1Forsothe the sones of Israel diden yuel in the `siyt of the Lord, and he bitook hem in the hond of Madian seuene yeer.

stylus

Nehemiah 9:26, Nehemiah 9:29, Numbers 31:1, Numbers 31:3, Judges 2:19

2And thei weren oppressid of hem greetly; and `thei maden dichis, and dennes to hem silf in hillis, and strongeste places to fiyte ayen.

stylus

Hebrews 11:38, 1 Samuel 13:6, Hebrews 11:38, 1 Samuel 13:6, 1 Samuel 14:11

3And whanne Israel hadde sowe, Madian stiede, and Amalech, and othere of the `naciouns of the eest;

stylus

Judges 3:13, Judges 6:33, Judges 7:12, Judges 3:13, Judges 6:33

4and thei settiden tentis at the sones of Israel, and wastiden alle thingis `as tho weren in eerbis, ethir grene corn, `til to the entryng of Gaza, and outirli thei leften not in Israel ony thing perteynynge to lijf, not scheep, not oxun, not assis.

stylus

Leviticus 26:16, Leviticus 26:16, Deuteronomy 28:51, Deuteronomy 28:51, Micah 6:15

5For thei and alle her flockis camen with her tabernaclis, and at the licnesse of locustus thei filliden alle thingis, and a multitude of men and of camels was with out noumbre, and wastiden what euer thing thei touchiden.

stylus

Judges 7:12, Judges 7:12, Judges 8:10, Judges 8:10, Jeremiah 49:29

6And Israel was `maad low greetli in the siyt of Madian.

stylus

Judges 3:9, Judges 3:9, Psalms 50:15, Psalms 106:43, Psalms 106:44

7And Israel criede to the Lord, `and axyde help ayens Madianytis; and he sente to hem a man,

stylus

8a profete, and he spak, The Lord God of Israel seith these thingis, Y made you to stie fro Egipt, and Y ledde you out of the hows of seruage,

stylus

Ezekiel 20:5, Ezekiel 20:32, Ezekiel 20:5, Ezekiel 20:32, Isaiah 63:9

9and Y delyueride you fro the hond of Egipcians, and of alle enemyes that turmentiden you; and Y castide hem out at youre entryng, and Y yaf to you `the lond of hem;

stylus

Psalms 44:2, Psalms 44:3, Psalms 44:2, Psalms 44:3

10and Y seide, Y am `youre Lord God; drede ye not the goddis of Ammorreis, in whose lond ye dwellen; and ye nolden here my vois.

stylus

Jeremiah 10:2, Jeremiah 10:2, Jeremiah 9:13, 2 Kings 17:35, 2 Kings 17:39

11Forsothe an aungel of the Lord cam, and sat undur an ook, that was in Effra, and perteynede to Joas, fadir of the meinee of Ezri. And whanne Gedeon, `his sone, threischide out, and purgide wheetis in a pressour,

stylus

Joshua 17:2, Joshua 17:2, Hebrews 11:32, Hebrews 11:32, Judges 13:3

12that he schulde fle Madian, an aungel of the Lord apperide to hym, and seide, The Lord be with thee, thou strongeste of men.

stylus

Luke 1:28, Joshua 1:5, Luke 1:28, Joshua 1:5, Judges 2:18

13And Gedeon seide to hym, My lord, Y biseche, if the Lord is with vs, whi therfor han alle these yuels take vs? Where ben the merueils of hym, whiche oure fadris telden, and seiden, The Lord ledde vs out of Egipt? `Now forsothe he hath forsake vs, and hath bitake vs in the hond of Madian.

stylus

Psalms 77:7, Psalms 77:9, Psalms 77:7, Psalms 77:9, 2 Chronicles 15:2

14And the Lord bihelde to hym, and seide, Go thou in this strengthe of thee, and thou schalt delyuere Israel fro the hond of Madian; wite thou, that Y sente thee.

stylus

Hebrews 11:34, Hebrews 11:34, Joshua 1:5, Joshua 1:9, Joshua 1:5

15Which Gedeon answeride, and seide, My lord, Y biseche, in what thing schal Y delyuere Israel? Lo! my meynee is the loweste in Manasses, and Y am the leeste in the hows of my fadir.

stylus

1 Samuel 9:21, 1 Samuel 9:21, Exodus 3:11, Exodus 3:11, Exodus 4:10

16And the Lord seide to hym, Y schal be with thee, and thou schalt smyte Madian as o man.

stylus

Joshua 1:5, Exodus 3:12, Joshua 1:5, Exodus 3:12, Acts 11:21

17And Gedeon seide, If Y haue foundun grace bifor thee, yyue to me a signe, that thou, that spekist to me, art sente of Goddis part;

stylus

Isaiah 7:11, Exodus 33:13, Psalms 86:17, Isaiah 7:11, Exodus 33:13

18go thou not `awei fro hennus, til Y turne ayen to thee, and brynge sacrifice, and offre to thee. Whiche answeride, Y schal abide thi comyng.

stylus

Genesis 18:3, Judges 13:15, Genesis 18:5, Genesis 18:3, Judges 13:15

19And so Gedeon entride, and sethide a kide, and took therf looues of a buyschel of mell, and fleischis in a panyere; and he sente the broth of fleischis in a pot, and bar alle thingis vndur an ook, and offride to hym.

stylus

Genesis 18:6, Genesis 18:8, Genesis 18:6, Genesis 18:8, Judges 13:15

20To whom the aungel of the Lord seide, Take thou the fleischis, and therf looues, and putte on that stoon, and schede the broth aboue. And whanne he hadde do so,

stylus

Judges 13:19, Judges 13:19, 1 Kings 18:33, 1 Kings 18:34, 1 Kings 18:33

21the aungel of the Lord helde forth the `ende of the yerde which he helde in the hond, and he touchide the fleischis, and the therf looues; and fier stiede fro the stoon, and wastide the fleischis, and therf looues. Forsothe the aungel of the Lord vanyschide fro hise iyen.

