1Mi spirit schal be maad feble; my daies schulen be maad schort, and oneli the sepulcre is left to me.

stylus

2Y have not synned, and myn iye dwellith in bittirnessis.

stylus

3Lord, delyuere thou me, and sette thou me bisidis thee; and the hond of ech fiyte ayens me.

stylus

4Thou hast maad the herte of hem fer fro doctryn, `ethir knowyng of treuthe; therfor thei schulen not be enhaunsid.

stylus

5He bihetith prey to felowis, and the iyen of hise sones schulen faile.

stylus

6He hath set as in to a prouerbe of the comyn puple, and his saumple bifor hem.

stylus

7Myn `iye dasewide at indignacioun; and my membris ben dryuun as in to nouyt.

stylus

8Iust men schulen wondre on this thing; and an innocent schal be reisid ayens an ypocrite.

stylus

9And a iust man schal holde his weie, and he schal adde strengthe to clene hondis.

stylus

10Therfor alle `ye be conuertid, and come ye; and Y schal not fynde in you ony wiys man.

stylus

11My daies ben passid; my thouytis ben scaterid, turmentynge myn herte.

stylus

12Tho han turned the nyyt `in to day; and eft aftir derknessis hope liyt.

stylus

13If Y `susteyne, ether suffre pacientli, helle is myn hous; and Y haue arayede my bed in derknessis.

stylus

14Y seide to rot, Thou art my fadur; and to wormes, Ye ben my modir and my sister.

stylus

15Therfor where is now myn abidyng? and who biholdith my pacience?

stylus

16Alle my thingis schulen go doun in to deppeste helle; gessist thou, whether reste schal be to me, nameli there.

stylus