1And so in that tyme Jepte, a man of Galaad, was a ful strong man, and fiytere, the sone of a womman hoore, which Jepte was borun of Galaad.

stylus

Hebrews 11:32, Hebrews 11:32, 2 Kings 5:1, Judges 6:12, 2 Kings 5:1

2Forsothe Galaad hadde a wijf, of which he hadde sones, whiche aftir that thei encressiden, castiden out Jepte, and seiden, Thou maist not be eir in the hows of oure fadir, for thou art born of a modir auoutresse.

stylus

Deuteronomy 23:2, Genesis 12:10, Proverbs 2:16, Deuteronomy 23:2, Genesis 12:10

3`Whiche britheren he fledde, and eschewide, and dwellide in the lond of Tob; and pore men and `doynge thefte weren gaderid to hym, and sueden as a prince.

stylus

Judges 9:4, Judges 9:4, 1 Samuel 22:2, 2 Samuel 10:8, Job 30:1

4In tho daies the sones of Amon fouyten ayens Israel;

stylus

Judges 10:9, Judges 10:9

5and whanne thei contynueden scharpli, the grettere men in birthe of Galaad, yeden to take in to `the help of hem silf Jepte fro the lond of Tob;

stylus

1 Samuel 11:12, 1 Corinthians 1:27, 1 Corinthians 1:29, Psalms 118:22, Psalms 118:23

6and thei seiden to hym, Come thou, and be oure prince, and fiyte ayens the sones of Amon.

stylus

7To whiche he answeride, Whethir not ye it ben, that haten me, and castiden me out of the hows of mi fadir, and now ye camen to me, and weren compellid bi nede?

stylus

Genesis 26:27, Genesis 26:27, Revelation 3:9, Revelation 3:9, Genesis 45:4

8And the princes of Galaad seiden to Jepte, Therfor for this cause we camen now to thee, that thou go with vs, and fiyt ayens the sones of Amon; and that thou be the duyk of alle men that dwellen in Galaad.

stylus

Judges 10:18, Judges 10:18, Exodus 10:17, Exodus 8:28, Exodus 8:8

9And Jepte seide to hem, Whether ye camen verili to me, that Y fiyte for you ayens the sones of Amon, and if the Lord schal bitake hem in to myn hondis, schal Y be youre prince?

stylus

Numbers 32:20, Numbers 32:29, Numbers 32:20, Numbers 32:29

10Whiche answeriden to hym, The Lord hym silf, that herith these thingis, is mediatour and witnesse, that we schulen do oure biheestis.

stylus

Jeremiah 42:5, Jeremiah 42:5, Genesis 31:50, Genesis 31:50, Genesis 16:5

11And so Jepte wente with the princes of Galaad, and al the puple made hym her prince; and Jepte spak alle hise wordis bifor the Lord in Maspha.

stylus

1 Samuel 10:17, Judges 20:1, Judges 10:17, 1 Samuel 10:17, Judges 20:1

12And he sente messangeris to the kyng of the sones of Amon, whiche messangeris schulden seie `of his persoone, What is to me and to thee, for thou hast come `ayens me to waaste my lond?

stylus

Deuteronomy 2:26, Matthew 18:15, Matthew 18:16, Deuteronomy 2:26, Matthew 18:15

13To whiche the kyng answeride, For Israel whanne he stiede fro Egipt took awei my lond, fro the coostis of Arnon `til to Jaboch and to Jordan, now therfor yeelde it to me with pees.

stylus

Genesis 32:22, Genesis 32:22, Numbers 21:24, Numbers 21:26, Numbers 21:24

14Bi whiche massangeris Jepte sente eft, and comaundide to hem, that thei schulden seie to the kyng of Amon,

stylus

Romans 12:18, Psalms 120:7, 1 Peter 3:11, Hebrews 12:14, Romans 12:18

15Jepte seith these thingis, Israel took not the lond of Moab, nether the lond of the sones of Amon;

stylus

Deuteronomy 2:9, Deuteronomy 2:19, Deuteronomy 2:9, Deuteronomy 2:19, Numbers 21:27

16but whanne thei stieden fro Egipt, `he yede bi the wildirnesse `til to the Reed See, and cam in to Cades;

stylus

Numbers 14:25, Deuteronomy 1:40, Numbers 14:25, Deuteronomy 1:40, Numbers 20:1

17and he sente messangeris to the kyng of Edom, and seide, Suffre thou me, that Y go thoruy thi lond; which kyng nolde assente to his preyeres. Also Israel sente to the kyng of Moab, and he dispiside to yyue passage;

stylus

Numbers 20:14, Numbers 20:21, Numbers 20:1, Numbers 20:14, Numbers 20:21

18and so Israel dwellyde in Cades, and cumpasside bi the side the lond of Edom, and the lond of Moab; and he cam to the eest coost of the lond of Moab, and settide tentis biyende Arnon, nether he wolde entre in to the termes of Moab; for Arnon is the ende of the lond of Moab.

stylus

Deuteronomy 2:1, Deuteronomy 2:8, Deuteronomy 2:1, Deuteronomy 2:8, Numbers 33:37

19And so Israel sente messangeris to Seon, kyng of Ammorreis, that dwellide in Esebon; and thei seiden to hym, Suffre thou, that Y passe thorouy thi lond `til to the ryuer.

stylus

Joshua 13:8, Joshua 13:12, Deuteronomy 2:26, Deuteronomy 2:36, Numbers 21:21

20And he dispiside the wordis of Israel, and suffride not hym passe bi hise termes, but with a multitude with out noumbre gaderid to gidere he yede out ayens Israel, and ayenstood strongli.

