1Forsothe in the foure and twentithe dai of this monethe, the sones of Israel camen togidere in fastyng,

stylus

Ezra 8:23, Joshua 7:6, Nehemiah 8:2, Ezra 8:23, Joshua 7:6

2and in sackis, and `erthe was on hem. And the seed of the sones of Israel was departid fro ech alien sone. And thei stoden bifor the Lord, and knoulechiden her synnes, and the wickidnessis of her fadris.

stylus

Nehemiah 13:3, Nehemiah 13:3, Ezra 10:11, Ezra 10:11, Nehemiah 13:30

3And thei risiden togidere to stonde; and thei redden in the book of the lawe of `her Lord God fouresithis in the dai, and fouresithis in the niyt; thei knoulechiden, and herieden `her Lord God.

stylus

Nehemiah 8:7, Nehemiah 8:8, Nehemiah 8:3, Nehemiah 8:4, Nehemiah 8:7

4Forsothe `thei risiden on the degree, of dekenes, Jesuy, and Bany, Cedynyel, Remmy, Abany, Sarabie, Bany, and Chanany.

stylus

Nehemiah 8:7, Nehemiah 8:7, Nehemiah 10:9, Nehemiah 10:13, Nehemiah 9:5

5And the dekenes crieden with grete vois to her Lord God. And Jesue, and Cedyniel, Bonny, Assebie, Serebie, Arabie, Odaie, Sebua, and Facaia, seiden, Rise ye, and blesse ye `youre Lord God fro without bigynnyng and til in to with outen ende; and blesse thei the hiye name of thi glorie in al blessyng and preysyng.

stylus

Psalms 103:1, Psalms 103:2, Psalms 103:1, Psalms 103:2, 2 Corinthians 4:6

6And Esdras seide, Thou thi silf, Lord, art aloone; thou madist heuene and the heuene of heuenes, and al the oost of tho heuenes; thou madist the erthe and alle thingis that ben there ynne; `thou madist the sees and alle thingis that ben in tho; and thou quikenyst alle these thingis; and the oost of heuene worschipith thee.

stylus

Isaiah 37:16, Isaiah 37:16, Genesis 1:1, Genesis 1:1, Revelation 4:11

7Thou thi silf art the Lord God, that chesidist Abram, and leddist hym out of the fier of Caldeis, and settidist his name Abraham;

stylus

Genesis 11:31, Genesis 11:31, Genesis 17:5, Genesis 17:5, Isaiah 51:2

8and foundist his herte feithful bifor thee, and thou hast smyte with hym a boond of pees, that thou woldist yyue to hym the lond of Cananei, of Ethei, of Euey, and of Ammorrei, and of Pherezei, and of Jebuzei, and of Gergesei, that thou woldist yyue it to his seed; and thou hast fillid thi wordis, for thou art iust.

stylus

Genesis 15:18, Genesis 15:21, Hebrews 6:18, Genesis 15:6, Genesis 15:18

9And thou hast seyn the turment of oure fadris in Egipt, and thou herdist the cry of hem on the reed see.

stylus

Exodus 3:7, Exodus 3:9, Exodus 3:7, Exodus 3:9, Exodus 2:25

10And thou hast youe signes and grete wondris in Farao, and in alle hise seruauntis, and in al the puple of that lond; for thou knowist, that thei diden proudli ayens oure fadris; and thou madist to thee a name, as also in this dai.

stylus

Jeremiah 32:20, Daniel 9:15, Jeremiah 32:20, Daniel 9:15, Isaiah 63:12

11And thou departidist the see bifor hem, and thei passiden thorou the `myddis of the see in the drie place; forsothe thou castidist doun the pursueris of hem into depthe, as a stoon in strong watris.

stylus

Psalms 78:13, Psalms 78:13, Exodus 14:27, Exodus 14:28, Exodus 14:21

12And in a piler of cloude thou were the ledere of hem bi dai, and in a piler of fier bi nyyt, that the weie, bi which thei entriden, schulde appere to hem.

stylus

Exodus 13:21, Exodus 13:22, Exodus 13:21, Exodus 13:22, Nehemiah 9:19

13Also thou camest doun at the hil of Synai, and spakist with hem fro heuene, and thou yauest to hem riytful domes, and the lawe of trewthe, cerymonyes, and goode comaundementis.

stylus

Exodus 20:1, Psalms 119:160, Exodus 20:1, Psalms 119:160, Exodus 19:11

14And thou schewidist to hem an halewid sabat; and thou comaundidist `to hem comaundementis, and cerymonyes, and lawe, in the hond of Moises, thi seruaunt.

