1Forsothe Abymelech, the sone of Gerobaal, yede in to Sichem to the britheren of his modir; and he spak to hem, and to al the kynrede of `the hows of his modir, and seide,

stylus

Judges 8:31, Judges 8:31, Psalms 83:2, Psalms 83:4, Psalms 83:2

2Speke ye to alle the men of Sichem, What is betere to you, that seuenti men, alle the sones of Gerobaal, be lordis of you, whether that o man be lord to you? and also biholde, for Y am youre boon, and youre fleisch.

stylus

Judges 8:30, Genesis 29:14, Judges 8:30, Genesis 29:14, Hebrews 2:14

3And the britheren of his modir spaken of hym alle these wordis to alle the men of Sichem; and bowiden her hertis aftir Abymelech, and seiden, He is oure brother.

stylus

Genesis 29:15, Genesis 29:15, Psalms 10:3, Proverbs 1:11, Proverbs 1:14

4And thei yauen to hym seuenti weiytis of siluer of the temple of Baal Berith; and he hiride to hym therof men pore and hauynge no certeyn dwellynge, and thei sueden hym.

stylus

Judges 8:33, Judges 8:33, 2 Chronicles 13:7, Judges 11:3, Acts 17:5

5And he cam in to `the hows of his fadir in Ephra, and killide hise britheren the sones of Gerobaal, `seuenti men, on o stoon. And Joathan, the leste sone of Gerobaal, lefte, and was hid.

stylus

2 Kings 11:1, 2 Kings 11:2, 2 Kings 11:1, 2 Kings 11:2, 2 Chronicles 21:4

6Forsothe alle the men of Sichem, and alle the meynees of the citee of Mello, weren gadirid to gydere, and thei yeden, and maden Abymelech kyng, bysidis the ook that stood in Sichem.

stylus

2 Samuel 5:9, 2 Samuel 5:9, 1 Kings 12:25, 2 Kings 12:20, 1 Kings 12:1

7And whanne this thing was teld to Joathan, he yede, and stood in the cop of the hil Garisym, and cried with `vois reisid, and seide, Ye men of Sichem, here me, so that God here you.

stylus

Deuteronomy 11:29, Deuteronomy 11:29, Deuteronomy 27:12, John 4:20, Deuteronomy 27:12

8Trees yeden to anoynte a kyng on hem; and tho seiden to the olyue tre, Comaunde thou to vs.

stylus

Judges 8:22, Judges 8:23, 2 Kings 14:9, Daniel 4:10, Daniel 4:18

9Whiche answeride, Whether Y may forsake my fatnesse, which bothe Goddis and men vsen, and come, that Y be auaunsid among trees?

stylus

Exodus 29:7, Exodus 29:2, 1 Kings 19:15, 1 Kings 19:16, Acts 10:38

10And the trees seiden to the fige tree, Come thou, and take the rewme on vs.

stylus

11Which answeride to hem, Whether Y may forsake my swetnesse and swetteste fruytis, and go that Y be auaunsid among othere trees?

stylus

Luke 13:6, Luke 13:7, Luke 13:6, Luke 13:7

12Also `the trees spaken to the vyne, Come thou, and comaunde to vs.

stylus

13Which answeride, Whether Y may forsake my wyn, that gladith God and men, and be auaunsid among othere trees?

stylus

Psalms 104:15, Ecclesiastes 10:19, Psalms 104:15, Ecclesiastes 10:19, Numbers 15:5

14And alle trees seiden to the ramne, ether theue thorn, Come thou, and be lord on vs.

stylus

2 Kings 14:9, 2 Kings 14:9

15Whiche answeride to hem, If ye maken me verili kyng to you, come ye, and reste vndur my schadewe; sotheli, if ye nylen, fier go out of the ramne, and deuoure the cedris of the Liban.

stylus

Isaiah 30:2, Isaiah 30:2, Hosea 14:7, Judges 9:20, Isaiah 2:13

16Now therfor if riytfuli and without synne `ye han maad Abymelech kyng on you, and ye han do wel with Jerobaal, and with his hows, and ye han yolde while to the benefices of hym,

stylus

Judges 8:35, Judges 8:35

17that fauyt for you, and yaf his lijf to perelis, that he schulde delyuere you fro the hond of Madian;

stylus

Romans 5:8, Judges 8:4, Judges 8:10, Judges 7:1, Judges 7:25

18and ye han rise now ayens the hows of my fadir, and han slayn hyse sones, seuenti men, on o stoon, and `han maad Abymelech, sone of his handmayde, kyng on the dwelleris of Sichem, for he is youre brother;

stylus

Judges 9:5, Judges 9:6, Judges 9:5, Judges 9:6, Judges 9:14

19therfor if ye han do riytfuli, and with out synne with Gerobaal and his hows, to dai be ye glad in Abymelech, and be he glad in you; but if ye han do weiwardli,

stylus

Isaiah 8:6, Isaiah 8:6, Philippians 3:3, James 4:16, Philippians 3:3

20fier go out `of hym, and waste the dwelleris of Sichem, and the citee of Mello; and fier go out of the men of Sichem, and of the citee of Mello, and deuoure Abymelech.

