1This `thing it is, which the sones of Israel weldiden in the lond of Canaan, which lond Eleazar the preest, and Josue, the sone of Nun, and the princes of meynees bi the lynagis of Israel yauen to hem,

stylus

Numbers 34:17, Numbers 34:29, Numbers 34:17, Numbers 34:29

2and departiden alle thingis bi lot, as the Lord comaundide in the hond of Moises, to nyne lynagis and the half lynage.

stylus

Numbers 33:54, Numbers 34:13, Numbers 33:54, Numbers 34:13, Numbers 26:55

3For Moises hadde youe to `the twey lynagis and to the half lynage `possessioun ouer Jordan; without the Leuytis, that token no thing of the lond among her britheren;

stylus

Joshua 13:14, Joshua 13:14, Joshua 13:8, Joshua 13:8, Numbers 32:29

4but the sones of Joseph weren departid in to twei lynagis, of Manasses and of Effraym, and `weren eiris in to the place of hem. And `the Leuytis token noon other part in the lond, no but citees to dwelle, and the subarbis of tho to werke beestis and her scheep to be fed.

stylus

Genesis 48:5, Genesis 48:5, 1 Chronicles 5:1, 1 Chronicles 5:2, 1 Chronicles 5:1

5As the Lord comaundide to Moises, so the sones of Israel diden, and departiden the lond.

stylus

Joshua 21:2, Joshua 21:2, Numbers 35:1, Numbers 35:2, Numbers 35:1

6And so the sones of Juda neiyiden to Josue in Galgalis; and Caleph, the sone of Jephone, of Ceneth, spak to him, Thou knowist, what the Lord spak to Moises, the man of God, of me and of thee in Cades Barne.

stylus

Numbers 14:30, Numbers 14:30, Numbers 13:6, Numbers 14:24, Numbers 13:6

7Y was of fourti yeer, whanne Moises, `seruaunt of the Lord, sente me fro Cades Barne, that Y schulde biholde the lond, and Y teelde to hym that, that semyde soth to me.

stylus

Numbers 13:6, Numbers 13:6, Numbers 14:6, Numbers 14:10, Numbers 13:26

8Forsothe my britheren, thats tieden with me, discoumfortiden the herte of the puple, and neuertheles Y suede my Lord God.

stylus

Numbers 14:24, Numbers 14:24, Deuteronomy 1:36, Deuteronomy 1:36, Joshua 14:14

9And Moises swoor in that dai, and seide, The lond, which thi foot trad, schal be thi possessioun, and of thi sones withouten ende; for thou suedist thi Lord God.

stylus

Joshua 1:3, Joshua 1:3, Deuteronomy 1:36, Deuteronomy 1:36, Numbers 14:22

10Sotheli the Lord grauntide lijf to me, as he bihiyte, `til in to present dai. Fourti yeer and fyue ben, sithen the Lord spak this word to Moises, whanne Israel yede bi the wildirnesse. To dai Y am of `foure scoor yeer and fyue,

stylus

Numbers 14:30, Numbers 14:33, Numbers 14:34, Numbers 14:30, Numbers 14:33

11and Y am as myyti, as Y was myyti in that time, whanne Y was sent to aspie; the strengthe `of that tyme dwellith stabli in me `til to dai, as wel to fiyte, as to go.

stylus

Deuteronomy 34:7, Deuteronomy 34:7, Psalms 103:5, Psalms 103:5, Deuteronomy 31:2

12Therfor yyue thou to me this hil, which the Lord bihiyte to me, while also thou herdist, in which hil ben Enachym, and grete `citees, and strengthid; if in hap the Lord is with me, and Y mai do hem awei, as he bihiyte to me.

stylus

Hebrews 11:33, Philippians 4:13, Hebrews 11:33, Philippians 4:13, Numbers 13:33

13And Josue blesside hym, and yaf to hym Ebron in to possessioun.

stylus

Judges 1:20, Judges 1:20, Joshua 22:6, Joshua 22:6, 1 Chronicles 6:55

14And fro that tyme Ebron was to Caleph, sone of Jephone, of Cenez, `til in to present dai; for he suede the Lord God of Israel.

stylus

Joshua 14:8, Joshua 14:9, 1 Corinthians 15:58, Joshua 14:8, Joshua 14:9

15The name of Ebron was clepid bifore Cariatharbe. Adam, the gretteste, was set there in the lond of Enachym; and the lond ceesside fro batels.

stylus

Joshua 11:23, Joshua 11:23, Genesis 23:2, Genesis 23:2, Joshua 15:13