1`The nyntithe salm. He that dwellith in the help of the hiyeste God; schal dwelle in the proteccioun of God of heuene.

stylus

2He schal seie to the Lord, Thou art myn vptaker, and my refuit; my God, Y schal hope in him.

stylus

3For he delyuered me fro the snare of hunteris; and fro a scharp word.

stylus

4With hise schuldris he schal make schadowe to thee; and thou schalt haue hope vnder hise fetheris.

stylus

5His treuthe schal cumpasse thee with a scheld; thou schalt not drede of nyytis drede.

stylus

6Of an arowe fliynge in the dai, of a gobelyn goynge in derknessis; of asailing, and a myddai feend.

stylus

7A thousynde schulen falle doun fro thi side, and ten thousynde fro thi riytside; forsothe it schal not neiye to thee.

stylus

8Netheles thou schalt biholde with thin iyen; and thou schalt se the yelding of synneris.

stylus

9For thou, Lord, art myn hope; thou hast set thin help altherhiyeste.

stylus

10Yuel schal not come to thee; and a scourge schal not neiye to thi tabernacle.

stylus

11For God hath comaundid to hise aungels of thee; that thei kepe thee in alle thi weies.

stylus

12Thei schulen beere thee in the hondis; leste perauenture thou hirte thi foot at a stoon.

stylus

13Thou schalt go on a snake, and a cocatrice; and thou schalt defoule a lioun and a dragoun.

stylus

14For he hopide in me, Y schal delyuere hym; Y schal defende him, for he knew my name.

stylus

15He criede to me, and Y schal here him, Y am with him in tribulacioun; Y schal delyuere him, and Y schal glorifie hym.

stylus

16I schal fille hym with the lengthe of daies; and Y schal schewe myn helthe to him.

stylus