stylus

Judges 9:15, Judges 9:15, Judges 9:56, Judges 9:57, 2 Chronicles 20:22

21And whanne he hadde seide these thingis, he fledde, and yede in to Berara, and dwellide there, for drede of Abymelech, his brother.

stylus

Numbers 21:16, Numbers 21:16, 2 Samuel 20:14, Joshua 19:8, 2 Samuel 20:14

22And Abymelech regnede on Israel thre yeer.

stylus

23And the Lord sente the worste spirit bitwixe Abymelech and the dwelleris of Sichem, whiche bigynnen to holde hym abomynable,

stylus

Isaiah 33:1, Isaiah 33:1, Isaiah 19:14, Isaiah 19:14, Isaiah 19:2

24and to arette the felony of sleyng of seuenti sones of Gerobaal, and the schedyng out of her blood, in to Abymelech her brother, and to othere princes of Sichem, that hadden helpid hym.

stylus

1 Kings 2:32, 1 Kings 2:32, Esther 9:25, Psalms 7:16, Esther 9:25

25And thei settiden buyschementis ayens hym in the hiynesse of hillis; and the while thei abideden `the comyng of hym, thei hauntiden theftis, and token preies of men passynge forth; and it was teld to Abymelech.

stylus

Joshua 8:12, Joshua 8:13, Proverbs 1:11, Proverbs 1:12, Joshua 8:12

26Forsothe Gaal, `the sone of Obed, cam with his britheren, and passide in to Siccima; at whos entryng the dwelleris of Sichem weren reisid, and yeden out `in to feeldis,

stylus

Genesis 13:8, Genesis 19:7, Genesis 13:8, Genesis 19:7

27and wastiden vyneris, and `to-traden grapis; and with cumpeneys of syngeris maad thei entriden in to `the temple of her God, and among metis and drynkis thei cursiden Abymalech, while Gaal,

stylus

Judges 9:4, Judges 9:4, Luke 17:26, Luke 17:29, Daniel 5:23

28the sone of Obed, criede, Who is this Abymelech? And what is Sichem, that we serue hym? Whether he is not the sone of Jerobaal, and made Zebul his seruaunt prince on the men of Emor, fadir of Sichem? Whi therfor schulen we serue hym?

stylus

Genesis 34:2, Genesis 34:2, 1 Samuel 25:10, Genesis 34:6, 1 Samuel 25:10

29`Y wolde, that sum man yaf this puple vndur myn hond, that Y schulde take awei Abimelech fro the myddis. And it was seid to Abymelech, Gadere thou the multitude of oost, and come thou.

stylus

2 Samuel 15:4, 2 Samuel 15:4, Romans 1:30, Romans 1:31, 1 Kings 20:11

30For whanne the wordis of Gaal, sone of Obed, weren herd, Zebul, the prynce of the citee, was ful wrooth;

stylus

31and he sente priueli messangeris to Abymelech, and seide, Lo! Gaal, sone of Obed, cam in to Siccymam, with hise britheren, and he excitith the citee to fiyte ayens thee;

stylus

32therfor rise thou bi niyt with the puple, which is with thee, and be thou hid in the feeld;

stylus

Proverbs 1:11, Proverbs 1:16, Proverbs 4:16, Job 24:14, Job 24:17

33and first in the morewtid, whanne the sunne rysith, falle on the citee; forsothe whanne he goth out with his puple ayens thee, do thou to hym that that thou maist.

stylus

1 Samuel 10:7, 1 Samuel 10:7, Ecclesiastes 9:10, Ecclesiastes 9:10, Leviticus 25:26

34Therfor Abymelech roos with al his oost bi nyyt, and settide buyschementis bisidis Siccimam, in foure placis.

stylus

35And Gaal, the sone of Obed, yede out, and stood in the entryng of `the yate of the citee. Forsothe Abymelech and al the oost with hym roos fro the place of buyschementis.

stylus

36And whanne Gaal hadde seyn the puple, he seide to Zebul, Lo! a multitude cometh doun fro the hillis. To whom he answeride, Thou seest the schadewis of hillis as the `heedis of men, and thou art disseyued bi this errour.

stylus

Mark 8:24, Ezekiel 7:7, Mark 8:24, Ezekiel 7:7

37And eft Gaal seide, Lo! a puple cometh doun fro the myddis of erthe, `that is, fro the hiynesse of hillis, and o cumpeny cometh bi the weie that biholdith the ook.

