1And the Lord spak to Josue, and seide, Spek thou to the sones of Israel, and seie thou to hem,

stylus

Joshua 13:1, Joshua 13:7, Joshua 7:10, Joshua 6:2, Joshua 5:14

2Departe ye the citees of fugytyues, `ether of men exilid for vnwilful schedyng of blood, of whiche citees Y spak to you bi the hond of Moises,

stylus

Deuteronomy 19:2, Deuteronomy 19:13, Deuteronomy 19:2, Deuteronomy 19:13, Deuteronomy 4:41

3that whoeuer sleeth vnwytyngli a man, fle to tho citees;

stylus

4that whanne he hath fled to oon of these citees, he may ascape the ire of the neiybore, which is veniere of blood. And he schal stonde bifor the yatis of the citee, and he schal speke to the eldre men of that citee tho thingis that schulen preue hym innocent; and so thei schulen reseyue hym, and schulen yyue to hym place to dwelle.

stylus

Jeremiah 38:7, Jeremiah 38:7, Ruth 4:1, Ruth 4:2, Ruth 4:1

5And whanne the vengere of blood pursueth hym, thei schulen not bitake hym in to the hondis of the vengere; for vnwityngli he killide his neiybore, and is not preued his enemy bifor the secounde dai ethir the thridde dai.

stylus

Numbers 35:12, Numbers 35:12, Numbers 35:25, Numbers 35:25

6And he schal dwelle in that citee, til he stonde bifor the doom, and yelde cause of his dede. And he that killide a man, dwelle `in that citee, til the grete preest die, which is in that tyme; thanne the mansleere schal turne ayen, and he schal entre in to his citee and hows, `fro which he fledde.

stylus

Numbers 35:12, Numbers 35:12, Hebrews 9:26, Hebrews 9:26, Numbers 35:24

7And thei ordeyneden Cedes in Galilee, of the hil of Neptalym, and Sichem in the hil of Effraym, and Cariatharbe, thilke is Ebron, in the hil of Juda.

stylus

Joshua 21:11, Joshua 21:11, Joshua 21:32, Luke 1:39, 1 Chronicles 6:76

8And biyende Jordan, ayens the eest coost of Jerico, thei ordeyneden Bosor, which is set in the feeldi wildirnesse of the lynage of Ruben, and Ramoth in Galaad, of the lynage of Gad, and Gaulon in Basan, of the lynage of Manasses.

stylus

Joshua 21:36, 1 Chronicles 6:78, Joshua 21:36, 1 Chronicles 6:78, Joshua 21:27

9These citees weren ordeyned to alle the sones of Israel, and to comelyngis that dwellen among hem, that he that killide vnwityngli a man, schulde fle to tho citees; and he schulde not die in the hond of neiybore, coueitynge to venge the blood sched out, til he stood bifor the puple, to declare his cause.

stylus

Numbers 35:15, Numbers 35:15, Joshua 20:6, Joshua 20:4, Joshua 20:6