1Forsothe the Lord seide to Josue, Nether drede thou `withoutforth, `nether drede thou withynne; take with thee al the multitude of fiyteris, and rise thou, and stie in to the citee of Hay; lo, Y haue bitake in thin hond the king therof, and the puple, and the citee, and the lond.

stylus

Joshua 1:9, Joshua 1:9, Deuteronomy 1:21, Deuteronomy 7:18, Deuteronomy 1:21

2And thou schalt do to the citee of Hay, and to the king therof, as thou didist to Gerico, and to the king therof; sotheli ye schulen take to you the prey, and alle lyuynge beestis; sette thou `aspies, ethir buyschementis, to the citee bihynde it.

stylus

Deuteronomy 20:14, Deuteronomy 20:14, Joshua 6:21, Proverbs 13:22, 2 Chronicles 20:22

3And Josue roos, and al the oost of fiyteris with hym, to stie in to Hay; and bi nyyte he sente thretti chosen thousynde of stronge men;

stylus

Matthew 25:6, Matthew 24:50, Matthew 24:39, 1 Thessalonians 5:2, Matthew 25:6

4and comaundide to hem, and seide, Sette ye buyschementis bihynde the citee, and go ye not ferthere; and alle ye schulen be redi;

stylus

Judges 20:29, Judges 20:29, Ecclesiastes 9:16, 1 Samuel 15:5, Judges 9:25

5forsothe Y, and the tothir multitude which is with me, schulen come on the contrarie side ayens the citee; and whanne thei schulen go out ayens vs, as we diden bifore, we schulen fle, and turne the backis,

stylus

Joshua 7:5, Joshua 7:5, Judges 20:31, Judges 20:33, Matthew 10:16

6til thei pursuen, and ben drawun away ferthir fro the citee; for thei schulen gesse, that we schulen fle as bifore.

stylus

Judges 20:32, Ecclesiastes 8:11, Exodus 14:3, Exodus 15:9, Ecclesiastes 9:12

7Therfor while we schulen fle, and thei pursue, ye schulen ryse fro the buyschementis, and schulen waste the citee; and youre Lord God schal bitake it in to youre hondis.

stylus

Proverbs 21:30, Proverbs 21:31, Proverbs 21:30, Proverbs 21:31, Joshua 8:1

8And whanne ye han take it, `brenne ye it; `so ye schulen do alle thingis, as Y comaundide.

stylus

Joshua 1:9, Joshua 1:16, 2 Samuel 13:28, Joshua 1:9, Joshua 1:16

9And Josue lefte hem, and thei yeden to the place of buyschementis, and saten bitwixe Bethel and Hay, at the west coost of the citee of Hay. Forsothe Josue dwellide `in that nyyt in the myddis of the puple.

stylus

Genesis 32:21, Joshua 7:2, Ezra 2:28, Nehemiah 7:32, Joshua 8:12

10And he roos eerli, and noumbride felowis, and stiede with the eldere in the frount of the oost, and was cumpassid with the helpe of fiyteris.

stylus

Genesis 22:3, Psalms 119:60, Joshua 6:12, Joshua 3:1, Joshua 7:16

11And whanne thei hadden come, and hadden stied ayens the citee, thei stoden at the north coost of the citee, bitwixe which citee and hem the valei was in the myddis.

stylus

12`Sotheli he hadde chose fyue thousynde men, and hadde sette in buyschementis bitwixe Bethauen and Hay, in the west part of the same citee.

stylus

Joshua 8:2, Joshua 8:3, Joshua 8:2, Joshua 8:3

13Sotheli al the tothir oost dresside scheltroun to the north, so that the laste men of the multitude touchiden the west coost of the citee. Therfor Josue yede in that nyyt, and stood in the myddis of the valei;

stylus

Joshua 8:8, Joshua 8:12, Joshua 8:8, Joshua 8:12

14and whanne the kyng of Hai had seyn that, he hastide eerli, and yede out with al the oost of the citee, and he dresside scheltrun ayens the deseert; and wiste not that buyschementis weren hid bihinde the bak.

stylus

Matthew 24:39, Matthew 24:39, Joshua 8:16, Ecclesiastes 9:12, Judges 20:34

15Forsothe Josue and al the multitude `of Israel yauen place, feynynge drede, and fleynge bi the weie of wildirnesse; and thei crieden togidere,

stylus

Joshua 18:12, Joshua 18:12, Joshua 15:61, Joshua 16:1, Judges 20:36

16and excitiden hem silf togidere, and pursueden hem. And whanne thei hadden go awey fro the citee,

stylus

Judges 20:31, Judges 20:31, Judges 20:36, Judges 20:39, Revelation 16:14

17and sothely not oon hadde left in the citee of Hai and Bethauen, that `pursuede not Israel, and thei leften the citees opyn, as thei hadden broke out,

stylus

Joshua 8:3, Job 5:13, Deuteronomy 2:30, Isaiah 19:11, Isaiah 19:13

18the Lord seide to Josue, `Reise thou the scheeld which is in thin hond, ayens the citee of Hay; for Y schal yyue it to thee.

stylus

Joshua 8:26, Joshua 8:26, Job 15:25, Job 15:25, 1 Samuel 17:41

19And whanne he hadde reisid the scheld ayens the citee, buyschementis, that weren hid, riseden anoon; and thei yeden to the citee, and token, and brenten it.

