1Also Helyu addide, and spak these thingis,

stylus

2Suffre thou me a litil, and Y schal schewe to thee; for yit Y haue that, that Y schal speke for God.

stylus

3Y schal reherse my kunnyng fro the bigynnyng; and Y schal preue my worchere iust.

stylus

4For verili my wordis ben with out leesyng, and perfit kunnyng schal be preued to thee.

stylus

5God castith not awei myyti men, sithen he is myyti;

stylus

6but he saueth not wickid men, and he yyueth dom to pore men.

stylus

7He takith not awei hise iyen fro a iust man; and he settith kyngis in seete with out ende, and thei ben reisid there.

stylus

8And if thei ben in chaynes, and ben boundun with the roopis of pouert,

stylus

9he schal shewe to hem her werkis, and her grete trespassis; for thei weren violent, `ethir rauenours.

stylus

10Also he schal opene her eere, that he chastise; and he schal speke, that thei turne ayen fro wickidnesse.

stylus

11If thei heren, and kepen, thei schulen fille her daies in good, and her yeris in glorie.

stylus

12Sotheli if thei heren not, thei schulen passe bi swerd, and thei schulen be wastid in foli.

stylus

13Feyneris and false men stiren the ire of God; and thei schulen not crye, whanne thei ben boundun.

stylus

14The soule of hem schal die in tempest; and the lijf of hem among `men of wymmens condiciouns.

stylus

15He schal delyuere a pore man fro his angwisch; and he schal opene `the eere of hym in tribulacioun.

stylus

16Therfor he schal saue thee fro the streit mouth of the broddeste tribulacioun, and not hauynge a foundement vndur it; sotheli the rest of thi table schal be ful of fatnesse.

stylus

17Thi cause is demed as the cause of a wickid man; forsothe thou schalt resseyue thi cause and doom.

stylus

18Therfor ire ouercome thee not, that thou oppresse ony man; and the multitude of yiftis bowe thee not.

stylus

19Putte doun thi greetnesse with out tribulacioun, and putte doun alle stronge men bi strengthe.

stylus

20Dilaie thou not nyyt, that puplis stie for hem.

stylus

21Be thou war, that thou bowe not to wickidnesse; for thou hast bigunne to sue this wickidnesse aftir wretchidnesse.

stylus

22Lo! God is hiy in his strengthe, and noon is lijk hym among the yyueris of lawe.

stylus

23Who mai seke out the weies of God? ethir who dar seie to hym, Thou hast wrouyt wickidnesse?

stylus

24Haue thou mynde, that thou knowist not his werk, of whom men sungun.

stylus

25Alle men seen God; ech man biholdith afer.

stylus

26Lo! God is greet, ouercomynge oure kunnyng; the noumbre of hise yeeris is with out noumbre.

stylus

27Which takith awei the dropis of reyn; and schedith out reynes at the licnesse of floodyatis,

stylus

28whiche comen doun of the cloudis, that hilen alle thingis aboue.

stylus

29If he wole stretche forthe cloudis as his tente,

stylus

30and leite with his liyt fro aboue, he schal hile, yhe,

stylus

31the herris of the see. For bi these thingis he demeth puplis, and yyueth mete to many deedli men.

stylus

32In hondis he hidith liyt; and comaundith it, that it come eft.

stylus

33He tellith of it to his freend, that it is his possessioun; and that he may stie to it.

stylus