stylus

Joshua 13:15, Joshua 13:32, Psalms 136:17, Psalms 136:21, Nehemiah 9:22

21And the Lord bitook hym with al his oost in to the hondis of Israel; and Israel smoot hym, and hadde in possessioun al the lond of Ammorrey,

stylus

22dwellere of that cuntrey, and al the coostis therof fro Arnon `til to Jaboch, and fro the wildirnesse `til to Jordan.

stylus

Deuteronomy 2:36, Deuteronomy 2:36

23Therfor the Lord God of Israel distriede Ammorrey, fiytynge ayens hym for his puple Israel. And wolt thou now haue in possessioun `his lond? Whether not tho thingis whiche Chamos, thi god, hadde in possessioun, ben due to thee bi riyt?

stylus

24Forsothe tho thingis whiche `oure Lord God ouercomere gat, schulen falle in to oure possessioun;

stylus

Numbers 21:29, Numbers 21:29, Micah 4:5, Psalms 78:55, 1 Kings 11:7

25no but in hap thou art betere than Balach, the sone of Sephor, kyng of Moab, ether thou maist preue, that he stryuede ayens Israel, and fauyt ayens hym,

stylus

Micah 6:5, Micah 6:5, Joshua 24:9, Joshua 24:10, Joshua 24:9

26whanne he dwellide in Esebon, and in townes therof, and in Aroer, and in townes therof, and in alle citees biyende Jordan, bi thre hundrid yeer. Whi in so myche time assaieden ye no thing on this axyng ayen?

stylus

Deuteronomy 2:36, Deuteronomy 2:36, Judges 3:11, Deuteronomy 2:24, Numbers 21:25

27Therfor not Y do synne ayens thee, but thou doist yuel ayens me, and bryngist in batels not iust to me; the Lord, iuge of this dai, deme bitwixe the sones of Israel and bitwixe the sones of Amon.

stylus

1 Samuel 24:15, 1 Samuel 24:12, Genesis 18:25, Genesis 16:5, 1 Samuel 24:15

28And the kyng of the sones of Amon nolde assente to the wordis of Jepte, whiche he sente bi messangeris.

stylus

2 Kings 14:11, 2 Kings 14:11, Proverbs 16:18, Proverbs 16:18

29Therfor the spirit of the Lord was maad on Jepte, and he cumpasside Galaad and Manasses, Maspha and Galaad; and he passide fro thennus to the sones of Amon,

stylus

Numbers 11:25, Numbers 11:25, Judges 3:10, Judges 3:10, Judges 13:25

30and made a vow to the Lord, and seide, If thou schalt bitake the sones of Amon in to myn hondis,

stylus

Genesis 28:20, Genesis 28:20, 1 Samuel 1:11, 1 Samuel 1:11, Ecclesiastes 5:4

31who euer goith out first of the dores of myn hows, and cometh ayens me turnynge ayen with pees fro the sones of Amon, Y schal offre hym brent sacrifice to the Lord.

stylus

Psalms 66:13, Psalms 66:14, Psalms 66:13, Psalms 66:14, Isaiah 66:3

32And Jepte yede to the sones of Amon, to fiyte ayens hem, whiche the Lord bitook in to hise hondis;

stylus

Judges 2:18, Judges 1:4, Judges 3:10, Judges 2:18, Judges 1:4

33and he smoot fro Aroer `til to thou comest in to Mennyth, twenti citees, and `til to Abel, which is set aboute with vyneris, with ful greet veniaunce; and the sones of Amon weren maad low of the sones of Israel.

stylus

Ezekiel 27:17, Ezekiel 27:17, Deuteronomy 2:36, Deuteronomy 2:36

34Forsothe whanne Jepte turnede ayen in to Maspha, his hows, his oon gendrid douyter cam to hym with tympanys and croudis; for he hadde not othere fre children.

stylus

Jeremiah 31:4, Exodus 15:20, Jeremiah 31:4, Exodus 15:20, Judges 11:11

35And whanne `sche was seyn, he to-rente his clothis, and seide, Allas! my douytir, thou hast disseyued me, and thou art disseyued; for Y openyde my mouth to the Lord, and Y may do noon other thing.

stylus

Genesis 37:34, Genesis 37:35, Judges 21:1, Judges 21:7, Matthew 14:7

36To whom sche answeride, My fadir, if thou openydist thi mouth to the Lord, do to me what euer thing thou bihiytist, while veniaunce and victorie of thin enemyes is grauntid to thee.

stylus

Romans 16:4, 2 Samuel 18:19, Philippians 2:30, Acts 21:13, Romans 16:4

37And sche seide to the fadir, Yyue thou to me oneli this thing, which Y biseche; suffre thou me that in two monethis Y cumpasse hillis, and biweile my maidynhed with my felowis.

stylus

Luke 1:25, Luke 1:25, 1 Samuel 1:6, 1 Samuel 1:6

38To whom he answeride, Go thou. And he sufferide hir in two monethis. And whanne sche hadde go with hir felowis and pleiferis, sche biwepte hir maydynhed in the hillis.

stylus

39And whanne twey monethis weren fillid, sche turnede ayen to hir fadir, and he dide to hir as he avowide; and sche knew not fleischli a man. Fro thennus a custom cam in Israel,

stylus

Judges 11:31, Judges 11:31, 1 Samuel 2:18, 1 Samuel 1:28, Leviticus 27:28

40and the custom is kept, that aftir the `ende of the yeer the douytris of Israel come togidere, and biweile `the douytir of Jepte of Galaad `foure daies.

stylus

1 Kings 9:25, Judges 5:11, 1 Kings 9:25, Judges 5:11