1Lo! Y sende myn aungel, and he schal make redi weie bifor my face; and anoon the lordshipere, whom ye seken, schal come to his hooli temple, and the aungel of testament, whom ye wolen. Lo! he cometh, seith the Lord of oostis;

stylus

Habakkuk 2:12, Zephaniah 3:1, Zephaniah 3:3, Habakkuk 2:12, Zephaniah 3:1

2and who schal mowe thenke the dai of his comyng? and who schal stonde for to se hym? For he schal be as fier wellynge togidere, and as erbe of fulleris;

stylus

Jeremiah 47:3, Jeremiah 47:3, Nahum 2:3, Nahum 2:4, Nahum 2:3

3and he schal sitte wellynge togidere and clensynge siluer, and he schal purge the sones of Leuy; and he schal purge hem as gold and as siluer, and thei schulen be offrynge to the Lord sacrifices in riytfulnesse.

stylus

Ezekiel 39:4, Habakkuk 3:11, Ezekiel 39:4, Habakkuk 3:11, Isaiah 34:3

4And the sacrifice of Juda and of Jerusalem schal plese to the Lord, as the daies of the world, and as olde yeeris.

stylus

Isaiah 47:9, Isaiah 47:9, Isaiah 47:12, Isaiah 47:13, Isaiah 47:12

5And Y schal come to you in doom, and Y schal be a swift witnesse to mysdoeris, `ether enchaunteris of deuelis craft, and to auouteris, and forsworn men, and that falsli calengen the hire of the hirid man, and widewis, and fadirles, `ether modirles, children, and oppressen a pilgrym, `nether dredden me, seith the Lord of oostis.

stylus

Jeremiah 13:26, Jeremiah 13:26, Ezekiel 23:29, Jeremiah 13:22, Nahum 2:13

6Forsothe Y am the Lord, and am not chaungid; and ye sones of Jacob ben not wastid.

stylus

Malachi 2:9, Malachi 2:9, Job 9:31, Jeremiah 51:37, Job 9:31

7Forsothe fro daies of youre fadris ye wenten awei fro my lawful thingis, and kepten not; turne ye ayen to me, and Y schal ayen turne to you, seith the Lord of oostis. And ye seiden, In what thing schulen we turne ayen?

stylus

Jeremiah 15:5, Isaiah 51:19, Jeremiah 15:5, Isaiah 51:19, Revelation 18:10

8If a man schal turmente God, for ye `togidere fitchen me. And ye seiden, In what thing `togidere fitchen we thee? In tithis and in `firste fruitis;

stylus

Amos 6:2, Amos 6:2, Ezekiel 30:14, Ezekiel 30:16, Ezekiel 30:14

9and ye ben cursid in nedynesse, and alle ye folc disseyuen me, and `togidere fitchen.

stylus

Ezekiel 27:10, Ezekiel 30:5, Ezekiel 27:10, Ezekiel 30:5, Genesis 10:6

10Brynge ye yn ech tithe in to my berne, that mete be in myn hous, and preue ye me on this thing, seith the Lord, if Y schal not opene to you the goteris of heuene, and schal schede out to you blessyng, til to aboundaunce.

stylus

Isaiah 20:4, Isaiah 20:4, Joel 3:3, Hosea 13:16, Obadiah 1:11

11And Y schal blame for you that that deuourith, and he schal not distrie the fruit of youre lond; nether bareyn vyneyerd schal be in the feeld,

stylus

Isaiah 49:26, Isaiah 2:10, Isaiah 49:26, Isaiah 2:10, Psalms 75:8

12seith the Lord of oostis, and alle folkis schulen seie you blessid; for ye schulen be a desirable lond, seith the Lord of oostis.

stylus

Revelation 6:13, Revelation 6:13, Isaiah 28:4, Habakkuk 1:10, Isaiah 28:4

13Youre wordis wexiden strong on me, seith the Lord; and ye seiden, What han we spokun ayens thee?

stylus

Jeremiah 51:30, Jeremiah 51:30, Isaiah 19:16, Isaiah 19:16, Jeremiah 50:37

14And ye seiden, He is veyn, that serueth God; and what wynnyng for we kepten hise heestis, and for we wenten sorewful bifore the Lord of oostis?

stylus

2 Chronicles 32:3, 2 Chronicles 32:4, Nahum 2:1, 2 Chronicles 32:3, 2 Chronicles 32:4

15Therfor now we seien proude men blessid; for thei ben bildid doynge vnpitee, and thei temptiden God, and ben maad saaf.

stylus

Joel 1:4, Joel 1:4, Nahum 3:13, Nahum 2:13, Nahum 3:13

16Thanne men dredynge God spaken, ech with his neiybore; and the Lord perseyuede, and herde, and a book of mynde is writun bifor hym to `men dredynge God, and thenkynge his name.

stylus

Genesis 22:17, Genesis 15:5, Jeremiah 33:22, Nehemiah 9:23, Genesis 22:17

17And thei schulen be to me, seith the Lord of oostis, in the dai in which Y schal make, in to a special tresour; and Y schal spare hem, as a man sparith his sone seruynge to hym.

stylus

Revelation 9:7, Jeremiah 51:27, Revelation 9:7, Jeremiah 51:27

18And ye schulen be conuertid, and ye schulen se, what is bitwixe the iust man and vnpitouse, bitwixe `the seruynge to the Lord and `not seruynge to hym.

stylus

1 Kings 22:17, 1 Kings 22:17, Psalms 76:5, Psalms 76:6, Psalms 76:5