1In tho daies was no kyng in Israel; and the lynage of Dan souyte possessioun to it silf, to dwelle ther ynne; for `til to that dai it hadde not take eritage among other lynagis.

stylus

Judges 17:6, Judges 17:6, Judges 19:1, Judges 1:34, Judges 19:1

2Therfor the sones of Dan senten fyue the strongeste men of her generacioun and meynee fro Saraa and Escahol, that thei schulden aspie the lond, and biholde diligentli. And thei seiden to hem, Go ye, and biholde the lond. And whanne thei goynge hadden come in to the hil of Effraym, and hadden entrid in to the hows of Mycha, thei restiden there.

stylus

Judges 13:25, Judges 13:25, Joshua 2:1, Joshua 2:1, Numbers 13:17

3And thei knewen the voys of the yong wexynge dekene; and thei restiden in `the yn of hym, and seiden to hym, Who brouyte thee hidur? What doist thou here? For what cause woldist thou come hidur?

stylus

Matthew 26:73, Judges 12:6, Isaiah 22:16, Genesis 27:22, Matthew 26:73

4Which answeride `to hem, Mychas yaf to me these and these thingis, and hiride me for meede, that Y be preest to hym.

stylus

Judges 17:10, Judges 17:10, 1 Timothy 3:3, Isaiah 56:11, Malachi 1:10

5Forsothe thei preieden hym, that he schulde counsele the Lord, and thei myyten wite, whether thei yeden in weie of prosperite, and the thing schulde haue effect.

stylus

1 Kings 22:5, 1 Kings 22:5, Acts 8:10, Acts 8:10, Isaiah 30:1

6Which answeride to hem, Go ye with pees, the Lord biholdith youre weie, and the iourney whidur ye goon.

stylus

1 Kings 22:6, 1 Kings 22:6, 1 Kings 22:12, 1 Thessalonians 3:11, Jeremiah 23:21

7Therfor the fyue men yeden, and camen to Lachys; and thei siyen the puple dwellynge ther ynne with outen ony drede, bi the custom of Sidonyis, sikur and resteful, for no man outirli ayenstood hem, and `of grete richessis, and fer fro Sidon, and departid fro alle men.

stylus

Joshua 19:47, Joshua 19:47, Judges 18:27, Judges 18:28, Judges 18:27

8And thei turneden ayen to her britheren in Saraa and Escahol; and thei answeriden to `britheren axynge what thei hadden do,

stylus

Judges 18:2, Judges 18:11, Judges 18:2, Judges 18:11, Judges 16:31

9Rise ye, and stie we to hem, for we siyen the lond ful riche and plenteuous; nyle ye be necgligent, nil ye ceesse, go we, and haue it in possessioun;

stylus

Numbers 13:30, Joshua 2:23, Joshua 2:24, Numbers 13:30, Joshua 2:23

10no trauel schal be; we schulen entre to sikir men, in to a largeste cuntrey; and the Lord schal bitake to vs a place, wher ynne is not pouert of ony thing of tho that ben brouyt forth in erthe.

stylus

Judges 18:27, Judges 18:27, Judges 18:7, Judges 18:7, Deuteronomy 4:1

11Therfor sixe hundrid men gird with armeris of batel yeden forth `of the kynrede of Dan, that is, fro Saraa and Escahol.

stylus

Judges 18:16, Judges 18:16

12And thei stieden, and dwelliden in Cariathiarym of Juda, which place took fro that tyme the name of Castels of Dan, and is bihyndis the bak of Cariathiarym.

stylus

Judges 13:25, Judges 13:25, Joshua 15:60, Joshua 15:60, 2 Chronicles 1:4

13Fro thennus thei passiden in to the hil of Effraym; and whanne thei hadden come to the hows of Mychas, the fyue men,

stylus

Joshua 24:33, Joshua 24:30, Judges 17:1, Judges 18:2, Judges 18:3

14that weren sent bifore to biholde the lond of Lachis, seiden to her other britheren, Ye knowen, that ephod, and theraphyn, and a grauun ymage and yotun is in these housis; se ye what plesith you.

stylus

Judges 17:5, Judges 17:5, Judges 18:3, Judges 18:4, Judges 18:3

15And whanne thei hadden bowid a litil, thei entriden in to the hows of the yong dekene, that was in the hows of Mychas, and thei gretten hym with pesible wordis.

