1And the seuenthe monethe `was comun vndur Esdras and Neemye; sotheli the sones of Israel weren in her cytees. And al the puple was gaderid togydere as o man, to the street which is bifor the yate of watris. And thei seiden to Esdras, the scribe, that he schulde brynge the book of the lawe of Moises, which the Lord hadde comaundid to Israel.

stylus

Ezra 7:6, Ezra 7:6, 2 Chronicles 34:15, Nehemiah 3:26, 2 Chronicles 34:15

2Therfor Esdras, the preest, brouyte the lawe bifor the multitude of men and of wymmen, and bifor alle that myyten vndurstonde, `in the firste day of the seuenth monethe.

stylus

Leviticus 23:24, Leviticus 23:24, Malachi 2:7, Malachi 2:7, Numbers 29:1

3And he redde in it opynli in the street that was bifor the yate of watris, fro the morewtid `til to myddai, in the siyt of men and of wymmen and of wise men; and the eeris of al the puple weren reisid to the book.

stylus

Revelation 3:22, Revelation 3:22, Revelation 2:29, Luke 4:16, Luke 4:20

4Forsothe Esdras the writere stood on the grees of tree, which he hadde maad to speke theron; and Mathatie, and Semma, and Ananye, and Vrie, and Elchie, and Maasie stoden bisidis hym at his riyt half; and Phadaie, Mysael, and Melchie, Assum, and Aseph, Dana, and Zacharie, and Mosollam stoden at the left half.

stylus

Nehemiah 10:18, Ezra 10:29, Nehemiah 11:7, Nehemiah 12:13, Nehemiah 11:5

5And Esdras openyde the book bifor al the puple; for he apperide ouer al the puple; and whanne he hadde openyd the book, al the puple stood.

stylus

Judges 3:20, Judges 3:20, 1 Kings 8:14, 1 Kings 8:14, Luke 4:16

6And Esdras blesside the Lord God with greet vois; and al the puple answeride, Amen, Amen, reisynge her hondis. And thei weren bowid, and thei worschipiden God, lowli on the erthe.

stylus

1 Timothy 2:8, 1 Timothy 2:8, Lamentations 3:41, Exodus 4:31, Lamentations 3:41

7Forsothe Josue, and Baany, and Serebie, Jamyn, Acub, Septhai, Odia, Maasie, Celitha, Ayarie, Jozabeth, Anan, Phallaie, dekenes, maden silence in the puple for to here the lawe. Sotheli the puple stood in her degree.

stylus

Nehemiah 9:4, Nehemiah 9:4, Leviticus 10:11, Leviticus 10:11, Nehemiah 3:23

8And thei redden in the book of Goddis lawe distinctli, `ether atreet, and opynli to vndurstonde; `and thei vndurstoden, whanne it was red.

stylus

Acts 28:23, Luke 24:45, Acts 28:23, Luke 24:45, Luke 24:27

9Forsothe Neemye seide, he is Athersata, and Esdras, the preest and writere, and the dekenes, expownynge to al the puple, It is a dai halewid to `oure Lord God; nyle ye morne, and nyle ye wepe. For al the puple wepte, whanne it herde the wordis of the lawe.

stylus

Nehemiah 7:70, Nehemiah 7:65, Nehemiah 7:70, Nehemiah 7:65, Deuteronomy 12:12

10And he seide to hem, Go ye, and `ete ye fatte thingis, and drynke ye wiyn `maad swete with hony, and sende ye partis to hem, that maden not redi to hem silf, for it is an hooli dai of the Lord; `nyle ye be sory, for the ioye of the Lord is youre strengthe.

stylus

Psalms 28:7, Psalms 28:8, Psalms 28:7, Psalms 28:8, Proverbs 17:22

11Sotheli the dekenes maden silence in al the puple, and seiden, Be ye stille, for it is an hooli dai, and `nyle ye make sorewe.

stylus

Numbers 13:30, Numbers 13:30

12Therfor al the puple yede for to ete, and drynke, and to sende partis, and `to make greet gladnesse; for thei vndurstoden the wordis, whiche he hadde tauyt hem.

stylus

Psalms 119:174, Psalms 119:174, Psalms 119:127, Psalms 119:171, Psalms 119:72

13And in the secound dai the princes of meynees, alle the puplis, prestis, and dekenes, weren gaderid togidere to Esdras, the writere, that he schulde expowne to hem the wordis of the lawe.

stylus

Proverbs 12:1, Proverbs 8:33, Proverbs 8:34, Proverbs 2:1, Proverbs 2:6

14And thei foundun writun in the lawe, that the Lord comaundide `in the hond of Moyses, that the sones of Israel dwelle in tabernaclis in the solempne dai, in the seuenthe moneth;

stylus

Leviticus 23:34, Leviticus 23:34, Deuteronomy 16:13, Deuteronomy 16:15, Leviticus 23:40

15and that thei preche, and pupplische a vois in alle her citees, and in Jerusalem; and seie, Go ye out in to the hil, and brynge ye bowis of olyue, and bowis of the faireste tree, the bowis of a myrte tree, and the braunchis of a palm tree, and the bowis of a `tree ful of wode, that tabernaclis be maad, as it is writun.

stylus

Leviticus 23:40, Leviticus 23:40, Leviticus 23:4, Deuteronomy 16:16, Leviticus 23:4

16And al the puple yede out, and thei brouyten, and maden to hem silf tabernaclis, `ech man in `his hows roof, and in her stretis, `ether foryerdis, and in the large placis of Goddis hows, and in the street of the yate of watris, and in the street of the yate of Effraym.

stylus

2 Kings 14:13, Nehemiah 12:39, 2 Kings 14:13, Nehemiah 12:39, Nehemiah 12:37

17Therfor al the chirche of hem, that camen ayen fro caytifte, made tabernaclis, and thei dwelliden in tabernaclis. For the sones of Israel hadden not do siche thingis fro the daies of Josue, sone of Nun, `til to that dai; and ful greet gladnesse was.

stylus

2 Chronicles 8:13, 2 Chronicles 8:13, Ezra 3:4, 2 Chronicles 7:8, 2 Chronicles 7:10

18Forsothe Esdras radde in the book of Goddis lawe bi alle daies, fro the firste dai `til to the laste dai; and thei maden solempnytee bi seuene daies, and in the eiyte day thei maden a gaderyng of siluer, `bi the custom.

stylus

Numbers 29:35, Leviticus 23:36, Numbers 29:35, Leviticus 23:36, Deuteronomy 31:10