stylus

20Forsothe the men of the citee, that pursueden Josue, bihelden, and siyen the smoke of the citee stie `til to heuene; and thei myyten no more fle hidur and thidur; most sithen thei that hadden feyned fliyt, and yeden to wildirnesse, withstoden stronglieste `ayens the pursueris.

stylus

Revelation 6:15, Revelation 6:17, Psalms 48:5, Psalms 48:6, Revelation 18:9

21And Josue siy, and al Israel, that the citee was takun, and the smoke of the citee stiede; and he turnede ayen, and smoot the men of Hay.

stylus

22Sotheli also thei that hadden take and brent the citee, yeden out of the cytee ayens her men, and bigunnen to smyte the myddil men of enemyes; and whanne aduersaries weren slayn `on euer ethir part, so that no man of so greet multitude was sauyd,

stylus

Deuteronomy 7:2, Deuteronomy 7:2, Joshua 6:21, 1 Thessalonians 5:3, Luke 17:26

23thei tokun also the kyng of Hay lyuynge, and brouyten to Josue.

stylus

1 Samuel 15:8, 1 Samuel 15:8, Joshua 10:17, Revelation 19:20, Joshua 8:29

24Therfor, whanne alle men weren slayn, that pursueden Israel goynge to deseert, and felden bi swerd in the same place, the sones of Israel turneden ayen, and smytiden the citee.

stylus

Joshua 11:10, Joshua 11:14, Joshua 11:10, Joshua 11:14, Joshua 10:30

25Forsothe thei that `felden doun in the same dai, fro man `til to womman, weren twelue thousynde of men, alle men of the citee of Hay.

stylus

Deuteronomy 20:16, Deuteronomy 20:18, Deuteronomy 20:16, Deuteronomy 20:18

26Sotheli Josue withdrow not the hond, which he hadde dressid an hiy holdynge `the scheld, til alle the dwelleris of Hay weren slayn.

stylus

Exodus 17:11, Exodus 17:12, Exodus 17:11, Exodus 17:12, Joshua 8:18

27Forsothe the sones of Israel departiden to hem silf the werk beestis, and the preye of the citee, as the Lord comaundide to Josue;

stylus

Joshua 8:2, Joshua 8:2, Numbers 31:22, Psalms 50:10, Matthew 20:15

28which brente the citee, and made it an euerlastynge biriel.

stylus

Deuteronomy 13:16, Deuteronomy 13:16, Isaiah 17:1, Isaiah 25:2, Jeremiah 49:2

29And he hangide the king therof in a iebat, `til to the euentid and the goynge doun of the sunne. And Josue comaundide, and thei puttiden doun his deed bodi fro the cros; and thei `castiden forth him in thilke entryng of the citee, and gaderiden on hym a greet heep of stoonus, which heep dwellith `til in to present dai.

stylus

Deuteronomy 21:22, Deuteronomy 21:23, Joshua 7:26, 2 Samuel 18:17, Deuteronomy 21:22

30Thanne Josue bildide an auter to the Lord God of Israel in the hil of Hebal,

stylus

Deuteronomy 27:4, Deuteronomy 27:6, Deuteronomy 27:4, Deuteronomy 27:6, Genesis 12:7

31as Moises, the `seruaunt of the Lord, comaundide to the sones of Israel, and it is writun in the book of Moises lawe, an auter of stoonys vnpolischid, whiche yrun touchide not. And he offride theron brent sacrifice to the Lord, and he offride pesible sacrifices;

stylus

Deuteronomy 27:5, Deuteronomy 27:7, Deuteronomy 27:5, Deuteronomy 27:7, Exodus 20:24

32and he wroot on the stoonys the Deutronomye of Moises lawe, `which he hadde declarid bifor the sones of Israel.

stylus

Deuteronomy 27:2, Deuteronomy 27:3, Deuteronomy 27:8, Deuteronomy 27:2, Deuteronomy 27:3

33Sotheli al the puple, and the grettere men in birthe, and the duykis, and iugis stoden on `euer either side of the arke, in the siyt of preestis and dekenes, that baren the arke of boond of pees of the Lord; as a comeling, so and a man borun in the lond; the mydil part of hem stood bisidis the hil Garasym, and the myddil part stood bisidis the hil Hebal, as Moises, the `seruaunt of the Lord, comaundide. And first `sotheli he blesside the puple of Israel.

stylus

Deuteronomy 11:29, Deuteronomy 11:29, Deuteronomy 31:12, Deuteronomy 31:12, Deuteronomy 31:9

34Aftir these thingis he redde alle the wordis of blessyng and of cursyng, and alle thingis that weren writun in the book of lawe.

stylus

Nehemiah 8:2, Nehemiah 8:3, Nehemiah 8:2, Nehemiah 8:3, Nehemiah 13:1

35He lefte no thing vntouchid of these thingis that Moises comaundide; but he declaride alle thingis bifor al the multitude of Israel, to wymmen, and litle children, and to comelyngis that dwelliden among hem.

stylus

Deuteronomy 31:12, Deuteronomy 31:12, Nehemiah 8:2, Nehemiah 8:2, Jeremiah 26:2