stylus

Exodus 20:8, Exodus 20:11, Exodus 20:8, Exodus 20:11, Ezekiel 20:12

15Also thou yauest to hem breed fro heuene in her hungur; and thou leddist out of the stoon watir to hem thirstinge; and thou seidist to hem, that thei schulden entre, and haue in possessioun the lond, on which lond thou reisidist thin hond, that thou schuldist yyue it to hem.

stylus

1 Corinthians 10:3, 1 Corinthians 10:4, 1 Corinthians 10:3, 1 Corinthians 10:4, Deuteronomy 1:8

16But `thei and oure fadris diden proudli, and maden hard her nollis, and herden not thi comaundementis.

stylus

Nehemiah 9:29, Nehemiah 9:29, Psalms 81:11, Psalms 81:14, Psalms 81:11

17And thei nolden here; and thei hadden not mynde of thi merueils, which thou haddist do to hem; and thei maden hard her nollis; and thei yauen the heed, that thei `weren al turned to her seruage as bi strijf; but thou art God helpful, meke, and merciful, abidynge longe, `ether pacient, and of myche merciful doyng, and forsokist not hem;

stylus

Psalms 86:5, Psalms 86:5, Joel 2:13, Joel 2:13, Psalms 86:15

18and sotheli whanne thei hadden maad to hem a yotun calf, as bi strijf, and hadden seid, This is thi God, that `ledde thee out of Egipt, and thei diden grete blasfemyes.

stylus

Psalms 106:19, Psalms 106:23, Psalms 106:19, Psalms 106:23, Exodus 32:4

19But thou in thi many mercyes leftist not hem in deseert; for a piler of cloude yede not awei fro hem bi the dai, that it schulde lede hem in to the weie; and a piler of fier yede not awei `fro hem bi nyyt, that it schulde schewe to hem the weie, bi which thei schulden entre.

stylus

Psalms 106:45, Nehemiah 9:27, Psalms 106:45, Nehemiah 9:27, Malachi 3:6

20And thou yauest to hem thi good Spirit, that tauyte hem; and thou forbedist not thin aungels mete fro her mouth, and thou yauest to hem water in thirst.

stylus

Psalms 143:10, Psalms 143:10, Numbers 11:17, Numbers 11:17, Isaiah 63:11

21Fourti yeer thou feddist hem in deseert, and no thing failide to hem; her clothis wexiden not elde, and her feet weren not hirt.

stylus

Deuteronomy 2:7, Deuteronomy 2:7, Deuteronomy 8:4, Deuteronomy 8:4, Psalms 34:10

22And thou yauest to hem rewmes, and puplis; and thou departidist lottis, `ether eritagis, to hem, and thei hadden in possessioun the lond of Seon, and the lond of the kyng of Esebon, and the lond of Og, kyng of Basan.

stylus

Numbers 21:21, Numbers 21:35, Numbers 21:21, Numbers 21:35, Psalms 136:17

23And thou multipliedist the sones of hem, as the sterris of heuene; and thou brouytist hem to the lond, of which thou seidist to her fadris, that thei schulden entre, and holde it in possessioun.

stylus

Genesis 22:17, Genesis 22:17, Genesis 15:5, Genesis 15:5, Genesis 15:18

24And the sones of Israel camen, and hadden the lond in possessioun; and bifor hem thou madist low the dwellers of the lond, Cananeis; and thou yauest hem in to the hondis of the sones of Israel, and the kyngis of hem, and the puplis of the lond, that thei diden to hem, as it pleside hem.

stylus

Joshua 21:43, Joshua 21:43, Joshua 18:1, Joshua 11:23, Psalms 44:2

25And thei token citees maad strong, and fat erthe; and thei hadden in possessioun housis fulle of alle goodis, cisternes maad of othere men, vineris, and places of olyues, and many apple trees. And thei eeten, and weren fillid, and weren maad fat; and hadden plentee of ritchessis `in thi greet goodnesse.

stylus

Deuteronomy 32:15, Deuteronomy 32:15, Nehemiah 9:35, Nehemiah 9:35, Deuteronomy 3:5

26Sotheli thei terriden thee to wrathfulnesse, and yeden awei fro thee, and castiden awei thi lawe bihynde her backis; and thei killiden thi prophetis, that witnessiden to hem, that thei schulden turne ayen to thee; and thei diden grete blasfemyes.

