1Therfor Helyu spak eft these thingis, Whethir thi thouyt semeth euene,

stylus

2`ether riytful, to thee, that thou schuldist seie, Y am riytfulere than God?

stylus

3For thou seidist, That, that is good, plesith not thee; ethir what profitith it to thee, if Y do synne?

stylus

4Therfor Y schal answere to thi wordis, and to thi frendis with thee.

stylus

5Se thou, and biholde heuene, and biholde thou the eir, that God is hiyere than thou.

stylus

6If thou synnest `ayens hym, what schalt thou anoye hym? and if thi wickidnessis ben multiplied, what schalt thou do ayens hym?

stylus

7Certis if thou doist iustli, what schalt thou yyue to hym; ether what schal he take of thin hond?

stylus

8Thi wickidnesse schal anoie a man, which is lijk thee; and thi riytfulnesse schal helpe the sone of a man.

stylus

9Thei schulen cry for the multitude of fals chalengeris, and thei schulen weile for the violence of the arm of tirauntis.

stylus

10And Joob seide not, Where is God, that made me, and that yaf songis in the nyyt?

stylus

11Which God techith vs aboue the beestis of erthe, and he schal teche vs aboue the briddis of heuene.

stylus

12There thei schulen crye, and God schal not here, for the pride of yuele men.

stylus

13For God schal not here with out cause, and Almyyti God schal biholde the causis of ech man.

stylus

14Yhe, whanne thou seist, He biholdith not; be thou demed bifor hym, and abide thou hym.

stylus

15For now he bryngith not in his strong veniaunce, nether vengith `greetli felonye.

stylus

16Therfor Joob openith his mouth in veyn, and multiplieth wordis with out kunnyng.

stylus