stylus

Leviticus 9:24, Leviticus 9:24, 1 Kings 18:38, 2 Chronicles 7:1, 1 Kings 18:38

22And Gedeon siy that he was `an aungel of the Lord, and seide, Lord God, alas to me, for Y siy the aungel of the Lord face to face.

stylus

Genesis 32:30, Genesis 32:30, Exodus 33:20, Exodus 33:20, Deuteronomy 5:26

23And the Lord seide to hym, Pees be with thee; drede thou not, thou schalt not die.

stylus

Daniel 10:19, Daniel 10:19, Genesis 43:23, John 20:26, Genesis 43:23

24Therfor Gedeon bildide there an auter to the Lord, and he clepide it the Pees of the Lord, `til in to present dai. And whanne he was yit in Effra, which is of the meynee of Ezri, the Lord seide to hym in that nyyt,

stylus

Exodus 17:15, Genesis 22:14, Exodus 17:15, Genesis 22:14, Judges 8:32

25Take thou `the bole of thy fadir, and anothir bole of seuene yeer, and thou schalt distrie the auter of Baal, which is thi fadris, and kitte thou doun the wode, which is aboute the auter;

stylus

Judges 3:7, Exodus 34:13, Judges 3:7, Exodus 34:13, Matthew 10:37

26and thou schalt bilde an auter to thi Lord God in the hiynesse of this stoon, on which thou puttidist sacrifice bifore; and thou schalt take the secounde bole, and thou schalt offre brent sacrifice on the heep of trees, whiche thou kittidist doun of the wode.

stylus

1 Corinthians 14:40, 1 Corinthians 14:40, 1 Corinthians 14:33, 2 Samuel 24:18, 1 Corinthians 14:33

27Therfore Gedeon took ten men of hise seruauntis, and dide as the Lord comaundide to hym. Sotheli Gedeon dredde the hows of his fadir, and the men of that citee, and nolde do bi dai, but fillide alle thingis bi nyyt.

stylus

1 Thessalonians 2:4, John 2:5, 1 Thessalonians 2:4, John 2:5, Deuteronomy 4:1

28And whanne men of that citee hadde rise eerly, thei sien the auter of Baal distried, and the wode kit doun, and the tothir bole put on the auter, that was bildid thanne.

stylus

29And thei seiden togidere, Who hath do this? And whanne thei enqueriden the doer of the deed, it was seid, Gedeon, the sone of Joas, dide alle these thingis.

stylus

30And thei seiden to Joas, Brynge forth thi sone hidur, that he die, for he distriede the auter of Baal, and kittide doun the wode.

stylus

Philippians 3:6, Acts 26:9, Philippians 3:6, Acts 26:9, Jeremiah 26:11

31To whiche he answeride, Whether ye ben the venieris of Baal, that ye fiyte for hym? he that is aduersarie of hym, die, bifor that the `liyt of the morew dai come; if he is God, venge he hym silf of hym that castide doun his auter.

stylus

Ephesians 5:11, Jeremiah 10:5, Jeremiah 10:11, 1 Corinthians 8:4, Ephesians 5:11

32Fro that dai Gedeon was clepid Gerobaal, for Joas hadde seid, Baal take veniaunce of hym that castide doun his auter.

stylus

1 Samuel 12:11, 1 Samuel 12:11, 2 Samuel 11:21, Judges 7:1, 2 Samuel 11:21

33Therfor al Madian, and Amalech, and the puplis of the eest weren gadirid to gidere, and passiden Jordan, and settiden tentis in the valey of Jezrael.

stylus

Joshua 17:16, Joshua 17:16, Judges 6:3, Judges 6:3, Romans 8:35

34Forsothe the spirit of the Lord clothide Gedeon; `and he sownede with a clarioun, and clepide to gidere the hows of Abiezer, that it schulde sue hym.

stylus

Judges 3:27, Judges 3:10, 2 Chronicles 24:20, 1 Chronicles 12:18, Judges 3:27

35And he sente messangeris in to al Manasses, and he suede Gedeon; and he sente othere messangeris in to Aser, and Zabulon, and Neptalym, whiche camen to hym.

stylus

Judges 4:6, 2 Chronicles 30:6, 2 Chronicles 30:12, Judges 4:6, 2 Chronicles 30:6

36And Gedeon seide to the Lord, If thou makist saaf Israel bi myn hond, as thou hast spoke,

stylus

Judges 6:14, Judges 6:14, Matthew 16:1, Matthew 16:1, 2 Kings 20:9

37Y schal putte this flees of wolle in the corn floor; if dew is in the flees aloone, and drynesse is in al the erthe, Y schal wite, that thou schalt delyuere Israel bi myn hond, as thou hast spoke.

stylus

Hosea 14:5, Hosea 14:5, Matthew 10:5, Matthew 10:6, Matthew 15:24

38And it was don so. And he roos bi nyyt, and whanne the flees was wrongun out, he fillide a pot with deew;

stylus

Isaiah 35:7, Isaiah 35:7

39and he seide eft to the Lord, Thi strong veniaunce be not wrooth ayens me, if Y asaie, `that is, axe a signe, yit onys, and seke a signe in the flees; Y preye, that the flees aloone be drie, and al the erthe be moist with deew.

stylus

Genesis 18:32, Genesis 18:32, Isaiah 50:2, Psalms 107:33, Psalms 107:35

40And the Lord dide in that nyyt, as Gedeon axide; and drynesse was in the flees aloone, and deew was in al the erthe.

stylus