stylus

1 Kings 14:9, 1 Kings 14:9, Judges 2:11, Judges 2:12, Judges 2:11

27And thou yauest hem in to the hond of her enemyes; and thei turmentiden hem; and in the tyme of her tribulacioun thei crieden to thee; and thou herdist them fro heuyn, and bi thi many merciful doyngis thou yauest hem sauyours, that sauyden hem fro the hond of her enemyes.

stylus

Psalms 106:41, Psalms 106:45, Psalms 106:41, Psalms 106:45, Daniel 9:10

28And whanne thei hadden restid, thei turneden ayen to do yuel in thi siyt; and thou forsokist hem in the hond of her enemyes, and enemyes hadden hem in possessioun; and thei weren conuertid, and thei crieden to thee; forsothe thou herdist hem fro heuene, and delyueridist hem `in thi mercies in many tymes.

stylus

Judges 5:31, Judges 6:1, Judges 5:31, Judges 6:1, Judges 3:30

29And thou witnessidist to hem, that thei schulden turne ayen to thi lawe; but thei diden proudli, and herden not thin heestis, and synneden in thi domes, whiche a man that schal do schal lyue in tho; and thei yauen the schuldre goynge awei, and thei maden hard her nol.

stylus

Nehemiah 9:16, Nehemiah 9:16, Leviticus 18:5, Leviticus 18:5, Nehemiah 9:26

30And thou drowist along many yeeris on hem, and thou witnessidist to hem in thi Spirit bi the hond of thi prophetis; and thei herden not; and thou yauest hem in to the hond of the puplis of londis.

stylus

Romans 2:4, Romans 2:4, 2 Kings 17:13, 2 Kings 17:18, Acts 7:51

31But in thi mercies ful manye thou madist not hem in to wastyng, nethir thou forsokist hem; for thou art God of merciful doynges, and meke.

stylus

Jeremiah 4:27, Nehemiah 9:17, Jeremiah 4:27, Nehemiah 9:17, Exodus 34:6

32Now therfor, oure Lord God, greet God, strong, and ferdful, kepynge couenaunt and merci, turne thou not awei thi face in al the trauel that foond vs, oure kyngis, and oure princes, and oure fadris, and oure preestis, and oure profetis, and al thi puple, fro the daies of kyng Assur til to this dai.

stylus

Deuteronomy 7:9, Nehemiah 1:5, Deuteronomy 7:9, Nehemiah 1:5, Daniel 9:4

33And thou art iust in alle thingis, that camen on vs, for thou didist trewthe to vs; but we han do wickidli.

stylus

Genesis 18:25, Psalms 106:6, Genesis 18:25, Psalms 106:6, Daniel 9:5

34Oure kyngis, and oure princes, oure prestis, and fadris `diden not thi lawe; and thei perseyueden not thin heestis and witnessyngis, whiche thou witnessidist in hem.

stylus

Jeremiah 29:19, 2 Kings 17:13, Jeremiah 29:19, 2 Kings 17:13, Deuteronomy 31:21

35And thei in her good rewmes, and in thi myche goodnesse, which thou yauest to hem, and in the largest lond and fat, whych thou haddist youe in the siyt of hem, serueden not thee, nether turneden ayen fro her werste studies.

stylus

Deuteronomy 28:47, Deuteronomy 28:47, Deuteronomy 32:12, Deuteronomy 32:15, Jeremiah 5:19

36Lo! we `vs silf ben thrallis to dai; and the lond which thou yauest to oure fadris, that thei schulden ete the breed therof, and the goodis that ben therof, `is thral; and we `vs silf ben thrallis, `ethir boonde men, in that lond.

stylus

Ezra 9:9, Ezra 9:9, Deuteronomy 28:48, Deuteronomy 28:48, 2 Chronicles 12:8

37And the fruytis therof ben multiplied to kyngis, whiche thou hast set on vs for oure synnes; and thei ben lordis of oure bodies, and of oure beestis, bi her wille, and we ben in greet tribulacioun.

stylus

Deuteronomy 28:33, Deuteronomy 28:33, Deuteronomy 28:48, Deuteronomy 28:48, Ezra 7:24

38Therfor on alle these thingis we `vs silf smyten and writen boond of pees, and oure princes, oure dekenes, and oure prestis aseelen.

stylus

Nehemiah 10:1, Nehemiah 10:1, Ezra 10:3, Nehemiah 10:29, 2 Chronicles 34:31