1The `title of the oon and nyntithe salm. `The salm of `song, in the dai of sabath.

stylus

2It is good to knouleche to the Lord; and to synge to thi name, thou hiyeste.

stylus

3To schewe eerli thi merci; and thi treuthe bi nyyt.

stylus

4In a sautrie of ten cordis; with song in harpe.

stylus

5For thou, Lord, hast delitid me in thi makyng; and Y schal make ful out ioye in the werkis of thin hondis.

stylus

6Lord, thi werkis ben magnefied greetli; thi thouytis ben maad ful depe.

stylus

7An vnwise man schal not knowe; and a fool schal not vndirstonde these thingis.

stylus

8Whanne synneris comen forth, as hey; and alle thei apperen, that worchen wickidnesse.

stylus

9That thei perische in to the world of world; forsothe thou, Lord, art the hiyest, withouten ende. For lo!

stylus

10Lord, thin enemyes, for lo! thin enemyes schulen perische; and alle schulen be scaterid that worchen wickidnesse.

stylus

11And myn horn schal be reisid as an vnicorn; and myn eelde in plenteuouse merci.

stylus

12And myn iye dispiside myn enemyes; and whanne wickid men rysen ayens me, myn eere schal here.

stylus

13A iust man schal floure as a palm tree; he schal be multiplied as a cedre of Liban.

stylus

14Men plauntid in the hous of the Lord; schulen floure in the porchis of the hous of oure God.

stylus

15Yit thei schulen be multiplied in plenteuouse elde; and thei schulen be suffryng wel. That thei telle, that oure Lord God is riytful; and no wickidnesse is in hym.

stylus