Psalms 43

¹The title of the thre and fourtithe salm. `To victorie, lernyng to the sones of Chore.

²God, we herden with oure eeris; oure fadris telden to vs. The werk, which thou wrouytist in the daies of hem; and in elde daies.

³Thin hond lost hethene men, and thou plauntidist hem; thou turmentidist puplis, and castidist hem out.

⁴For the children of Israel weldiden the lond not bi her swerd; and the arm of hem sauyde not hem. But thi riyt hond, and thin arm, and the liytnyng of thi cheer; for thou were plesid in hem.

⁵Thou art thi silf, my kyng and my God; that sendist helthis to Jacob.

⁶Bi thee we schulen wyndewe oure enemyes with horn; and in thi name we schulen dispise hem, that risen ayen vs.

⁷For Y schal not hope in my bouwe; and my swerd schal not saue me.

⁸For thou hast saued vs fro men turmentinge vs; and thou hast schent men hatinge vs.

⁹We schulen be preisid in God al dai; and in thi name we schulen knouleche to thee in to the world.

¹⁰But now thou hast put vs abac, and hast schent vs; and thou, God, schalt not go out in oure vertues.

¹¹Thou hast turned vs awei bihynde aftir oure enemyes; and thei, that hatiden vs, rauyschiden dyuerseli to hem silf.

¹²Thou hast youe vs as scheep of meetis; and among hethene men thou hast scaterid vs.

¹³Thou hast seeld thi puple with out prijs; and multitude was not in the chaungyngis of hem.

¹⁴Thou hast set vs schenschip to oure neiyboris; mouwyng and scorn to hem that ben in oure cumpas.

¹⁵Thou hast set vs into licnesse to hethene me; stiryng of heed among puplis.

¹⁶Al dai my schame is ayens me; and the schenschipe of my face hilide me.

¹⁷Fro the vois of dispisere, and yuele spekere; fro the face of enemy, and pursuere.

¹⁸Alle these thingis camen on vs, and we han not foryete thee; and we diden not wickidli in thi testament.

¹⁹And oure herte yede not awei bihynde; and thou hast bowid awei oure pathis fro thi weie.

²⁰For thou hast maad vs lowe in the place of turment; and the schadewe of deth hilide vs.

²¹If we foryaten the name of oure God; and if we helden forth oure hondis to an alien God.

²²Whether God schal not seke these thingis? for he knowith the hid thingis of herte. For whi we ben slayn al dai for thee; we ben demed as scheep of sleyng.

²³Lord, rise vp, whi slepist thou? rise vp, and putte not awei in to the ende.

²⁴Whi turnest thou awei thi face? thou foryetist oure pouert, and oure tribulacioun.

²⁵For oure lijf is maad low in dust; oure wombe is glued togidere in the erthe.

²⁶Lord, rise vp thou, and helpe vs; and ayenbie vs for thi name.

Psalms 43

¹Judge me, O God, and plead my cause against an ungodly nation: O deliver me from the deceitful and unjust man.

²For thou art the God of my strength: why dost thou cast me off? why go I mourning because of the oppression of the enemy?

³O send out thy light and thy truth: let them lead me; let them bring me unto thy holy hill, and to thy tabernacles.

⁴Then will I go unto the altar of God, unto God my exceeding joy: yea, upon the harp will I praise thee, O God my God.

⁵Why art thou cast down, O my soul? and why art thou disquieted within me? hope in God: for I shall yet praise him, who is the health of my countenance, and my God.