1Therfor alle the sones of Israel yeden, and weren gaderid togidere as o man, fro Dan `til to Bersabee, and fro the lond of Galaad to the Lord in Maspha; and alle the `corneris of puplis;

stylus

Judges 11:11, Judges 11:11, Joshua 22:12, 1 Samuel 10:17, 1 Samuel 3:20

2and alle the lynagis of Israel camen to gidere in to the chirche of `the puple of God, foure hundrid thousynde of `foot men fiyters.

stylus

Judges 8:10, Judges 8:10, Judges 20:15, Judges 20:17, Judges 20:15

3And it was not `hid fro the sones of Beniamyn, that the sones of Israel hadden stied in to Maspha. And the dekene, hosebonde of the `wijf that was slayn, was axid, `how so greet felonye was doon;

stylus

Judges 19:22, Judges 19:27, Judges 19:22, Judges 19:27, Matthew 5:25

4and he answeride, Y cam with my wijf in to Gabaa of Beniamyn, and Y turnede thidur.

stylus

Judges 19:15, Judges 19:28, Judges 19:15, Judges 19:28

5And lo! men of that citee cumpassiden in nyyt the hows, in which Y dwellide, and thei wolden sle me, and thei bitraueliden my wijf with vnbileueful woodnesse of letcherie; at the last sche was deed.

stylus

Judges 19:22, Judges 19:22, Judges 19:25, Judges 19:26, Judges 19:25

6And Y took, and Y kittide hir in to gobetis, and Y sente partis in to alle the termes of youre possessioun; for so greet felonye and so greuouse synne was neuere doon in Israel.

stylus

Judges 19:29, Judges 19:29, Judges 19:23, Joshua 7:15, Judges 19:23

7Alle ye sones of Israel ben present; deme ye, what ye owen do.

stylus

Judges 19:30, Judges 19:30, 1 Corinthians 5:1, Deuteronomy 4:6, Joshua 9:14

8And al the puple stood, and answeride as bi word of o man, `that is acordyngli, with out ayenseiyng and with out delay, We schulen not go awei in to oure tabernaclis, nethir ony man schal entre in to his hows;

stylus

Judges 20:1, Ecclesiastes 9:10, Judges 20:1, Ecclesiastes 9:10, Proverbs 21:3

9but we schulen do this in comyn ayens Gabaa.

stylus

Proverbs 16:33, 1 Samuel 14:41, 1 Samuel 14:42, Nehemiah 11:1, Joshua 14:2

10`Ten men be chosun of an hundrid, of alle the lynagis of Israel, and an hundrid of a thousynde, and a thousynde of ten thousynde, that thei bere metis to the oost, and that we, fiytynge ayens Gabaa of Beniamyn, moun yelde to it `for the trespas that that it deserueth.

stylus

11And al the puple, `as o man, cam togidere to the citee bi the same thouyt and o counsel.

stylus

12And `thei senten messangeris to al the lynage of Beniamyn, `whiche messangeris seiden, Whi so greet felony is foundun in you?

stylus

Deuteronomy 13:14, Deuteronomy 13:14, Romans 12:18, Matthew 18:15, Matthew 18:18

13Bitake ye the men of Gabaa, that diden this wickidnesse, that thei die, and yuel be doon awey fro Israel. `Whiche nolden here the comaundement of her britheren, the sones of Israel,

stylus

Judges 19:22, Deuteronomy 17:12, Deuteronomy 13:13, Judges 19:22, Deuteronomy 17:12

14but of alle the citees, that weren of `her part, thei camen togidere in to Gabaa, to helpe hem, and to fiyte ayens al the puple of Israel.

stylus

2 Chronicles 13:13, Numbers 21:23, Job 15:25, Job 15:26, Numbers 20:20

15And fyue and twenti thousynde weren foundun of Beniamyn, of men drawynge out swerd, outakun the dwelleris of Gabaa,

stylus

Numbers 26:41, Numbers 26:41, Judges 20:25, Judges 20:46, Judges 20:47

16whiche weren seuen hundrid strongeste men, fiytynge so with the lefthond as with the riythond, and castynge so stoonus with slyngis at a certeyn thing, that thei myyten smyte also an heer, and the strook of the stoon schulde not be borun in to `the tother part.

stylus

Judges 3:15, Judges 3:15, 1 Chronicles 12:2, 1 Chronicles 12:2, 1 Samuel 17:49

17Also of the men of Israel, with out the sones of Beniamin, weren foundun foure hundrid thousynd `of men drawynge swerd and redi to batel.

