1Here ye whiche thingis the Lord spekith. Rise thou, stryue thou bi doom ayens mounteyns, and litle hillis here thi vois.

stylus

Deuteronomy 32:39, Deuteronomy 32:39, Job 5:18, Job 5:18, 1 Samuel 2:6

2Mounteyns, and the stronge foundementis of erthe, here the doom of the Lord; for the doom of the Lord with his puple, and he schal be demyd with Israel.

stylus

2 Kings 20:5, 2 Kings 20:5, Ezekiel 37:11, Ezekiel 37:13, Ezekiel 37:11

3Mi puple, what haue Y don to thee, ether what was Y greuouse to thee? Answere thou to me.

stylus

Hosea 14:5, Jeremiah 24:7, Psalms 72:6, Hosea 14:5, Jeremiah 24:7

4For Y ledde thee out of the lond of Egipt, and of the hous of seruage Y delyuerede thee; and Y sente bifore thi face Moises, and Aaron, and Marye.

stylus

Hosea 13:3, Hosea 11:8, Hosea 13:3, Hosea 11:8, Psalms 78:34

5My puple, bithenke, Y preie, what Balaac, kyng of Moab, thouyte, and what Balaam, sone of Beor, of Sethym, answeride to hym til to Galgala, that thou schuldist knowe the riytwisnesse of the Lord.

stylus

Jeremiah 23:29, Jeremiah 23:29, Jeremiah 1:10, Jeremiah 1:10, Jeremiah 5:14

6What worthi thing schal Y offre to the Lord? schal Y bowe the knee to the hiye God? Whether Y schal offre to hym brent sacrifices, and calues of o yeer?

stylus

Matthew 9:13, Matthew 9:13, Matthew 12:7, Matthew 12:7, Proverbs 21:3

7Whether God mai be paid in thousyndis of wetheris, ether in many thousyndis of fatte geet buckis? Whether Y schal yyue my firste bigetun for my greet trespas, the fruyt of my wombe for synne of my soule?

stylus

Hosea 8:1, Hosea 5:7, Hosea 8:1, Hosea 5:7, Job 31:33

8Y schal schewe to thee, thou man, what is good, and what the Lord axith of thee; forsothe for to do doom, and for to loue merci, and be bisi for to walke with thi God.

stylus

Hosea 12:11, Hosea 12:11, Matthew 26:15, Matthew 26:16, 1 Kings 2:5

9The vois of the Lord crieth to the citee, and heelthe schal be to alle men dredynge thi name. Ye lynagis, here; and who schal approue it?

stylus

Zephaniah 3:3, Hosea 5:1, Hosea 7:1, Zephaniah 3:3, Hosea 5:1

10Yit fier is in the hous of the vnpitouse man, the tresouris of wickidnesse, and a lesse mesure ful of wraththe.

stylus

Hosea 5:3, Hosea 5:3, Jeremiah 23:14, Jeremiah 5:30, Jeremiah 5:31

11Whether Y schal iustifie the wickid balaunce, and the gileful weiytis of litil sak,

stylus

Joel 3:13, Joel 3:13, Jeremiah 51:33, Job 42:10, Jeremiah 51:33

12in whiche riche men therof ben fillid with wickidnesse? And men dwellynge ther ynne spaken leesyng, and the tunge of hem was gileful in the mouth of hem.

stylus

13And Y therfor bigan for to smyte thee, in perdicioun on thi synnes.

stylus

14Thou schalt ete, and schalt not be fillid, and thi mekyng is in the middil of thee; and thou schalt take, and schalt not saue; and which thou schalt saue, Y schal yyue in to swerd.

stylus

15Thou schalt sowe, and schal not repe; thou schalt trede the `frut of oliue, and schalt not be anoyntid with oile; and must, and schalt not drynke wyn.

stylus

16And thou keptist the heestis of Amry, and al the werk of the hous of Acab, and hast walkid in the lustis of hem, that Y schulde yyue thee in to perdicioun, and men dwellynge in it in to scornyng, and ye schulen bere the schenschipe of my puple.

stylus