1And in the laste of daies the hil of the hous of the Lord schal be maad redi in the cop of hillis, and hiy ouer smale hillis. And puplis schulen flete to him, and many puplis schulen haaste,

stylus

Jeremiah 4:22, Jeremiah 4:22, Micah 6:2, Micah 6:2, Isaiah 3:13

2and shulen seie, Come ye, stie we til to the hil of the Lord, and to the hous of God of Jacob; and he schal teche vs of hise weies, and we schulen go in hise pathis. For lawe schal go out fro Syon, and the word of the Lord fro Jerusalem;

stylus

Hosea 6:9, Hosea 6:9, Hosea 7:1, 1 Thessalonians 2:15, Jeremiah 5:26

3and he schal deme bitwixe many puplis, and schal chastise stronge folkis til in to fer. And thei schulen bete togidere her swerdis in to scharis, and her speris in to picoisis; a folc schal not take swerd ayens folc, and thei schulen no more lerne for to fiyte.

stylus

Zephaniah 1:3, Zephaniah 1:3, Isaiah 24:4, Isaiah 24:12, Nahum 1:4

4And a man schal sitte vndur his vyneyerd, and vndur his fige tree; and ther schal not be that schal make aferd, for the mouth of the Lord of oostis spak.

stylus

Deuteronomy 17:12, Deuteronomy 17:12, Hosea 4:17, Amos 5:13, Hosea 4:17

5For alle puplis schulen go, ech man in the name of his Lord God; but we schulen walke in the name of oure Lord God in to the world, and ouer.

stylus

Hosea 2:2, Jeremiah 15:8, Hosea 2:2, Jeremiah 15:8, Galatians 4:26

6In that dai, seith the Lord, Y schal gadere the haltynge, and Y schal gadere hir that Y castide awei, and whom Y turmentide Y schal coumforte.

stylus

Isaiah 5:13, Isaiah 5:13, Proverbs 19:2, Proverbs 19:2, Hosea 6:6

7And Y schal putte the haltynge in to relifs, ether remenauntis, and hir that trauelide, in a strong folc. And the Lord schal regne on hem in the hil of Sion, fro this now and til in to with outen ende.

stylus

Hosea 13:6, Hosea 13:6, Philippians 3:19, 1 Samuel 2:30, Philippians 3:19

8And thou, `derk tour of the floc of the douyter of Sion, `til to thee he schal come, and the first power schal come, the rewme of the douytir of Jerusalem.

stylus

Isaiah 56:11, Isaiah 56:11, Micah 3:11, Titus 1:11, Micah 3:11

9Now whi art thou drawun togidere with mournyng? whether a kyng is not to thee, ether thi counselour perischide? for sorowe hath take thee, as a womman trauelinge of child.

stylus

Isaiah 24:2, Jeremiah 5:31, Isaiah 24:2, Jeremiah 5:31, Matthew 15:14

10Thou douyter of Sion, make sorewe, and haaste, as a womman trauelynge of child; for now thou schalt go out of the citee, and schalt dwelle in cuntree, and schalt come `til to Babiloyne; there thou schalt be delyuered, there the Lord schal ayen bie thee, fro the hond of thin enemyes.

stylus

Micah 6:14, Micah 6:14, Leviticus 26:26, Leviticus 26:26, Haggai 1:6

11And now many folkis ben gaderid on thee, whiche seien, Be it stonyd, and oure iye biholde in to Sion.

stylus

Proverbs 20:1, Proverbs 20:1, Luke 21:34, Isaiah 28:7, Luke 21:34

12Forsothe thei knewen not the thouytis of the Lord, and vndurstoden not the councel of hym, for he gaderide hem as the hei of feeld.

stylus

Jeremiah 2:27, Hosea 5:4, Jeremiah 2:27, Hosea 5:4, Habakkuk 2:19

13Rise thou, douyter of Sion, and threische, for Y schal putte thin horn of irun, and Y schal putte thi nailis brasun; and thou schalt make lesse, ether waste, many puplis, and schalt sle to the Lord the raueyns of hem, and the strengthe of hem to the Lord of al erthe.

stylus

Isaiah 1:29, Isaiah 1:29, Ezekiel 6:13, Jeremiah 3:6, Ezekiel 6:13