stylus

1 Samuel 11:8, Numbers 1:46, Judges 20:2, 1 Chronicles 21:5, 2 Chronicles 17:14

18Whiche riseden and camen in to the hows of God, that is in Silo; and thei counceliden God, and seiden, Who schal be prince in oure oost of the batel ayens the sones of Beniamyn? To whiche the Lord answeride, Judas be youre duyk.

stylus

Judges 20:23, Judges 20:26, Judges 20:27, Numbers 27:21, Judges 20:23

19And anoon the sones of Israel risiden eerli, and settiden tentis ayens Gabaa.

stylus

Joshua 3:1, Joshua 6:12, Joshua 7:16, Joshua 3:1, Joshua 6:12

20And fro thennus thei yeden forth to batel ayens Beniamyn, and bigunnen to fiyte ayens `the citee.

stylus

21And the sones of Beniamyn yeden out of Gabaa, and killiden of the sones of Israel in that dai two and twenti thousynde of men.

stylus

Judges 20:25, Judges 20:25, Psalms 73:18, Psalms 73:19, Jeremiah 12:1

22And eft the sones of Israel tristiden in strengthe and noumbre, and dressiden schiltrun, in the same place in which thei fouyten bifore;

stylus

1 Samuel 30:6, Judges 20:17, Psalms 64:5, 2 Samuel 11:25, Judges 20:15

23so netheles that thei stieden bifore, and wepten bifor the Lord `til to nyyt, and counseliden hym, and seiden, Owe Y go forth more to fiyte ayens the sones of Beniamyn, my britheren, ether nay? To whiche he answeride, Stie ye to hem, and bigynne ye batel.

stylus

Judges 20:26, Judges 20:27, Judges 20:26, Judges 20:27, Hosea 5:15

24And whanne the sones of Israel hadden go forth to batel in the tother dai ayens Beniamyn,

stylus

25the sones of Beniamyn braken out of the yates of Gabaa, and camen to hem; and the sones of Beniamyn weren wood ayens hem bi so greet sleyng, that thei castiden doun eiytene thousynde of men drawynge swerd.

stylus

Judges 20:21, Judges 20:21, Genesis 18:25, Psalms 97:2, Romans 3:5

26Wherfor alle the sones of Israel camen in to the hows of God, and saten, and wepten bifore the Lord, and thei fastiden in that dai `til to euentid; and thei offeriden to the Lord brent sacrifices and pesible sacrifices,

stylus

Judges 20:23, Judges 20:23, Joel 2:12, Joel 2:18, Joel 2:12

27and axiden of her staat. In that tyme the arke of boond of pees of God was there in Silo;

stylus

Joshua 18:1, Joshua 18:1, Judges 20:18, 1 Samuel 4:3, 1 Samuel 4:4

28and Fynees, the sone of Eleazar, sone of Aaron, was souereyn of the hows. Therfor thei counseliden the Lord, and seiden, Owen we go out more to batel ayens the sones of Beniamyn, oure britheren, ethir reste? To whiche the Lord seide, Stie ye, for to morewe Y schal bytake hem in to youre hondis.

stylus

Judges 7:9, Judges 7:9, Deuteronomy 18:5, Joshua 24:33, Deuteronomy 18:5

29And the sones of Israel settiden buyschementis bi the cumpas of the citee of Gabaa;

stylus

Joshua 8:4, Joshua 8:4, Judges 20:34, 2 Samuel 5:23, Judges 20:34

30and the thridde tyme as onys and tweis thei brouyten forth oost ayens Beniamyn.

stylus

31But also the sones of Beniamyn braken out of the citee booldli, and pursueden ferthere the aduersaryes fleynge, so that thei woundiden of hem, as in the firste dai and the secounde, and killiden bi twey paththis `the aduersaries turnynge backis; of whiche paththis oon was borun in to Bethel, the tother in to Gabaa. And thei castiden doun aboute thretti men;

stylus

Joshua 8:14, Joshua 8:16, Isaiah 10:29, Joshua 7:5, Judges 19:13

32for thei gessiden to sle hem `bi customable maner; whiche `feyneden fliyt bi craft, and token counsel, that thei schulden drawe hem fro the citee, and that thei as fleynge schulden brynge to the forseid paththis.

stylus

Joshua 8:15, Joshua 8:16, Joshua 8:15, Joshua 8:16

33Therfor alle the sones of Israel risiden of her seetis, and settiden schiltrun in the place which is clepid Baalthamar. And the buschementis, that weren aboute the citee, bigunnen to opene hem silf litil and litil,

stylus

Joshua 8:18, Joshua 8:22, Joshua 8:18, Joshua 8:22

34and to go forth fro the west part of the citee. But also othere ten thousynde of men of al Israel excitiden the dwelleris of the cite to batels; and the batel was maad greuous ayens the sones of Beniamyn, and thei vndurstoden not, that perisching neiyede to hem on eche part.

