And whanne he hadde seid this word to me, Y stood quakynge.

stylus

Isaiah 37:10, Isaiah 37:13, Isaiah 37:10, Isaiah 37:13, Isaiah 2:8

12And he seide to me, Danyel, nyle thou drede, for fro the firste dai in which thou settidist thin herte to vndurstonde, that thou schuldist turmente thee in the siyt of thi God, thi wordis weren herd, and Y cam for thi wordis.

stylus

2 Kings 19:31, 2 Kings 19:31, Isaiah 65:7, Jeremiah 50:18, Isaiah 65:7

13Forsothe the prince of the rewme of Perseis ayenstood me oon and twenti daies, and lo! Myyhel, oon of the firste princes, cam in to myn help, and Y dwellide stille there bisidis the kyng of Perseis.

stylus

Deuteronomy 8:17, Daniel 4:30, Deuteronomy 8:17, Daniel 4:30, Ezekiel 25:3

14Forsothe Y am comun to teche thee, what thingis schulen come to thi puple in the laste daies; for yit the visioun is delaied in to daies.

stylus

Job 31:25, Job 31:25, Proverbs 21:6, Proverbs 21:7, Jeremiah 49:16

15And whanne he spak to me bi siche wordis, Y castide doun my cheer to erthe, and was stille.

stylus

Romans 9:20, Romans 9:21, Romans 9:20, Romans 9:21, Isaiah 45:9

16And lo! as the licnesse of sone of man touchide my lippis; and Y openyde my mouth, and spak, and seide to hym that stood bifore me, My Lord, in thi siyt my ioynctis ben vnknit, and no thing of strengthis dwellide in me.

stylus

2 Chronicles 32:21, 2 Chronicles 32:21, Psalms 106:15, Acts 12:23, Psalms 106:15

17And hou schal the seruaunt of my Lord mow speke with my Lord? no thing of strengthis dwellide in me, but also my breeth is closyde bitwixe.

stylus

Numbers 11:1, Numbers 11:3, Isaiah 27:4, Numbers 11:1, Numbers 11:3

18Therfor eft as the siyt of a man touchide me, and coumfortide me,

stylus

Isaiah 10:33, Isaiah 10:34, 2 Kings 19:23, Isaiah 10:33, Isaiah 10:34

19and seide, Man of desiris, nyle thou drede; pees be to thee, be thou coumfortid, and be thou strong. And whanne he spak with me, Y wexide strong and seide, My Lord, speke thou, for thou hast coumfortid me.

stylus

Isaiah 37:36, Isaiah 21:17, Isaiah 37:36, Isaiah 21:17

20And he seide, Whether thou woost not, whi Y cam to thee? And now Y schal turne ayen, to fiyte ayens the prince of Perseis. For whanne Y yede out, the prince of Grekis apperide comynge.

stylus

Isaiah 37:31, Isaiah 37:32, Isaiah 17:7, Isaiah 17:8, Isaiah 37:31

21Netheles Y schal telle to thee that, that is expressid in the scripture of treuthe; and noon is myn helpere in alle these thingis, no but Myyhel, youre prynce.

stylus

Isaiah 9:6, Isaiah 9:6, 2 Corinthians 3:14, 2 Corinthians 3:16, 2 Corinthians 3:14