1The title of the thre and fourtithe salm. `To victorie, lernyng to the sones of Chore.

stylus

2God, we herden with oure eeris; oure fadris telden to vs. The werk, which thou wrouytist in the daies of hem; and in elde daies.

stylus

3Thin hond lost hethene men, and thou plauntidist hem; thou turmentidist puplis, and castidist hem out.

stylus

4For the children of Israel weldiden the lond not bi her swerd; and the arm of hem sauyde not hem. But thi riyt hond, and thin arm, and the liytnyng of thi cheer; for thou were plesid in hem.

stylus

5Thou art thi silf, my kyng and my God; that sendist helthis to Jacob.

stylus

6Bi thee we schulen wyndewe oure enemyes with horn; and in thi name we schulen dispise hem, that risen ayen vs.

stylus

7For Y schal not hope in my bouwe; and my swerd schal not saue me.

stylus

8For thou hast saued vs fro men turmentinge vs; and thou hast schent men hatinge vs.

stylus

9We schulen be preisid in God al dai; and in thi name we schulen knouleche to thee in to the world.

stylus

10But now thou hast put vs abac, and hast schent vs; and thou, God, schalt not go out in oure vertues.

stylus

11Thou hast turned vs awei bihynde aftir oure enemyes; and thei, that hatiden vs, rauyschiden dyuerseli to hem silf.

stylus

12Thou hast youe vs as scheep of meetis; and among hethene men thou hast scaterid vs.

stylus

13Thou hast seeld thi puple with out prijs; and multitude was not in the chaungyngis of hem.

stylus

14Thou hast set vs schenschip to oure neiyboris; mouwyng and scorn to hem that ben in oure cumpas.

stylus

15Thou hast set vs into licnesse to hethene me; stiryng of heed among puplis.

stylus

16Al dai my schame is ayens me; and the schenschipe of my face hilide me.

stylus

17Fro the vois of dispisere, and yuele spekere; fro the face of enemy, and pursuere.

stylus

18Alle these thingis camen on vs, and we han not foryete thee; and we diden not wickidli in thi testament.

stylus

19And oure herte yede not awei bihynde; and thou hast bowid awei oure pathis fro thi weie.

stylus

20For thou hast maad vs lowe in the place of turment; and the schadewe of deth hilide vs.

stylus

21If we foryaten the name of oure God; and if we helden forth oure hondis to an alien God.

stylus

22Whether God schal not seke these thingis? for he knowith the hid thingis of herte. For whi we ben slayn al dai for thee; we ben demed as scheep of sleyng.

stylus

23Lord, rise vp, whi slepist thou? rise vp, and putte not awei in to the ende.

stylus

24Whi turnest thou awei thi face? thou foryetist oure pouert, and oure tribulacioun.

stylus

25For oure lijf is maad low in dust; oure wombe is glued togidere in the erthe.

stylus

26Lord, rise vp thou, and helpe vs; and ayenbie vs for thi name.

stylus