stylus

Joshua 8:14, Joshua 8:14, Job 21:13, Isaiah 47:11, Job 21:13

35And the Lord smoot hem in the siyt of the sones of Israel, and `thei killiden of hem in that dai fyue and twenti thousynde and an hundrid men, alle the werryours and drawynge swerd.

stylus

Job 20:5, Job 20:5, Judges 20:15, Judges 20:44, Judges 20:46

36Sotheli the sones of Beniamyn bigunnen to fle, `whanne thei sien, that thei weren the lowere. And the sones of Israel sien this, and `yauen to hem place to fle, that thei schulden come to the buyschementis maad redi, whiche thei hadden set bisidis the citee.

stylus

Joshua 8:15, Joshua 8:29, Joshua 8:15, Joshua 8:29

37And whanne thei hadden rise sudenli fro hid places, and Beniamyn yaf backis to the sleeris, thei entriden in to the citee, and smytiden it by the scharpnesse of swerd.

stylus

Joshua 8:19, Joshua 8:19, Exodus 19:13, Joshua 6:5, Exodus 19:13

38Sotheli the sones of Israel hadden youe a signe to hem whiche thei hadden set in buyschementis, that aftir that thei hadden take the citee, thei schulden kyndle fier, and that bi smook stiynge an hiy, thei schulden schewe the citee takun.

stylus

2 Kings 4:16, Joshua 8:20, Genesis 17:21, 2 Kings 4:16, Joshua 8:20

39And whanne the sones of Israel set in thilke batel sien this; for the sones of Beniamyn gessiden hem to fle, and thei sueden bisiliere, whanne thretti men of her oost weren slayn;

stylus

Judges 20:32, Judges 20:32

40and `the sones of Israel sien as a piler of smoke stie fro the citee; also Beniamyn bihelde bihynde, whanne he siy the citee takun, and flawmes borun in hiye,

stylus

Joshua 8:20, Joshua 8:20, Revelation 19:3, Joel 2:30, Song of Solomon 3:6

41thei that feyneden fliyt bifore, `ayenstoden strongliere with face turned. And whanne the sones of Beniamyn hadden seyn this, thei weren turned in to fliyt,

stylus

Exodus 15:9, Exodus 15:10, Isaiah 33:14, 1 Thessalonians 5:3, Luke 17:27

42and thei bigunnen to go to the weie of deseert; while also aduersaries pursueden hem there, but also thei, that hadden brent the citee, camen ayens hem.

stylus

Hosea 10:9, Joshua 8:15, Lamentations 1:3, Hosea 9:9, Joshua 8:24

43And so it was doon, that thei weren slayn of enemyes on ech part, nether ony reste of men diynge was; and thei felden, and weren cast doun at the eest coost of the citee of Gabaa.

stylus

Joshua 8:20, Joshua 8:22, Joshua 8:20, Joshua 8:22

44Forsothe thei, that weren slayn in the same place, weren eiytene thousynde of `men, alle strongeste fiyteris.

stylus

45And whanne thei that leften of Beniamyn hadden seyn this, thei fledden in to wildirnesse, and thei yeden to the stoon, whos name is Remmon. And in that fliyt the sones of Israel yeden opynli, `and yeden in to dyuerse places, and killiden fyue thousynde men; and whanne thei yeden ferther, thei pursueden hem, and killiden also othere twei thousynde.

stylus

Joshua 15:32, Joshua 15:32, Judges 21:13, Judges 21:13, Zechariah 14:10

46And so it was doon, that alle that felden doun of Beniamyn in diuerse places, weren fyue and twenti thousynde, `fiyterys moost redi to batels.

stylus

Judges 20:15, Judges 20:35, Judges 20:15, Judges 20:35

47And so sixe hundrid men leften of al the noumbre of Beniamyn, that myyten ascape, and fle in to wildirnesse; and thei saten in the stoon of Remmon foure monethis.

stylus

Isaiah 1:9, Lamentations 3:32, Jeremiah 14:7, Judges 21:13, Habakkuk 3:2

48Forsothe the sones of Israel yeden out, and smytiden with swerd alle the remenauntis of the citee, fro men `til to werk beestis; and deuourynge flawme wastide alle the citees and townes of Beniamyn.

stylus

Deuteronomy 13:15, Deuteronomy 13:17, Deuteronomy 13:15, Deuteronomy 13:17, Proverbs 18:19