stylus

Deuteronomy 18:14, Deuteronomy 18:14

38To whom Zebul seide, Where is now thi mouth, bi which thou spekist, Who is Abymelech, that we serue hym? Whether this is not the puple, whom thou dispisidist? Go thou out, and fiyte ayens hym.

stylus

Judges 9:28, Judges 9:29, Judges 9:28, Judges 9:29, 2 Samuel 2:26

39Therfor Gaal yede, while the puple of Sichen abood; and he fauyt ayens Abymelech.

stylus

40Which pursuede Gaal fleynge, and constreynede to go in to the citee; and ful many of his part felde doun `til to the yate of the citee.

stylus

1 Kings 20:18, 1 Kings 20:21, 1 Kings 20:30, 1 Kings 20:18, 1 Kings 20:21

41And Abymelech sat in Ranna; sotheli Zebul puttide Gaal and hise felowis out of the citee, and suffride not to dwelle ther ynne.

stylus

Judges 9:30, Judges 9:28, Judges 9:30, Judges 9:28

42Therfor in the dai suynge the puple yede out in to the feeld; and whanne this thing was teld to Abymelech,

stylus

43he took his oost, and departide `in to thre cumpenyes, and settide buyschementis in the feeldis; and he siy that the puple yede out of the citee, and he roos,

stylus

44and felde on hem with his cumpeny, and enpugnyde and bisegide the citee. Sothely twei cumpenyes yeden aboute opynli bi the feeld, and pursueden aduersaries.

stylus

Galatians 5:15, Judges 9:15, Judges 9:20, Galatians 5:15, Judges 9:15

45Certis Abymelech fauyt ayens the citee in al that dai, which he took, whanne the dwelleris weren slayn, and that citee was destried, so that he spreynte abrood salt ther ynne.

stylus

2 Kings 3:25, 2 Kings 3:25, Deuteronomy 29:23, Deuteronomy 29:23, James 2:13

46And whanne thei, that dwelliden in the tour of Sichem, hadde herd this, thei entriden in to the temple of her god Berith, where thei hadden maad boond of pees with hym; and of that the place took name, which place was ful strong.

stylus

Judges 8:33, Judges 8:33, Judges 9:4, Judges 9:4, Isaiah 28:15

47And Abymelech herde the men of the tour of Sichem gaderid to gidere,

stylus

48and he stiede in to the hil Selmon with al his puple; and with an axe takun he kittide doun a boow of a tre, and he bar it, put on the schuldur, and seide to felowis, Do ye this thing, which ye seen me do.

stylus

Psalms 68:14, Psalms 68:14, Judges 7:17, Judges 7:18, Proverbs 1:11

49Therfor with strijf thei kittiden doun bowis of the trees, and sueden the duyk; whiche cumpassiden and brenten `the tour; and so it was doon, that with smooke and fier a thousynde of men weren slayn, men togidere and wymmen, of the dwelleris of the tour of Sichem.

stylus

Judges 9:20, James 3:16, Galatians 5:15, Judges 9:15, Judges 9:20

50Forsothe Abymelech wente forth fro thennus, and cam to the citee of Thebes, which he cumpasside, and bisegide with an oost.

stylus

51Forsothe the tour was hiy in the myddis of the citee, to which men togidere and wymmen fledden, and alle the princes of the citee, while the yate was closid stronglieste; and thei stoden on the roof of the tour bi toretis.

stylus

52And Abymelech cam bisidis the tour, and fauyt strongli, and he neiyede to the dore, and enforside to putte fier vndur; and lo!

stylus

Judges 9:48, Judges 9:49, 2 Kings 14:10, 2 Kings 15:16, Judges 9:48

53o womman castide fro aboue a gobet of a mylnestoon, and hurtlide to `the heed of Abymelech, and brak his brayn.

stylus

2 Samuel 11:21, 2 Samuel 11:21, Job 31:3, Job 31:3, Judges 9:20

54And he clepide soone his squyer, and seide to hym, Drawe out thi swerd, and sle me, lest perauenture it be seid, that Y am slan of a womman. Which performede `the comaundementis, and `killide Abymelech;

stylus

1 Samuel 31:4, 1 Samuel 31:5, 1 Samuel 31:4, 1 Samuel 31:5

55and whanne he was deed, alle men of Israel that weren with hym turneden ayen to her seetis.

stylus

1 Kings 22:35, 1 Kings 22:36, 2 Samuel 18:16, Proverbs 22:10, 2 Samuel 20:21

56And God yeldide to Abymelech the yuel that he dide ayens his fadir, for he killide hise seuenti britheren.

stylus

Psalms 94:23, Psalms 94:23, Proverbs 5:22, Judges 9:24, Proverbs 5:22

57Also that thing was yoldun to men of Sichem, which thei wrouyten, and the curs of Joathan, sone of Jerobaal, cam on hem.

stylus

Judges 9:20, Judges 9:20, Judges 9:45, 1 Kings 16:34, Joshua 6:26