1Therfor aftir that alle kyngis of Ammorreys herden, that dwelliden ouer Jordan at the west coost, and alle the kyngis of Canaan, that weldiden nyy places of the greet see, that the Lord hadden dried the flowyngis of Jordan bifor the sones of Israel, til thei passiden, the herte of hem was failid, and spirit dwellide not in hem, dredynge the entring of the sones of Israel.

stylus

Joshua 2:9, Joshua 2:11, Joshua 2:9, Joshua 2:11, Numbers 13:29

2In that tyme the Lord seide to Josue, Make to thee knyues of stoon, and circumside thou the sones of Israel, in the secunde tyme.

stylus

Deuteronomy 10:16, Deuteronomy 30:6, Deuteronomy 10:16, Deuteronomy 30:6, Genesis 17:10

3Josue dide tho thingis whiche the Lord comaundide, and he circumside the sones of Israel in the `hil of prepucies.

stylus

Genesis 17:23, Genesis 17:27, Matthew 16:24, Genesis 17:23, Genesis 17:27

4Sotheli this is the cause of the secunde circumcisioun; al the puple of male kynde, that yede out of Egipt, alle men fiyteris, weren deed in deseert bi the lengeste cumpassis of weie,

stylus

1 Corinthians 10:5, Deuteronomy 2:16, Numbers 26:64, Numbers 26:65, 1 Corinthians 10:5

5whiche alle weren circumsidid. Sotheli the puple

stylus

1 Corinthians 7:19, Romans 2:26, Matthew 12:7, Galatians 6:15, Deuteronomy 12:8

6that was borun in deseert bi fourti yeer, in the weie of broddeste wildirnesse, was vncircumsidid til thei weren waastid, that herden not the `vois of the Lord, and to whiche he swoor bifore, that he schulde schewe to hem the lond flowynge with mylk and hony.

stylus

Numbers 14:23, Numbers 14:23, Deuteronomy 2:14, Deuteronomy 2:14, Hebrews 3:11

7The sones of hem camen aftirward in to the place of fadris, and thei weren circumsidid of Josue; whiche, as thei weren borun, weren in prepucie, nether ony man hadde circumsidid hem in the weie.

stylus

Numbers 14:31, Deuteronomy 1:39, Numbers 14:31, Deuteronomy 1:39

8Forsothe aftir that alle weren circumsidid, thei dwelliden in the same place of tentis, til thei weren heelid.

stylus

Genesis 34:25, Genesis 34:25

9And the Lord seide to Josue, To dai Y haue take awei fro you the schenschip of Egipt. And the name of that place was clepid Galgala, `til in to present dai.

stylus

Genesis 34:14, 1 Samuel 17:26, Joshua 4:19, Genesis 34:14, 1 Samuel 17:26

10And the sones of Israel dwelliden in Galgalis, and maden pask in the fourtenthe dai of the monethe at euentide, in the feeldi places of Jerico;

stylus

Exodus 12:6, Exodus 12:6, Numbers 9:1, Numbers 9:5, Numbers 9:1

11and `thei eten of the fruytis of the lond `in the tothir day, therf looues, and potage of the same yeer, `ether cornys seengid and frotid in the hond.

stylus

Leviticus 23:14, Leviticus 23:14, Leviticus 23:6, Exodus 13:6, Exodus 13:7

12And manna failide aftir that thei eten of the fruytis of the lond; and the sones of Israel vsiden no more that mete, but thei eten of the fruytis of present yeer of the lond of Canaan.

stylus

Exodus 16:35, Exodus 16:35, Revelation 7:16, Revelation 7:17, Nehemiah 9:20

13Sothely whanne Josue was in the feeld of the cite of Jerico, he reiside the iyen, and siy a man stondynge ayens hym, and holdynge a drawun swerd; and Josue yede out to hym, and seide, Art thou oure, ethir `of aduersaries?

stylus

Genesis 18:2, Numbers 22:23, Genesis 18:2, Numbers 22:23, Numbers 22:31

14To whom he answeride, Nay, but Y am prince of the `hoost of the Lord, and now Y come.

stylus

Genesis 17:3, Isaiah 55:4, Genesis 17:3, Isaiah 55:4, Exodus 23:20

15Josue felde lowe to erthe, and worschipide, and seide, What spekith my Lord to his seruaunt?

stylus

Exodus 3:5, Exodus 3:5, Acts 7:32, Acts 7:33, Acts 7:32

16He seide, Vnlace thi schoo fro thi feet, for the place, in which thou stondist, is hooli. And Josue dide, as it was comaundid to hym.

stylus