1Myn herte dredde of this thing, and is moued out of his place.

stylus

2It schal here an heryng in the feerdfulnesse of his vois, and a sown comynge forth of his mouth.

stylus

3He biholdith ouere alle heuenes; and his liyt is ouere the termes of erthe.

stylus

4Sown schal rore aftir hym, he schal thundre with the vois of his greetnesse; and it schal not be souyt out, whanne his vois is herd.

stylus

5God schal thundre in his vois wondurfulli, that makith grete thingis and that moun not be souyt out.

stylus

6Which comaundith to the snow to come doun on erthe, and to the reynes of wijntir, and to the reynes of his strengthe.

stylus

7Which markith in the hond of alle men, that alle men knowe her werkis.

stylus

8An vnresonable beeste schal go in to his denne, and schal dwelle in his caue, `ethir derke place.

stylus

9Tempestis schulen go out fro the ynnere thingis, and coold fro Arturus.

stylus

10Whanne God makith blowyng, frost wexith togidere; and eft ful brood watris ben sched out.

stylus

11Whete desirith cloudis, and cloudis spreeden abrood her liyt.

stylus

12Whiche cloudes cumpassen alle thingis bi cumpas, whidur euere the wil of the gouernour ledith tho, to al thing which he comaundith `to tho on the face of the world;

stylus

13whether in o lynage, ethir in his lond, ether in what euer place of his merci he comaundith tho to be foundun.

stylus

14Joob, herkene thou these thingis; stonde thou, and biholde the meruels of God.

stylus

15Whethir thou woost, whanne God comaundide to the reynes, that tho schulen schewe the liyt of hise cloudis?

stylus

16Whether thou knowist the grete weies of cloudis, and perfit kunnyngis?

stylus

17Whether thi cloothis ben not hoote, whanne the erthe is blowun with the south?

stylus

18In hap thou madist with hym heuenes, which moost sad ben foundid, as of bras.

stylus

19Schewe thou to vs, what we schulen seie to hym; for we ben wlappid in derknessis.

stylus

20Who schal telle to hym, what thingis Y speke? yhe, if he spekith, a man schal be deuourid.

stylus

21And now men seen not liyt; the eir schal be maad thicke sudenli in to cloudis, and wynd passynge schal dryue awei tho.

stylus

22Gold schal come fro the north, and ferdful preisyng of God.

stylus

23For we moun not fynde him worthili; he is greet in strengthe, and in doom, and in riytfulnesse, and may not be teld out.

stylus

24Therfor men schulen drede hym; and alle men, that semen to hem silf to be wise, schulen not be hardi to biholde.

stylus