stylus

Genesis 43:27, Genesis 43:27, Matthew 10:12, Matthew 10:13, John 14:27

16Forsothe sixe hundrid men stoden bifore the dore, so as thei weren armed. And thei, that entriden in to the `hows of the yong man, enforsiden to take awey the grauun ymage, and the ephod, and theraphin, and the yotun ymage; and the preest stood bifore the dore,

stylus

Judges 18:11, Judges 18:11

17while sixe hundrid strongeste men abideden not fer.

stylus

Judges 18:14, Judges 18:14, Judges 17:4, Judges 17:5, Judges 18:2

18Therfor thei that entriden token the grauun ymage, ephod, and idols, and the yotun ymage; to whiche the preest seide, What doen ye?

stylus

19To whom thei answeriden, Be thou stille, and putte the fyngur on thi mouth, and come with vs, that we haue thee fadir and preest. What is betere to thee, that thou be preest in the hows of o man, whether in o lynage and meynee in Israel?

stylus

Job 21:5, Job 29:9, Judges 17:10, Job 21:5, Job 29:9

20And whanne he hadde herd this, he assentide to `the wordis of hem, and he took the ephod, and ydols, and the grauun ymage, and yede forth with hem.

stylus

Ezekiel 13:19, Acts 20:33, Isaiah 56:11, 2 Peter 2:3, 2 Peter 2:15

21And whanne thei yeden, and hadden maad the litle children, and werk beestis, and al thing that was preciouse, to go bifor hem;

stylus

22and whanne thei weren now fer fro `the hows of Mychas, men that dwelliden in the housis of Mychas, crieden togidere, and sueden,

stylus

23and bigunnun to crye `aftir the bak. Whiche whanne thei hadden biholde, seiden to Mychas, What wolt thou to thee? whi criest thou?

stylus

1 Samuel 11:5, Psalms 114:5, 2 Kings 6:28, Genesis 21:17, Isaiah 22:1

24Which answeride, Ye han take awey my goddis whiche Y made to me, and the preest, and alle thingis whiche Y haue; and ye seien, What is to thee?

stylus

Habakkuk 2:18, Habakkuk 2:19, Habakkuk 2:18, Habakkuk 2:19, Psalms 115:8

25And the sones of Dan seiden to hym, Be war, lest thou speke more to vs, and men styrid in soule come to thee, and thou perische with al thin hows.

stylus

Job 27:2, 1 Samuel 30:6, Job 3:5, 2 Samuel 17:8, Job 27:2

26And so thei yeden forth in the iourney bigunnun. Forsothe Mychas siy, that thei weren strongere than he, and turnede ayen in to his hows.

stylus

27Forsothe sixe hundrid men token the preest, and the thingis whiche we biforseiden, and camen in to Lachis to the puple restynge and sikur; and thei smytiden hem bi the scharpnesse of swerd, and bitoken the citee to brennyng,

stylus

Joshua 19:47, Judges 18:7, Joshua 19:47, Judges 18:7, Judges 18:10

28while no man outirli yaf help, for thei dwelliden fer fro Sydon, and hadden not ony thing of felouschipe and cause with ony of men. Forsothe the citee was set in the cuntrei of Roob; which citee thei bildiden eft, and dwelliden ther ynne;

stylus

2 Samuel 10:6, 2 Samuel 10:6, Numbers 13:21, Judges 18:7, Numbers 13:21

29while the name of the citee was clepid Dan, bi the name of her fadir, whom Israel hadde gendrid, which citee was seid Lachis bifore.

stylus

Joshua 19:47, Genesis 14:14, 1 Kings 15:20, Joshua 19:47, Genesis 14:14

30And `thei settiden there the grauun ymage, and Jonathas, sone of Jerson, sone of Moises, and `Jonathas sones, preestis, in the lynage of Dan, til in to the dai of her caitifte.

stylus

1 Samuel 4:10, 1 Samuel 4:11, 1 Samuel 4:10, 1 Samuel 4:11, Judges 17:3

31And the idol of Mychas dwellide at hem, in al the tyme `in which the hows of God was in Silo. In tho daies was no kyng in Israel.

stylus

Joshua 18:1, Joshua 18:1, Judges 19:18, 1 Samuel 1:3, Judges 19:18