1The title of the nyne and eiytetithe salm. The preier of Moises, the man of God. Lord, thou art maad help to vs; fro generacioun in to generacioun.

stylus

2Bifore that hillis weren maad, ether the erthe and the world was formed; fro the world and in to the world thou art God.

stylus

3Turne thou not awei a man in to lownesse; and thou seidist, Ye sones of men, be conuertid.

stylus

4For a thousynde yeer ben bifore thin iyen; as yistirdai, which is passid, and as keping in the niyt.

stylus

5The yeeris of hem schulen be; that ben had for nouyt.

stylus

6Eerli passe he, as an eerbe, eerli florische he, and passe; in the euentid falle he doun, be he hard, and wexe drie.

stylus

7For we han failid in thin ire; and we ben disturblid in thi strong veniaunce.

stylus

8Thou hast set oure wickidnessis in thi siyt; oure world in the liytning of thi cheer.

stylus

9For alle oure daies han failid; and we han failid in thin ire. Oure yeris schulen bithenke, as an yreyn;

stylus

10the daies of oure yeeris ben in tho seuenti yeeris. Forsothe, if fourescoor yeer ben in myyti men; and the more tyme of hem is trauel and sorewe. For myldenesse cam aboue; and we schulen be chastisid.

stylus

11Who knew the power of thin ire; and durste noumbre thin ire for thi drede?

stylus

12Make thi riythond so knowun; and make men lerned in herte bi wisdom.

stylus

13Lord, be thou conuertid sumdeel; and be thou able to be preied on thi seruauntis.

stylus

14We weren fillid eerli with thi merci; we maden ful out ioye, and we delitiden in alle oure daies.

stylus

15We weren glad for the daies in whiche thou madist vs meke; for the yeeris in whiche we siyen yuels.

stylus

16Lord, biholde thou into thi seruauntis, and in to thi werkis; and dresse thou the sones of hem.

stylus

17And the schynyng of oure Lord God be on vs; and dresse thou the werkis of oure hondis on vs, and dresse thou the werk of oure hondis.

stylus